Kolose 3:12 - Chipangano Chabwangu

¹² Mwebo muli bantu baku Lesa abo atemenwe nokumusala ukuti mube abakwe. Nomba mube nenkumbu ishachine, ichikuku nobufuke, umutembo nokuteka umutima.

Kolose 3:12 ပူးပေါင်းရင်းမြစ်များ

Mateyo 24:22

Nga chakuti Lesa tayipifisheko inshiku nshilya, nga tapapulukilepo umuntu nangu umo iyowo. Nomba pamulandu wabantu bakwe abasalwa, Lesa akwipifyako inshiku nshilya.

Mateyo 24:24

Pakuti ba Klistu nabasoseshi ababufi bakwima nokuchita ifyafiso ifikulu nefyakushimbwisha ukwebati babepayike nabasalwa kumo nga chingachitika.

Mateyo 24:31

Epo akutuma abangelo bakwe ukulisha ulupenga ulwachiunda ichikulu. Bakulonganya abasalwa bakwe ukufuma konse kutupinda tune twachalo, ukutatikila uko ichalo chapela ukufikila nokumpelo kunakwe.

Maliko 13:20

Epo nga chakuti Shikulu tayipifisheko inshiku nshilya, nga tapapulukilepo umuntu nangu umo iyowo. Nomba pamulandu wabantu bakwe abasalwa, alipifyako isho nshiku.

Maliko 13:22

Pantu ba Klistu nabasoseshi ababufi bakwima, balikuchita ifyafiso ifikulu nefyakushimbwisha, ichakweba ati babepayike nabasalwa kumo nga chingachitika.

Maliko 13:27

Akutuma abangelo bakwe mukulonganya abasalwa bakwe, ukufuma konse kutupinda tune utwachalo, ukutatikila uko ichalo chapela, ukufikila nakumpelo kunakwe.

Luka 1:78

Lesa wesu aba uwankumbu nowamutembo. Akwisa kutusanikila nechipulusho chakwe, kubati kutuba kwakumacha.

Luka 18:7

Nga Lesa angabapela shani umulandu abapatulika bakwe, abalilila kuli Ye akasuba nobushiku ukuti abafwe? Kanshi kuti akana shani ukubafwa?

Loma 1:7

Epo nomba nkolembela mwebo bonse abali mu Loma, mwebo Lesa atemwa nokumwita ukuti mube abantu bakwe. Lesa Bata na Bashikulu wesu Yesu Klistu bamupele ubwanshi nomutende.

Loma 13:14

Kamushe ifyabuntunse nefibi fyachiko. Elo Shikulu Yesu Klistu abe ichilwanyo chenu.

Loma 9:11

Nangu ulo bampundu mba tabalafyalwa, ekwebati tabalachitapo ichiweme nangu ichibi ichili chonse, Lesa apekenye ukuti ukusalwa kwamwayiche kufikilishiwe.

1 Kolinto 13:4

Ukutemwa kuteka umutima nokufuuka. Ukutemwa takukwetepo umufimbila, ukuyitondayisha nangu ukuyitutumuna.

2 Kolinto 6:6

Nakambi tulayilanga ukuti tuli bapyungi baku Lesa mukuba abapatulika, mukwishiba ifintu ukufikapo, mukushipikisha, munkumbu, mu Mupashi Wabuta namukutemwa ukufikapo.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Efeso 1:4

Ulo Lesa talatala ichalo, alitusalile kabela muli Klistu ukuba abantu bakwe ukwebati tube ababuta, elo abatakwetepo akalema pamenso yakwe. Pakuti alitutemwa,

Efeso 4:2

Mulokuba abaichefya, abankumbu nakambi abashipikisha inshita shonse. Munakililane mukutemwa.

Efeso 4:24

Mufwale ubumi bwabwangu ubwalengelwe muchimpashanya chaku Lesa, ubwalungama nobwabuta.

Efeso 4:32

Munakililane nokubelana inkumbu kubati nimfilya Lesa amunakilile namwe muli Klistu.

Filipi 1:8

Lesa ekamboni wanji ukwebati ndamufuluka nomutima wanji onse, pakuba nalimutemwa kubati kutemwa kwaku Klistu Yesu umwine.

Kolose 3:10

Nomba mwalinjila mubumi bwabwangu. Elo kabumba wenu eubulenga ubwabwangu lonse muchipasho chakwe pakumupalamika uko aba, pakuti mumwishibishe bwino.

1 Tesalonika 5:15

Boneni ukuti tapapo nangu umo ukobwekesha ububi pabubi. Lonse mulokufwaya ukuchita ifiweme kubanenu, elo nakubantu bonse.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

2 Timoti 2:10

Echo nshipikishisha muli fyonse mfi pamulandu wabantu abo Lesa asalile ukuti nabo bapulushiwe muli Klistu Yesu nokupokelela ubuleme ubutashilapo.

Taitasi 1:1

Nine Paulo umupyungi waku Lesa, nakambi umutumwa waku Yesu Klistu. Nalisalilwe ukutangilila abasalwa ukuti bachetekele nokwishiba ichine, ichingabafikisha kubumi ubwakuchinshika Lesa

1 Petulo 1:2

Lesa Bata alimusala, ngefyo alangulukile pakutatika ukuti Umupashi Wabuta amuwamye ukwebati mumfwile Yesu Klistu nokuwamishiwa kumulopa wakwe. Lesa amukwatile ubwanshi nokumupela umutende ukuchilapo.

2 Petulo 1:10

Echo mwe bawesu, chinchileni ukuchilapo ukushininkisha ukwebati Lesa alimwita nakambi alimusala. Nga mwachita mfi, tekuti muwepo iyowo.

1 Yohane 4:19

Twalitemwa pakuti Lesa ewatatikile ukututemwa.

2 Yohane 1:13

Abana babawenu uwasalwa na Lesa bamuposha umutende.

Ukufisulula 17:14

Mba bakulwa no Mwana wambelele, kuntu Ye pamo nabantu bakwe abayitwa, abasalwa nakambi abachetekela bakuchimfya pakuti Ye ni Mfumu ishamfumu nakambi ni Ntungulushi ishantungulushi.”