Kolose 3:17 - Chipangano Chabwangu

¹⁷ Nafyonse ifyo musosa nokuchita, filokuchitilwa mwishina lyaku Bashikulu Yesu, emo mulokutotelamo Lesa Wishi.

Kolose 3:17 ပူးပေါင်းရင်းမြစ်များ

Mateyo 28:19

Echo kamuya kubantu bamitundu yonse, mukabasangule ukuba abakusambila banji. Mukababatishe mwishina lya Bata, nelya Mwana nelya Mupashi Wabuta.

Imilimo ya batumwa 19:17

Abantu bonse abali kwikala mu Efeso, Abayuda nabenafyalo, balyumfwile ifyachitikile. Elo bayiketwe nomwenso. Echo abantu bachinshikile ishina lyaku Bashikulu Yesu.

Imilimo ya batumwa 4:30

Tambululeni ukuboko kwenu ukuti muposhe abantu nakambi mulenge ukuti ifiso fwenu ifikulu fiboneke mwishina lyaku Yesu Umupyungi wenu Uwabuta.”

Loma 1:8

Ichakubalilapo, nkototela Lesa wanji ukupitila muli Yesu Klistu pamulandu waku mwebo bonse, pakuti ichalo chonse chikoumfwa ifyachichetekelo chenu.

1 Kolinto 10:31

Echo nga mukolya, ukunwa nangu ulo mukochita ichili chonse, mufichite mukuchinshika Lesa.

Efeso 1:17

Nkolomba kuli Lesa waku Bashikulu Yesu Klistu, Bata wamuchinshi, amupele Umupashi Wabuta uupa umulangwe uwakufisulula Lesa ukuti mumwishibe bwino.

Efeso 5:20

Mutotole Lesa Bata inshita shonse pamulandu wafintu fyonse mwishina lyaku Bashikulu Yesu Klistu.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Filipi 2:11

Bonse bakuyebelela benka ukuti, “Yesu Klistu ni Bashikulu,” mukuchinshika Lesa Bata.

Kolose 1:12

Echo nkolomba ukuti mulokutotela Lesa Bata, uwamulenga ukuba abalinga ukukwatako ifintu Lesa amubikila mubufumu bwakusanika.

Kolose 2:7

Mwandemo imishu nokwimaka ubumi bwenu muli Ye. Mwimakane ndi apo muli mwe bashindayikwa muchichetekelo chenu ukubati nimulya mwasambilile. Nakambi mulokumutotela lonse.

Kolose 3:15

Umutende uwo Klistu apela ewo ulokuba kampingu wamitima yenu, pantu kuli ngu mutende wenka eko Lesa amwitila ukuba pamo mumubili umo. Elo mube nemitima iyakutotela Lesa.

Kolose 3:23

Chonse icho mukobachitila, chiteni nemitima yenu yonse ukubati ni Bashikulu mukopyungila.

1 Tesalonika 1:1

Nine Paulo, Sailasi pamo na Timoti. Tukolembela mwebo mwe chilonganino chaku Tesalonika, ichaku Lesa Bata na Bashikulu Yesu Klistu. Ubwanshi nomutende fibe namwebo.

1 Tesalonika 5:18

Mulokutotela lonse. Mfi efyo Lesa akofwaya ukuti muchite muli Klistu Yesu.

2 Tesalonika 2:17

bamukoseleshe ukuti mulokusosa nokuchita ifintu ifiweme.

Hebele 1:5

Pakuti nakale Lesa tasoselepo kumungelo uuli onse ati, “Niwebo Mwana wanji. Lelo nine Wiso nakufyala.” Nakambi Lesa tasoselepo kumungelo uli onse ati, “Nebo nakuba Wishi, naye akuba umwana wanji.”

Hebele 13:15

Echo katulokutondayisha Lesa muli Yesu. Ukuti abe ichipupo chesu. Ukutotela kwesu kube kubati fitwalo fyabantu abasumina mwishina lyakwe.

1 Petulo 2:5

Namwebo mwikale kubati mabwe awo Lesa akwimakilako inanda yakwe. Elo mubombe kubati bachipupila babuta ulo mupupila ifyabupe nomutima onse, ifyo Lesa atemwa ukupitila muli Yesu Klistu.

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.

1 Petulo 4:11

Nga umo abilisha, kabilisha wamashiwi aafuma kuli Lesa. Nga umo akopyunga, kapyunge nefiso ifyo Lesa amupela. Pakuti muli fyonse, Lesa achinshikwe muli Yesu Klistu. Pakuba umuchinshi nefiso fyakwe umuyayaya. Ameni!

1 Yohane 2:23

Umuntu onse uukana Umwana akana na Bata. Uwasumina Umwana ekuti asumina na Bata.

1 Yohane 3:18

Mwe bana banji, ukutemwa kwesu takufwilepo ukuba bwaka pakanwa. Tufwile ukulanga ukutemwa kwesu munchito shesu.