Kolose 3:3 - Chipangano Chabwangu

³ Pakuba mwebo mwalifwa, nobumi bwenu bwalisungwa pamo na Klistu muli Lesa.

Kolose 3:3 ပူးပေါင်းရင်းမြစ်များ

Mateyo 11:25

Pali njilya nshita Yesu asosele ati, “Bata, mwe Kateka wamulu nechalo! Nkomutotela pantu mwalanga mfi ifintu kubatasambilila ifyo mwafishile kubamano nabasambilila.

Yohane 14:19

Munshita bwaka iinini, ichalo tachakambonepo, kuntu mwebo mwakwisa kumbona pakuti nebo ndimumi, namwe mwakwisa kwikala nobumi.

Yohane 3:16

Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Yohane 4:14

kuntu onse uunwa amenshi nakumupa tayise kumfwapo chilaka nakambi. Amenshi awo nakumupa akwisa kuba muli ye akamfuku-mfuku nokumupela amenshi aabumi butapwa.”

Yohane 5:21

Ukubati nimulya umo Bawishi babushisha abafwa nokubapela ubumi, munshila imo yenka Umwana naye akopela ubumi kubantu abo akofwaya.

Yohane 5:24

“Nachine nkomweba ati, onse uukoumfwa amashiwi anji nokuchetekela muli Ye uwantumine, ali nobumi ubutashila. Ngu tayise kupingulwa pantu apulamo kale mumfwa nokuya kwinjila mubumi.

Yohane 5:40

Elo tamufwayapo ukwisa kuli nebo ukuti mube nobumi butashilapo.

Loma 5:10

Fwebo twali utupondo utwaku Lesa, kuntu atulengele ifibusa fyakwe pamulandu wamfwa ya Mwana wakwe. Nomba ifi atulengele buchibusa na Lesa, twapulushiwa nobumi bwaku Klistu!

Loma 5:21

Kubati nimfilya ububi bwaletele imfwa pano chalo, munshila imo yenka ubwanshi bwachimfishe ukupitila mubulungami, nokuleta ubumi butapwa kubantu bonse ukupitila muli Bashikulu Yesu Klistu.

Loma 6:11

Munshila imo yenka mulingile ukuyilangulukila mwenka ukuti mwalifwa kububi, kuntu muli ababumi kuli Lesa muli Bashikulu Yesu Klistu.

Loma 6:2

Nangu panini! Fwebo twalifwa kukubifya, mba nindo twingekalilila mukuchita ububi?

Loma 8:2

Pakuti ifunde lya Mupashi Wabuta ilitupela ubumi muli Klistu Yesu, lyankakula kwifunde ilyabubi nemfwa.

1 Kolinto 15:45

Amalembo asosa ati, “Adamu wakwamba ngulya ayishile kuba umumi,” nomba Adamu wakumupwilo ayishile kuba Umupashi uupela ubumi.

1 Kolinto 2:14

Umuntu uutakwetepo Umupashi Wabuta tomfwapo ififuma ku Mupashi ngu. Kuli ye fipuneme. Elo tekuti afyumfwikishepo pakuti fishibikwa bwaka kumuntu uukwete Umupashi Wabuta.

2 Kolinto 5:14

Chitemweko chaku Klistu echikotutungulula. Pakuba tulachetekela ukwebati umo alitufwilile bonse, echo bonse balifwa.

2 Kolinto 5:7

Pakuba ichikulu kuchetekela tepafyakubona namenso.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Efeso 3:9

Alimpele umulimo wakulondolwela abantu bonse umo Lesa akuchitila fyonse ifyo apekenye mubumfisolo bwakwe. Lesa uwabumbile fyonse, asungile ubumfisolo mbu inshita tayilatatika.

Filipi 4:7

Elo umutende uufuma kuli Lesa, uyo uuchilapo pamano onse ayamuntu, wakulama bwino imitima yenu namalangulushi enu muli Klistu Yesu.

Kolose 1:5

Echo icho mukolindilila, Lesa alimubikila bwino-bwino mumulu. Mfi mwalifyumfwa ulo amashiwi achine aya Butumi Bwawama ayishile kuli mwebo pakwamba.

Kolose 2:20

Mwebo mwafwila pamo na Klistu, nakambi mwalilubulwa kubusha bwamipashi yamulwelele. Kanshi chindo icho mwikalila nga abantu banchino chalo? Chindo icho munakilila kumafunde asosa ati,

Kolose 2:3

Muli Ye emwafishilwa ububoni bonse ubwamulangwe namano.

Kolose 3:4

Ubumi bwenu ubwachine ni Klistu. Ulo akaboneka namwe mukabonekela pamo nakwe mubuleme bwakwe!

Hebele 7:25

Pamulandu wakwe engapulusha bo abesa mupepi na Lesa ukupitila muli Ye, pakuti ngu ali nobumi inshita shonse ukuti abalombele.

1 Petulo 3:4

Nomba ukuyiwamisha kwenu kube ukwamumutima mukati, ukuwamya ukutashilapo ukwamutima-nteka nowatalala. Ubumi bwamfi bwalichindama kumenso aku Lesa.

1 Petulo 4:2

Echo ulo muchili nobumi panonshi, tamwakonkepo ukufwaya kwabuntunse, kuntu ukufwaya kwaku Lesa.

1 Yohane 3:2

Mwebatemwekwa banji, nomba tuli bana baku Lesa, lelo tachingayishibikwapo ifyo twakuba. Lelo tulishibile ukuti ulo Klistu akuboneka, twakubati ni Ye pantu twakumubona fyenka ifyo aba.

Ukufisulula 2:17

“Uyo uuli namatwi, omfwe ifyo Mupashi Wabuta ukososa kufilonganino! “Onse uwakuchimfya, nakumupela mana aatabonekapo ukuti alye. Nakambi nakumupela ibwe ilitubile apalembwa ishina lyabwangu ilyayishibikwa bwaka kumwine uwakupokelela epela.