Kolose 3:24 - Chipangano Chabwangu

²⁴ Mulokwibukisha ukuti Bashikulu bakumulambula fyonse ifyo balayile abantu babo. Muli fyonse mfi ni Klistu Bashikulu benu epela ebo mupyungila.

Kolose 3:24 ပူးပေါင်းရင်းမြစ်များ

Mateyo 10:41

Onse uwapokelela umusoseshi uwatumwa na Lesa akupokelela ichilambu ichakubati chamutumwa waku Lesa. Elo onse uwakupokelela uwalungamikwa pantu mulungami, akupokelela ichilambu chakwe.

Mateyo 5:12

Angeni nokusekelela pakuti ichilambu chenu kumulu chikulu. Pakuti mfi efyo bachushishe nabasoseshi abamutanjilile.

Mateyo 5:46

Nomba kati mukotemwa bwaka abantu abamutemwa, lishuko ndo mwingabwenamo? Napo abamisonko nabo tefyopo bachita?

Mateyo 6:16

“Ulo mukoyikanya ukulya, mulokwikalapo abachikonko nga mfilya bachita abakutumpayika. Bo balayishimfyanya pamenso pakuti abantu bababone ukuti bakoyikanya ukulya. Nachine nkomweba ati, mba balipokelela kabela ichilambu chabo.

Mateyo 6:5

“Ulo mukolomba, mulokubati abakutumpayika. Pakuba bo balitemwa ukwimakana pakulomba mumananda aakulombelamo Lesa napamampandwa amisebo, ukuti babonekele kubantu. Nkomweba ati, mba balipokele kabela ichilambu chabo.

Luka 14:14

Elo webo wakupelwa ishuko, pakuti tabakwetepo ifyakukubwesesha. Lesa akwisa kukulambula ulo abalungama bakwisa kubuka kubafwa.”

Luka 6:35

Ala! Mulokutemwa abalwani benu nokubachitila ubune, bakongwesheni nokusulako. Mwakwisakupokelela ichilambu chenu ichikulu. Mwakwisa kuba abana baku Lesa uwapulamo pakuti Ye ali uuweme kuli abo abatatotapo nakubabi.

Yohane 12:26

Umuntu onse uukofwaya ukumpyungila ankonke, noko konse uko ndi naye akubako. Nomuntu ukompyungila, Bata bakwisa kumuchinshika.

Imilimo ya batumwa 20:32

“Nomba namupela kuli Lesa nakumashiwi aasosa ubwanshi bwakwe. Ye ukuti amukoselesha nokumushukisha kuli fyonse ifyo Lesa ateyanishisha abantu bakwe.

Loma 1:1

Nine Paulo, umupyungi waku Klistu Yesu. Lesa alinjitile ukuti mbe umutumwa. Alinsalile ukwebati mbilishe Ubutumi bwakwe Bwawama.

Loma 14:18

Uyo uukopyungila Klistu muli nji nshila, asekesha Lesa. Elo nabantu balamusuminisha ukuba umupyungi waku Ye.

1 Kolinto 11:23

Pakuti napokelele kuli Bashikulu amashiwi awo namuletele aakuti ubushiku bwenka ubo Bashikulu Yesu bapelekelwemo, babulile umufuba.

1 Kolinto 3:8

Umuntu uubyala nowitilila balilingana. Echo Lesa akulambula umo-umo pali bo ukulingana nomulimo uwo apyungile.

1 Kolinto 7:22

Pakuba umuntu uwali musha ulo bamwitile Bashikulu, ye muntungwa wa Bashikulu. Chimo chine, uwali umuntungwa naye bamwitile, musha waku Klistu.

Galatiya 1:10

Ulo nkososa mfi, napo nkofwaya ukulumbanishiwa kubantu? Nangu panini, kuntu Lesa bwaka. Napo nkofwaya ukusekesha abantu? Iyowo, nga nalikufwaya ukuchita mfi, tekuti mbepo umupyungi waku Klistu.

Efeso 6:6

Mulokuchitapo bwaka ulo bakomulondapo, kubati mukofwaya ukusekesha abantu. Nomba nga abasha baku Klistu, muchite nomutima onse ifyo Lesa afwaya.

Efeso 6:8

Mwalishiba ukuti chonse ichiweme icho umuntu achita, akupokelelapo ichilambu kuli Bashikulu, nangu musha nangula mwana.

Kolose 2:18

Mwilekapo umuntu nangu umo amubepe pamulandu wakwichefya bufi-bufi nokulomba abangelo. Abantu bamusango ngu balayilumbanya pamulandu wafibonwa ifyo babona. Nchi chenka kuyitumpika bwaka pantu amalangulushi abo abukayitemwe.

Hebele 10:35

Echo mwiposapo ukushipa kwenu pakuti kwakumuletela ichabupe ichikulu.

Hebele 11:6

Tapapo uwingasekesha Lesa ukwambula ichichetekelo. Pakuti uuli onse ufwaya ukupalamina kuli Lesa, alingile ukusumina ukuti Lesa epo aba, nakambi nokuti alapela ifyabupe kuli bo abamufwaya-fwaya.

Hebele 9:15

Pamulandu wamfi Klistu ekapekanya wachipangano chabwangu ukuti abo Lesa ayita bapokelele ishuko ilitashilapo ilyo Lesa alayile. Fyali mfi pamulandu wamfwa yaku Klistu, iipulusha abantu kumabifyo ayo balikuchita ulo bali muchipangano ichakale.

1 Petulo 1:4

ukuti tukapokelela ifyalayilwe ifiweme ifitaonayika, ifitabifiwa nefitangabosa ifyo Lesa akomusungila kumulu.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

Yuda 1:1

Nine Yuda umupyungi waku Yesu Klistu, nakambi nine wabo wakwa Yemusi. Nalemba kalata nji kuli mwebo mwe bayitwa nakambi abatemweka na Lesa Bata, mwebo Yesu Klistu asunga.