Loma 1:1 - Chipangano Chabwangu

¹ Nine Paulo, umupyungi waku Klistu Yesu. Lesa alinjitile ukuti mbe umutumwa. Alinsalile ukwebati mbilishe Ubutumi bwakwe Bwawama.

Loma 1:1 ပူးပေါင်းရင်းမြစ်များ

Maliko 1:14

Ulo bayikete Yohane nokumubika muchifungo, Yesu ayile kuchalo cha Galili mukubilisha Ubutumi Bwawama ubwabufumu bwaku Lesa.

Yohane 12:26

Umuntu onse uukofwaya ukumpyungila ankonke, noko konse uko ndi naye akubako. Nomuntu ukompyungila, Bata bakwisa kumuchinshika.

Yohane 15:15

Lelo nshikomwita mwebo ababomfi, pakuti umubomfi teshibapo ifyo shikulu wakwe akochita. Nomba nkomwita mwebo ifibusa fyanji, pakuti fyonse ifyo naumfwa kuli Bata nalimubushishe.

Yohane 15:20

Ibukileni ifyo nasosele namwe ukuti, ‘Umusha tali umukulu ukuchila shikulu wakwe!’ Nga balinchushishe nebo, epo bakumuchusha namwe kumo. Nga basungile ukusambisha kwanji, elo bakusunga nokusambisha kwenu.

Imilimo ya batumwa 13:9

Nomba Saulo, uwitwa Paulo, awililwe no Mupashi Wabuta, katonta Elimasi amenso

Imilimo ya batumwa 20:24

Nomba shilanguluka ukuti ubumi bwanji buli nakantu iyowo, kuntu ichikulu chakuti nshilishe umulimo wanji, nobutumwa ubo napelwa kuli Bashikulu Yesu, ubwakubilisha Ubutumi Bwawama ubwabwanshi bwaku Lesa.

Imilimo ya batumwa 21:40

Naye umukulu wankondo amusuminishe. Elo Paulo ayimakene pamakwelelo nokutandanya ukuboko kwakwe kubantu. Ulo batalele, Paulo asosele kuli bo mu Chihebele ati,

Imilimo ya batumwa 22:21

Elo Bashikulu banjebele ati, ‘Koya bwaka, pakuba nkokutuma ukutali kubenafyalo.’”

Imilimo ya batumwa 22:7

Elo nawile panshi nokumfwa ishiwi ilikoti, ‘Saulo, Saulo! Nga nindo uunchushisha?’

Imilimo ya batumwa 26:1

Elo Agilipa aebele Paulo ati, “Wasuminishikwa ukuti uyisosele wemwine.” Elo Paulo atambulwile ukuboko kwakwe nokuyisoselela umwine ati,

Imilimo ya batumwa 26:14

Bonse twawile panshi. Elo naumfwile ishiwi likonjeba mu Chihebele ati, ‘Saulo, Saulo! Chindo ukonchushisha? Wakwichena wemwine kubati nintungu yapanta chibaka kuchiti chakwa chembela wayiko.’

Imilimo ya batumwa 27:23

Pantu bwenka mbuno ubushiku ubupitile umungelo waku Lesa uwo mpyungila, achisa

Imilimo ya batumwa 9:15

Kuntu Bashikulu balimwasukile bati, “Koya bwaka, pantu ngu muntu nebo ndimusalile ukuti alokumpyungila, ewakwishibisha ishina lyanji kubenafyalo, kumfumu nakubena Isilaeli.

Loma 1:16

Nebo nshakwatapo nsoni pa Butumi Bwawama, pakuba efiso fyaku Lesa mukupulusha abantu bonse abachetekela, ukutatikila ku Bayuda elo nakubenafyalo.

Loma 1:5

Muli Klistu ngu emo Lesa ampelele ishuko lyakuba umutumwa waku Klistu, ukuti ntungulule abantu bamitundu yonse ukumuchetekela nokumumfwila.

Loma 1:9

Lesa uwo nebo mpyungila mukubilisha Ubutumi bwakwe Bwawama nomutima wanji onse, ekamboni wanji ukuti nebo ndamwibukisha.

Loma 11:13

Nkososa kuli mwebo nomba abenafyalo. Ifyo ndi mutumwa kuli mwebo nkosekelela nobutumwa bwanji mbu.

