Kolose 3:15 - Chipangano Chabwangu

¹⁵ Umutende uwo Klistu apela ewo ulokuba kampingu wamitima yenu, pantu kuli ngu mutende wenka eko Lesa amwitila ukuba pamo mumubili umo. Elo mube nemitima iyakutotela Lesa.

Kolose 3:15 ပူးပေါင်းရင်းမြစ်များ

Yohane 14:27

“Nkomushila umutende. Nkomupela umutende wanji. Nebo nshikomupelapo ukubati nimulya ichalo chipelela. Mwilenga musakamikwe nokutina.

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Loma 1:21

Nachine Lesa balimwishibile, kuntu tabamupelako umuchinshi nangu ukumutotela. Elo mumalangulushi abo tamupo ifyamano. Bayiwula nemfimfi, echo balanguluka ifyabwaka.

Loma 14:17

Pakuti ubufumu bwaku Lesa tekulyapo nokunwa bwaka, kuntu ukumusekesha, ukwikala umutende, elo nokusangalala. Mfi fyonse fifuma ku Mupashi Wabuta.

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

1 Kolinto 10:17

Pakuba umufuba umo bwaka. Nangu fwebo tuli abenji, twaba umubili umo pantu tulya kumufuba umo.

1 Kolinto 7:15

Nomba uutachetekela kati akofwaya ukubenga umwina Klistu, kamubenge. Nga chaba mfi, umulume uwachetekela nangu umukashi takakwapo. Pakuba Lesa alimwita ukuti mwikale mumutende.

2 Kolinto 4:15

Ichikulu pali mfi chakuti mwebo musange ishuko ukwebati, nga ifyo bantu Lesa ashukisha balefulilako, nabo abatondayisha Lesa bafulileko nokumupela umuchinshi.

2 Kolinto 9:11

Akumuchindamika muli fyonse ukwebati mulokupela inshita shonse, elo abenji bakutondayisha Lesa pamulandu wabupe bwenu ubo twakubatwalilako.

Efeso 4:16

uutungulula umubili onse, nokulundanya pamo ifilewa fyonse. Elo ichilewa chonse chalikwata umulimo wachiko. Echo umubili onse ulakula nokukosa mukutemwa.

Efeso 4:4

Pakuba kwaba umubili umo, no Mupashi Wabuta umo, ukubati nimfilya kwaba ukulindilila kumo uko Lesa atwitile.

Efeso 5:1

Nomba epo muli bana baku Lesa abatemwekwa, mulokwesha ukumupasha.

Efeso 5:20

Mutotole Lesa Bata inshita shonse pamulandu wafintu fyonse mwishina lyaku Bashikulu Yesu Klistu.

Kolose 1:12

Echo nkolomba ukuti mulokutotela Lesa Bata, uwamulenga ukuba abalinga ukukwatako ifintu Lesa amubikila mubufumu bwakusanika.

Kolose 2:7

Mwandemo imishu nokwimaka ubumi bwenu muli Ye. Mwimakane ndi apo muli mwe bashindayikwa muchichetekelo chenu ukubati nimulya mwasambilile. Nakambi mulokumutotela lonse.

Kolose 3:17

Nafyonse ifyo musosa nokuchita, filokuchitilwa mwishina lyaku Bashikulu Yesu, emo mulokutotelamo Lesa Wishi.

1 Tesalonika 5:18

Mulokutotela lonse. Mfi efyo Lesa akofwaya ukuti muchite muli Klistu Yesu.

1 Timoti 2:1

Ichakutatikilapo icho nkomupapata chakuti, abantu bonse balokulomba. Mupapate, mulombeleko abantu bonse nokutotela Lesa.

1 Timoti 6:12

Ulokulwa bwino inkondo iyakusunga ichichetekelo ukufikila ukapokelele ubumi butapwa. Pantu efyo Lesa akwitile ulo wasuminine palwalala ifyachichetekelo chobe nabantu bonse balikumfwa.

Hebele 13:15

Echo katulokutondayisha Lesa muli Yesu. Ukuti abe ichipupo chesu. Ukutotela kwesu kube kubati fitwalo fyabantu abasumina mwishina lyakwe.

Ukufisulula 7:12

ati, “Ameni! Tutondayishe Lesa wesu nokumupela ubuleme, umulangwe, ukutotela, umuchinshi, ifiso namaka umuyayaya. Ameni!”