Kolose 4:5 - Chipangano Chabwangu

⁵ Muchenjela mufintu mukochita kubantu bakunse. Mubomfye bwino inshita shonse isho mukoshukila.

Kolose 4:5 ပူးပေါင်းရင်းမြစ်များ

Mateyo 10:16

“Umfweni! Nkomutuma ukubati nimbelele pakati kamimbulu. Echo chenjeleni kubati ninsoka nakambi mufuke imitima kubati ninkunda.

Maliko 4:11

Epo asosele kuli bo ati, “Kuli mwebo kwapelwa ichamfiso ichabufumu bwaku Lesa, ekwebati kuli mbalya abakunse, ifintu fyonse fikochitika mufyelusho.

Loma 16:19

Abantu bonse balyumfwa ifyo munakila Lesa. Echo nkotemwa pamulandu wenu. Nomba nkofwaya ukuti mube nomulangwe pafintu ifiweme. Mwipumfiwapo nefibi.

Kolose 3:16

Lekeni amashiwi aku Klistu aamuchinshi alokwikala mumitima yenu. Mulokusambilishanya nokupandana amano. Mulokwimba inyimbo ishakutondayisha Lesa isha Malumbo, neshakutotela, nenyimbo shimbi ishakulumbanya Lesa. Mulokwimbila Lesa nokumutotela mumitima yenu.

1 Tesalonika 4:12

Muli nji nshila, abashachetekela bakumupela umuchinshi, elo tamwakachebepo kumuntu umbi kufintu ifyo mukokabila.

1 Timoti 3:7

Alingile ukuba nolulumbi uluweme kubatali bamuchilonganino ukuti eyisebanyapo nokuwila mumatunko ayakwa Kachenjeleka.

Yemusi 1:5

Kati umo pali mwe takwetepo umulangwe, alombe kuli Lesa uupela namaboko abili ukwambula ukuyilishanya.

Yemusi 3:13

Ninani pali mwe uuli nomulangwe nokumfwikisha? Ayilange enka ukupitila mumikalile yakwe iiweme, namuli mfilya achita ifyamulangwe mukuyichefya.

Yemusi 3:17

Nomba umulangwe uufuma kumulu waba uwalungama ukufikapo, elo wamutende, uwafuuka, tautalikishanya, uwayiwula nenkumbu, elo nemilimo iiweme. Taukwetepo akapatulula nangu ukutumpayika.

1 Petulo 3:1

Namwe mwe banakashi, nakilileni abalume benu, ukwebati nga kuli bamo abatomfwa Amashiwi aku Lesa, muleke imyendele yenu ibaalulule. Tapalingilepo ukusosa amashiwi,