Loma 15:16

mpyungile Klistu Yesu kubenafyalo. Mukushimika Ubutumi Bwawama, nkopyunga kubati nichipupila ukwebati abantu mba babe nga ichipupo icho Lesa engapokelela icho Umupashi Wabuta apatwile.

Loma 15:29

Ndishibile ukuti ulo nakwisa kuli mwe, nakumuletela amashuko ayenji ayaku Klistu.

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

Loma 16:25

Nomba Lesa uwafiso akomukoselesha ukupitila Mubutumi Bwawama ubo nkoshimika ubusosa ifyaku Yesu Klistu. Mfi fyalifishilwe pamyaka iinji.

1 Kolinto 1:1

Nine Paulo, uwayitilwe ukulingana nokufwaya kwaku Lesa ukuti mbe umutumwa waku Klistu Yesu, pamo nawesu Sositenesi.

1 Kolinto 9:1

Napo nshilipo muntungwa? Napo tanshilipo umutumwa? Napo nshamubwenepo na Yesu Shikulu wesu? Te mwepo ifitwalo pamulimo napyungila Bashikulu?

2 Kolinto 1:1

Nine Paulo umutumwa waku Yesu Klistu ukulingana nokufwaya kwaku Lesa. Ndi nawesu Timoti. Tukolembela ichilonganino chaku Lesa ichili ku Kolinto nabantu bonse abaku Lesa abali muchalo cha Akaya.

2 Kolinto 11:5

Nkolanguluka ati tenepo umutumwa umunini pali bo musosa ati, “Abatumwa abachililepo.”

2 Kolinto 11:7

Nalichefeshe nenka ukwebati mwebo mukule. Nalibilishe Ubutumi Bwawama ubwaku Lesa ukwambula ukumulipilisha. Napo kuchita mfi nalibifishe?

2 Kolinto 12:11

Naba uupuneme, kuntu nimwebo mwalenga mfi. Nimwe mwalingile ukumpela bukamboni. Pakuba nangu nshilipo kantu, kuntu “abatumwa” benu abo abayibela tabanchililepo nangu panini.

2 Kolinto 2:12

Ulo nafikile ku Tuloasi ukuti nkashimike Ubutumi Bwawama ubusosa ifyaku Klistu, nalisangile Bashikulu baliswile kale inshila ukuti mpyunge umulimo nkulya.

2 Kolinto 4:5

Echo tatwishimika fwebene, sembi Yesu Klistu ukuti e Shikulu. Fwebo tuli ntumi shenu bwaka pamulandu waku Yesu.

Galatiya 1:1

Nine Paulo umutumwa, tanshatuminwepo nomuntu, kuntu Yesu Klistu na Lesa Bata bo ababushishe Yesu Klistu kubafwa.

Efeso 1:1

Nine Paulo umutumwa waku Klistu Yesu uwasalwa kukufwaya kwaku Lesa. Nkolemba kalata nji kubantu abaku Lesa abali ku Efeso abachetekela muli Klistu Yesu.

Efeso 1:13

Elo namwebo, ulo mwaumfwile amashiwi ayachine, Ebutumi Bwawama ubwamupulushishe, mwalichetekele Klistu. Echo Lesa abikile ichishibilo pali mwebo ukushininkisha ukwebati muli bantu bakwe ulo amupele Umupashi Wabuta uwo amulayile.

Efeso 4:11

Eye uwapele ifyabupe kubantu. Apele bambi ukuti babe abatumwa, bambi abasoseshi, bambi bakabilisha, bambi bachembela nabasambishi.

Filipi 1:1

Nine Paulo na Timoti abapyungi baku Klistu Yesu. Twalembela bonse mwe bekala mumusumba wa Filipi, bo abali bantu baku Lesa muli Klistu Yesu. Tukolembela nakambi intungulushi nabapyungi abachilonganino.

Filipi 2:11

Bonse bakuyebelela benka ukuti, “Yesu Klistu ni Bashikulu,” mukuchinshika Lesa Bata.

Kolose 1:1

Nine Paulo umutumwa waku Klistu Yesu mukufwaya kwaku Lesa. Tuli nawesu Timoti.

