Kolose 4:2 - Chipangano Chabwangu

² Koseleleni mukulomba, nakambi mube abayiluka mukulomba namukutotela Lesa.

Kolose 4:2 ပူးပေါင်းရင်းမြစ်များ

Mateyo 26:41

Kanshi mwafilwa ukulola pakashita akanini bwaka? Umutima ukofwayisha, kuntu umubili uli wanaka.”

Maliko 13:33

Mulokuchenjela, mulokwibukila nokulomba pantu tamwishibilepo apo njilya nshita ulo yakufikila.

Luka 18:1

Yesu aebele nakambi abakusambila bakwe ichelusho ichakuti bakowamina ukulomba inshita shonse ukwambula ukunaka.

Luka 21:36

Beni abayibukila nokulomba inshiku shonse ukuti mube nefiso fyakwisa kupulamo muli fyonse ifyakuchitika. Elo mwakwisa kwimakana kuntanshi ya Mwana wa Muntu.”

Imilimo ya batumwa 1:14

Mba bonse balikulongana libili-libili mukulomba pamo na Maliya banyina baku Yesu nabawakwe Yesu pamo nabanakashi bambi.

Loma 12:12

Mulokusekelela mukulolela kwenu. Shipikisheni munshita shamachushi. Elo mulokulomba lonse.

Efeso 6:18

Inshita shonse lombeni mukutungululwa no Mupashi Wabuta ukuti Lesa amwafwilishe. Mulombe nokulomba ukupusene-pusene. Mube abayiluka mukulombela abantu baku Lesa, mwilekapo iyowo.

Filipi 4:6

Mwilokusakamanapo pachintu nangu chimo iyowo, kuntu mukulomba kwenu konse, mupapate Lesa ukuti amupele ifyo mutakwetepo. Elo inshita shonse mulombe nemitima iyakutotela.

Kolose 1:9

Pali nchi, nafwebo, ukutatika nkalya kasuba twaumfwile, tatwalekapo ukumulombela. Tulalomba Lesa ukuti amwiushe amano nomulangwe ifyo Mupashi Wabuta apela ukwebati mumfwikishe fyonse ifyo Ye afwaya.

Kolose 2:7

Mwandemo imishu nokwimaka ubumi bwenu muli Ye. Mwimakane ndi apo muli mwe bashindayikwa muchichetekelo chenu ukubati nimulya mwasambilile. Nakambi mulokumutotela lonse.

Kolose 3:15

Umutende uwo Klistu apela ewo ulokuba kampingu wamitima yenu, pantu kuli ngu mutende wenka eko Lesa amwitila ukuba pamo mumubili umo. Elo mube nemitima iyakutotela Lesa.

Kolose 3:17

Nafyonse ifyo musosa nokuchita, filokuchitilwa mwishina lyaku Bashikulu Yesu, emo mulokutotelamo Lesa Wishi.

Kolose 4:12

Epafulasi, wamwibumba lyenu, amupela umutende, nakambi mupyungi waku Yesu Klistu. Lonse alamulombelako nomutima wakwe onse ukuti Lesa alokumwafwa ukuba abena Klistu abafikapo, nakambi abachetekela ubufwayo bwaku Lesa bonse.

1 Petulo 4:7

Nomba kumupwilo wafintu fyonse kwapalama. Echo mube abachenjela nokwikanya pakuti mulokulomba bwino.