Kolose 4:10 - Chipangano Chabwangu

¹⁰ Alisitakasi, umufungwa munanji, amuposha umutende, na Maliko, umufyala wakwa Banabasi, naye amuposha umutende (engulya uwo namukonkobeshe akale ukuti nga ayisa uko muli mukamupokelele).

Kolose 4:10 ပူးပေါင်းရင်းမြစ်များ

Imilimo ya batumwa 12:12

Ulo Petulo aayilwike, alungeme kunanda yakwa Maliya banyina bakwa Yohane Maliko, ukwalongene abantu abenji abali kulomba.

Imilimo ya batumwa 12:25

Banabasi na Saulo balipwishishe umulimo babatumine ukuchita. Elo bafumine ku Yelusalemu, bayile na Yohane Maliko.

Imilimo ya batumwa 13:13

Nakambi Paulo nabanakwe bafumine ku Pafosi nokuya kumushi wa Pega uwaba muchalo cha Pamfiliya. Yohane Maliko alibashile nkulya nokubwelela ku Yelusalemu.

Imilimo ya batumwa 13:5

Ulo bafikile mumushi wa Salamisi, balikushimikila amashiwi aku Lesa mumananda akulombelamo Lesa. Bayile na Yohane Maliko ukuti alokubafwilishako.

Imilimo ya batumwa 19:29

Elo ichimfulunganya chakumene umushi onse. Ibumba limo lyabantu lyayikete Gayusi na Alisitakasi, abalalume babili baku Masedoniya, abali kwenda na Paulo. Bwangu-bwangu, babatwele kuchibansa chamangalo.

Imilimo ya batumwa 20:4

Abayile na Paulo ni Sopata mwana Pilusi umwina Beliya, Alisitakasi na Sekundo abena Tesalonika, Gayo umwina Debe, Tikikasi na Tulofimasi abafumine kuchalo cha Asiya pamo na Timoti.

Imilimo ya batumwa 27:2

Twayinjile mubwato ubwafumine kumushi wa Adulamitiyamu ubwali nokupita mumishi iya mululamba lwachalo chaku Asiya. Na Alisitakasi uufuma kumushi wa Tesalonika wamuchalo cha Mesedoniya, twayile nakwe.

Imilimo ya batumwa 4:36

Elo kwalipo nomuntu umo uwalikwitwa Yosefe, umwina Lefi, uwafyalilwe muchalo cha Saipulasi, uwo abatumwa balikwita Banabasi, (ilikoyalula “Umuntu Uchinchisha.”)

Loma 16:2

Mupokeleleni nga umwina Klistu munenu kubati nimulya abantu baku Lesa bapokelela. Mwafwilisheniko ifyo akokabila pakuti ye aafwilishe abantu abenji pamo nandibo.

Loma 16:7

Muposhe umutende nakambi kuli Andilonikasi na Yuniyasi, Abayuda bananji abo twali nabo muchifungo. Mba balishibikilwe ukwinekantu kubatumwa. Ulo nshilachetekela mba bali kale abena Klistu.

2 Timoti 4:11

Luka enka euli nandibo. Pakwisa wise na Maliko pakuti kuti angafwako pamulimo.

Filimoni 1:23

Epafulasi, uwo tuli nakwe muchifungo pamulandu waku Yesu Klistu, akuposha umutende.

Filimoni 1:24

Ababomfi bananji ba Maliko na Alisitakasi, Dimasi na Luka nabo bakuposha umutende.

1 Petulo 5:13

Abanenu abachilonganino chaku Babiloni bakomuposha umutende. Maliko uuli kubati mwana wanji naye akomuposha umutende. Muposhanye.