Kolose 3:4 - Chipangano Chabwangu

⁴ Ubumi bwenu ubwachine ni Klistu. Ulo akaboneka namwe mukabonekela pamo nakwe mubuleme bwakwe!

Kolose 3:4 ပူးပေါင်းရင်းမြစ်များ

Mateyo 13:43

Echo abantu baku Lesa bakusanika kubati kasuba mubufumu bwaku Lesa. Umfweni, ukwete amatwi aakumfwa, omfwe.

Luka 17:30

Efyo chakwisa kuba pakasuba ulo Umwana wa Muntu akwisa kuyifisululamo.

Yohane 11:25

Yesu asosele kuli ye ati, “Nine ukubuka nobumi. Uyo onse uuchetekela muli nebo, akuba nobumi nangu aafwa.

Yohane 14:3

Panuma yakumuwamishisha ififulo, nakubwela nakambi ukuti njise mutwale uko ndi ukwebati uko njikala namwe eko mukekale.

Yohane 14:6

Yesu alimwasukile ati, “Nine inshila, nokwebesha nobumi. Takupo uuya kuli Bata, sembi apitila muli ne.

Yohane 17:24

“Bata! Nkofwayisha ukwinekantu ukuti abo mwampela, bakabe nandibo uko nakuba ukwebati bakabone umuchinshi wanji uwo mwampela. Pakuti mwantemenwe ichalo tachilatatika.

Yohane 20:31

Nomba mfi fyalembwa ukwebati muchetekele ukuti Yesu e Wasubwa, Umwana waku Lesa, nokuti nga mwamuchetekela mube nobumi butapwapo.

Imilimo ya batumwa 3:15

Echo mwayipeye umwine wabumi, kuntu Lesa amubushishe kubafwa. Elo fwebo tuli bakamboni pali ngu mulandu.

Loma 8:18

Ukuchula uko tukopitamo nkano kashita tekuti tukulinganyepo nobuleme ubo Lesa akutufisulwila.

Loma 8:19

Ifyo fyonse Lesa alengele fikolindila ukwinekantu ulo Ye akufisulula abana bakwe.

1 Kolinto 1:7

Echo tapapo ubupe ubo tamukwetepo ulo mukolindila ukuboneka nakambi kwaku Bashikulu Yesu Klistu.

1 Kolinto 15:43

Pakushika umubili uli wasulwa, nomba pakubuka wakuba wamuchinshi. Pakuushika ulaba uwanaka, nomba pakubuka wakuba uwafiso.

2 Kolinto 4:17

Amachushi esu alyanguka, elo yakashita kanini, nomba yakutuletela umuchinshi uukulu ukuchilapo, elo wamuyayaya.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Filipi 3:21

Ye akwalula imibili yesu nji iyabwaka ukwebati ipalane nomubili wakwe uwabuleme. Akuchita mfi kufiso fyakwe mfilya ifyo angalenga ifintu fyonse ukutungululwa na Ye.

1 Tesalonika 4:17

Elo fwebo bakasanga tuli ababumi pali njilya nshita, twakupintwa pamo nabo mumakumbi mukukumanya Bashikulu mulwelele. Elo twakwikala na Bashikulu lonse.

1 Timoti 6:14

Nkokweba ati ukwambula akalema nangula ukutwishika, ulokulama bwino fyonse ifyo wasambilile ukufikila ulo Bashikulu Yesu Klistu bakubwela.

2 Timoti 1:1

Nine Paulo umutumwa waku Klistu Yesu mukufwaya kwaku Lesa. Alintumine ukuti mbilishe ubumi mbulya Lesa alayile ubo twakwata muli Klistu Yesu.

2 Timoti 4:8

Ichisheleko nomba kupokelela ingala ilanga ukulungama uko Bashikulu, kapingula uwalungama, bakumpela pakasuba nkalya. Elo ichabupe nchi tabakapeleko nebo nenka iyowo, kuntu nambalya bonse abakolindilila ukwisa kwakwe.

Taitasi 2:13

Pakuti tukololela ubushiku ubwashukishiwa, ulo twakubona umuchinshi waku Lesa umukulu, no Mupulushi wesu Yesu Klistu.

Hebele 9:28

Mwenkamo Klistu aliipele nge chipupo limo ukwebati apinte nokufuta amabifyo abantu abenji. Akuboneka nakambi inshita yalenga chibili. Temukufutapo amabifyo iyowo, kuntu nimukupulusha bo abakomulindila.

1 Petulo 1:13

Echo imitima yenu ibe iyayipekanya. Mube abayiluka. Mushintilile nomutima onse mukulindila kwenu pabwanshi bwaku Lesa ubo mwakupokelela ulo Yesu Klistu akuboneka.

1 Petulo 5:4

Nomba ulo Chembela mukulu akuboneka mwakupokelela ichilambu ichitafota ichamuchinshi.

1 Yohane 2:28

Ina, bana banji, ikaleni muli Ye, mukuti nga aboneka tukeushiwe nokushipa. Tatwakaumfwepo insoni pakasuba ulo akwisa.

1 Yohane 3:2

Mwebatemwekwa banji, nomba tuli bana baku Lesa, lelo tachingayishibikwapo ifyo twakuba. Lelo tulishibile ukuti ulo Klistu akuboneka, twakubati ni Ye pantu twakumubona fyenka ifyo aba.

1 Yohane 5:12

Umuntu onse uukwete ngu Mwana alinabo mbu ubumi, kuntu onse uutakwetepo Umwana waku Lesa, takwetepo nambu bumi.

Yuda 1:24

Ubuleme bube kuli Ye uwaba nefiso fyakumusunga ukuti mwiwa. Ye uwaba nefiso ifyakumulenga abalungama nakambi abasekelela pachinso chakwe ichabuleme.

Ukufisulula 2:7

“Uyo uuli namatwi, omfwe ifyo Mupashi Wabuta ukososa kufilonganino! “Kuli onse uwakuchimfya nakumusuminisha ukulyako kufitwalo ifyakuchiti ichabumi ichaba mukati kachifulo ichakusekelela.

Ukufisulula 22:1

Nakambi umungelo alinangile inika yamenshi ayapela ubumi ayali kubeka kubati ligalashi. Inika nji yalikufuma kumupando waku Lesa nowa Mwana wambelele.

Ukufisulula 22:14

Abashuka nimbalya abasamfya imikanjo yabo ukuti basuminishiwe ukulyako ifitwalo fyaku chiti ichipela ubumi nokwinjila mumilyango yamusumba.