Kolose 1:25

Elo nandibo ndimupyungi wachilonganino nchi pantu Lesa alimpele umulimo wakupyunga mukati kenu. Umulimo ngu uwakuti mbilishe amashiwi akwe onse.

1 Tesalonika 2:2

Mulishibile ifyo batuchushishe nokututukaula kubantu baku Filipi ulo tatulayisa ku Tesalonika. Nangu chali mfilya, kwali ukupusana ukwinekantu, na Lesa wesu alitukoseleshe ukuti tubilishe Ubutumi Bwawama ubwafuma kuli Ye.

1 Tesalonika 2:8

Twalimutemenwe ukwinekantu ichakuti twalipekenye ukwabana namwebo, te Butumi Bwawama bwaku Lesa bwenka iyowo, kuntu nobumi bwesu.

1 Tesalonika 2:9

Nachine mukoyibukisha ifyo twalikubombesha ulo twali namwe. Twalikubomba akasuba nobushiku ukuti takupo bwafya kuli mwebo ulo twalikubilisha Ubutumi Bwawama ubufuma kuli Lesa.

1 Timoti 1:1

Nine Paulo umutumwa waku Klistu, nga mfilya asosele Lesa, Umupulushi wesu namuli Klistu uutupela ukulolela kwesu.

1 Timoti 2:7

Echo antumine ukuba kabilisha nomutumwa. Nkosambisha abenafyalo ifyachichetekelo nechine. Nachine nkososa ifinenene, tanshikobepapo iyowo.

2 Timoti 1:11

Lesa alinsontele ukuti mbe kabilisha, umutumwa, elo nakasambisha Wabutumi Bwawama.

Taitasi 1:1

Nine Paulo umupyungi waku Lesa, nakambi umutumwa waku Yesu Klistu. Nalisalilwe ukutangilila abasalwa ukuti bachetekele nokwishiba ichine, ichingabafikisha kubumi ubwakuchinshika Lesa

Hebele 5:4

Tapapo umuntu uuyipela umuchinshi umwine uwakuba chipupila mukulu iyowo, kuntu aletwa na Lesa ukubati nimfilya ayitile Aloni.

Hebele 7:26

Chiweme ukuti tube nakwe Chipupila Mukulu uwalungama, uutakwetepo akalema nangula ububi ubuli bonse, uwapusana nembifi nakambi uwasumbulwa ukuchila fyonse ifyakumulu.

Yemusi 1:1

Nine Yemusi, umupyungi waku Lesa na Bashikulu Yesu Klistu. Namuposha umutende bonse mwe bantu baku Lesa abapalangana mpanga yonse.

1 Petulo 4:17

Nomba inshita yafika iyakuti Lesa apingule abantu bakwe. Nga ukupingulwa kwakutatikila pabantu bakwe, mba chakuba shani kuli bo abatomfwa Ubutumi Bwawama bwaku Lesa?

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

Yuda 1:1

Nine Yuda umupyungi waku Yesu Klistu, nakambi nine wabo wakwa Yemusi. Nalemba kalata nji kuli mwebo mwe bayitwa nakambi abatemweka na Lesa Bata, mwebo Yesu Klistu asunga.

Ukufisulula 1:1

Muli ndi buku emwalembwa ifintu Lesa afisulwile kuli Yesu Klistu. Lesa amufisulwile mfi ukuti alange abapyungi bakwe ifyakwisa kuchitika bwangu-bwangu. Klistu naye alishibishe umupyungi wakwe Yohane mfi fintu ulo atumine umungelo wakwe kuli ye.

Ukufisulula 22:6

Nomba umungelo asosele kuli nebo ati, “Amashiwi nga yachine nakambi alingile ukuyachetekela. Bashikulu Lesa abapela Umupashi wabo kubasoseshi, balitumine umungelo wabo ukuti balange abapyungi babo ifilingile ukuchitika bwangu-bwangu.”

Ukufisulula 22:9

Nomba asosele kuli nebo ati, “Wichitapo mfi iyowo! Nandibo ndimupyungi bwaka kubati niwe. Ndi umo uwaba wenu abasoseshi, nakambi ndi umo waku bo abomfwa amashiwi ayabasoseshi ayali mwibuku ndi. Ulokulambila Lesa.”