Kolose 3:14 - Chipangano Chabwangu

¹⁴ Pali mfi fyonse, mube nokutemwa pantu ukutemwa ekukumbinkanya fyonse pamo muchine.

Kolose 3:14 ပူးပေါင်းရင်းမြစ်များ

Yohane 13:34

Nomba nkomupela ifunde ilyabwangu ilyakuti mulokutemwana umo nomunakwe. Ukubati nimfilya nebo namutemwa, efyo mulingile ukutemwana.

Yohane 15:12

Ifunde lyanji nindi ilyakwebati mutemwane ukubati nimulya namutemwa.

Yohane 17:23

Nebo muli bo, namwe muli ne, ukuti bakabe umo ukuchilapo, ukuti abantu bonse abamuchalo beshibe ukuti nimwe mwantumine, nokuti mwalibatemwa ukubati nimfilya mwantemenwe.

Loma 13:8

Mwilokuba nenkongole kumuntu nangu umo kano nji iyakutemwana umo nomunakwe. Uutemwa wakwe, alama ifyo ifisosa Amafunde aku Lesa.

Efeso 1:4

Ulo Lesa talatala ichalo, alitusalile kabela muli Klistu ukuba abantu bakwe ukwebati tube ababuta, elo abatakwetepo akalema pamenso yakwe. Pakuti alitutemwa,

Efeso 4:3

Elo mweshe ukulama bumo mu Mupashi Wabuta pakwikatana pamo mumutende.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

Kolose 2:2

Icho nchitila mfi nimukuti imitima yabo ibe iyashipa, babe ukusakamanshanya pamo bonse mukutemwa, nokuti amano abo akulishe. Asuke abafishe namukwishiba ichamfiso chaku Lesa, eye Klistu.

1 Tesalonika 4:9

Ukusosa pafyakutemwana abena Klistu, tanshilingilepo nokumulembela pantu Lesa umwine amusambishe ifyo muli nokutemwana.

1 Timoti 1:5

Icho nebo nkolanguluka chakuti nkusambishe ube nokutemwa ukukofuma mumutima wabuta, ukuba namalangulushi aaweme nechichetekelo ichinenene.

Hebele 6:1

Echo tushe ukusambisha ukwakwamba pafyaku Klistu, nokuya kuyakosa. Tatulingilepo nokubwekesha ukusosa pafyakulapila nokusha imilimo iyabwaka nefyo twingachetekela muli Lesa.

1 Petulo 4:8

Ichachilapo chakuti mulokutemwana ukufikapo pakuba ukutemwa kulafimba amabifyo ayenji.

2 Petulo 1:7

Kukulomba mulundeko inkumbu ishabwanankashi. Elo pankumbu nshi, lundenipo ichitemweko.

1 Yohane 3:10

Ubupusano pabana baku Lesa napabana bakwa Satana buli mfi: Umuntu uuchita ichibi nokupata wabo tepo mwana waku Lesa.

1 Yohane 3:23

Ifunde ilyo Lesa atupa lyakuti tuchetekele Umwana wakwe Yesu Klistu. Elo nokuti tulokutemwana ukubati nimulya atusambishe Klistu.

1 Yohane 4:21

Ifunde ilyo Klistu atupela nindi: onse uwatemwa Lesa atemwe nawakwe.