Kolose 3:11 - Chipangano Chabwangu

¹¹ Mubumi mbu tapapo ubupusano pakati ka Bayuda nabenafyalo, uwashilimunwa nangu uutashilimunwapo, abatasambilila, bankalwe, abasha nangu ababwanalale, kuntu ichikulu ni Klistu uwaba muli bonse.

Kolose 3:11 ပူးပေါင်းရင်းမြစ်များ

Yohane 14:23

Yesu alimwasukile ati, “Muntu onse uwakuntemwa nebo ewakulama ukusambisha kwanji. Epo Bata bakwisa kumutemwa. Elo nebo na Bata twakwisa kwikalilila pamo muli ye.

Yohane 15:5

“Nine mpesha, mwebo muli misambo. Uyo uukoyikala muli nebo, nandibo muli ye, eukotwala ifitwalo ifinji pakuti mwebo tamungachitapo akantu nangu kamo ukwambula ine.

Yohane 17:23

Nebo muli bo, namwe muli ne, ukuti bakabe umo ukuchilapo, ukuti abantu bonse abamuchalo beshibe ukuti nimwe mwantumine, nokuti mwalibatemwa ukubati nimfilya mwantemenwe.

Imilimo ya batumwa 15:17

Echo nabantu bonse bakwisa kumfwaya nebo, ekwebati abenafyalo bamikowa yonse, abo nayitile ukuba abantu banji.

Imilimo ya batumwa 28:2

Abantu batupokelele bwino-bwino. Imfula yalikuloka, elo nempepo eko yali ukwinekantu. Echo bakoseshe umulilo nokutupokelela bwino-bwino bonse.

Imilimo ya batumwa 28:4

Ulo abantu bamuchishi babwene mfi, batatikile ukusoshanya benka ati, “Nachine ngu muntu chipondo nangu apuluka kumenshi, kuntu lesa wamwelanya takofwayapo ukuti akwate ubumi.”

Loma 1:14

Pakuti ndi nenchito yakushimika kubantu bonse, kubasambilila kubati Bagiliki nabatasambilila, kubamano nabapuneme.

Loma 10:12

Pakuti tapali ukupusana pa Bayuda nabenafyalo. Shikulu wabo bonse umo bwaka. Alashukisha abo bonse abamupapata.

Loma 3:22

Abantu balalungamikwa na Lesa mukuchetekela Yesu Klistu. Lesa alachita mfi kuli bonse abachetekela muli Klistu. Takupo akapatulula iyowo.

Loma 3:29

Napo Lesa wa Bayuda benka? Te wabenafyalo nabo? Ina, wabenafyalo nabo.

1 Kolinto 12:13

Pakuba nangu fwebo tube Abayuda nangula abenafyalo, abasha nangula ababwanalale, twabatishiwe mu Mupashi Wabuta umo ukwebati tube umubili umo. Elo bonse twalipokelela Umupashi Wabuta umo wenka.

1 Kolinto 14:11

Nomba nga nshishibilepo ifyo akososa, ndimwinafyalo kuli ye, elo naye mwinafyalo kuli ne.

1 Kolinto 7:19

Ukushilimunwa nangu ukutashilimunwa takwalulapo kantu. Ichikulu kulama Amafunde aku Lesa.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Efeso 1:23

Ichilonganino emubili waku Klistu, elo chayiula na Yesu uyo uwayiusha ifintu fyonse.

Efeso 2:14

Klistu umwine enka emutende wesu. Ewalengele ukuti Abayuda nabenafyalo babe umo. Ulo apele umubili wakwe, abongolwele ichibumba ichalupato pakati kabo.

Efeso 2:15

Ye ashilishe Amafunde akwa Mosesi, ifyakukonka nefilangililo. Alichitile mfi ukuti ukufuma kumitundu ibili njilya alenge umutundu umo uwabwangu, uwaikala muli Ye, ukuti engaleta umutende.

Efeso 3:17

Nkolomba ukuti mukuchetekela kwenu Klistu akwinjila mumitima yenu ukuti mushike imishu yenu nokwimakwa mukutemwa.

Efeso 3:6

Ubumfisolo mbu bwakuti mu Butumi Bwawama abenafyalo nabo bapoke ishuka lyaku Lesa pamo na Bayuda. Pamo na Bayuda filewa ifyamubili umo, elo muli Klistu Yesu balapokelela pamo nabo ubulayo bwaku Lesa.

Efeso 6:8

Mwalishiba ukuti chonse ichiweme icho umuntu achita, akupokelelapo ichilambu kuli Bashikulu, nangu musha nangula mwana.

Kolose 2:10

Elo muli Ye namwebo mwalipelwa ubumi ubwiwile sululu. Elo Klistu Ye ewachila pamafumu napabuteko bonse.

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.

2 Yohane 1:9

Umuntu onse uutekalilila mukusambisha kwaku Klistu, kuntu akolundako, takwatapo Lesa. Lelo uwikalilila mukusambisha nku nakwata bonse babili, Bata no Mwana.