Kolose 3:1 - Chipangano Chabwangu

¹ Kati mwebo mwalibushikwa kubafwa pamo na Klistu, kanshi bikeni imitima yenu pafintu ifyamumulu, umo Klistu ekala pamupando wabufumu kulubali lwakumulyo lwaku Lesa.

Kolose 3:1 ပူးပေါင်းရင်းမြစ်များ

Mateyo 22:44

‘Bashikulu Lesa basosele kuli Bashikulu banji ati, ikala kukuboko kwanji ukwamulyo, ukufikila mbike utupondo tobe, ukuti tube ichakunyantapo amakasa obe.’

Mateyo 26:64

Elo Yesu amwebele ati, “Wasosa. Nomba nkomweba ati, ukufuma nomba mwakubona Umwana wa Muntu alikele kukuboko kwamulyo ukwaku Lesa umwine wafiso fyonse, mwakumubona uko akwisa mumakumbi amumulu.”

Mateyo 6:20

Nomba muyibikile ububoni bwenu kumulu, uko finamupapila nangula indalabwa tafyonaulapo, nabang’o nabo tabatobapo nokwiba.

Mateyo 6:33

Echo baleni mufwaye ubufumu bwakwe nokubanakila, elo fyonse mfi fyakupelwa kuli mwe.

Maliko 12:36

Kambi umwine Davide ulo asanikilwe no Mupashi Wabuta alisosele mwibuku lya Malumbo ati, ‘Bashikulu baebele Bashikulu wanji ati, ikala kukuboko kwanji ukwamulyo, ukufikila mbike utupondo tobe ukuti tube ichakunyantapo amakasa obe.’

Maliko 14:62

Yesu amwasukile ati, “Ina, nine, nakambi mwakubona Umwana wa Muntu ekele kukuboko kwamulyo ukwaku Lesa umwine wafiso fyonse, mwakubona uko akwisa mumakumbi amumulu!”

Maliko 16:19

Ulo Bashikulu Yesu bashilile ukusosa nabo, balipintilwe kumulu mukwikala kukuboko kwamulyo ukwaku Lesa.

Luka 12:33

Shitisheni fyonse ifyo mwakwata nokupela indalama kubachula. Muyiwamishe mwebene ifikwama ifitasapuka, nakambi musungile ichuma chenu kumulu uko tachingachepa, pantu umung’o tekuti afikeko nefinamumpapila nafyo tekuti bufyonaule.

Luka 20:42

Pantu Davide umwine alisosa mwibuku lya Amalumbo ati, ‘Bashikulu Lesa basosele kuli Bashikulu banji ati, Ikala kukuboko kwanji ukwamulyo

Luka 22:69

Ukufuma nomba Umwana wa Muntu akwikala kukuboko kwamulyo ukwaku Lesa Uwafiso fyonse.”

Imilimo ya batumwa 2:34

Nomba Pantu Davide umwine takwelelepo kumulu iyowo, kuntu alisosele ati, ‘Bashikulu Lesa basosele kuli Bashikulu banji, Ikala kumulyo kwanji,

Imilimo ya batumwa 7:55

Nomba Sitefano, uwayiwule no Mupashi Wabuta, aloleshe kumulu nokubona umuchinshi waku Lesa, elo na Yesu alimakene kumulyo waku Lesa.

Loma 8:34

Mba ninani wakubalengulula? Tefyopo Klistu uwafwile, ina, tusose ukuti uyo babushishe. Engulya umumi uli kukuboko ukwamulyo kwaku Lesa akotupapatilako.

Loma 8:6

Ukubika umutima pafintu fyapanonshi nimfwa, kuntu ukubika umutima kufyo Umupashi Wabuta ufwaya chilaleta ubumi nomutende.

2 Kolinto 4:18

Imitima yesu tayilipo pafintu ifiboneka, sembi pafitaboneka. Pakuba ifiboneka tafikalililapo, nomba ifitaboneka efyamuyayaya.

Efeso 4:10

Uyo uwayikile panshi eumo enka uwakwelele ukupitilila kumulu konse ukwebati ifintu fyonse fiule na Ye.

Efeso 5:22

Mwe bakashi, mulokunakilila abalume benu kubati nimfilya mumfwila Bashikulu.

Kolose 2:20

Mwebo mwafwila pamo na Klistu, nakambi mwalilubulwa kubusha bwamipashi yamulwelele. Kanshi chindo icho mwikalila nga abantu banchino chalo? Chindo icho munakilila kumafunde asosa ati,

Kolose 3:2

Bikeni imitima yenu pafintu ifili mumulu, tepafintupo ifyamuno chalo iyowo.

Hebele 1:13

Nakale konse Lesa tasoselepo kumungelo uuli onse ati, “Ikala kukuboko kwanji ukwamulyo, ukufikila nkalule ifipondo fyobe ukuti fibe apakunyantapo amakasa obe.”

Hebele 1:3

Muli Ye mukoboneka ukusanika kwamuchinshi waku Lesa, nakambi echipasho chaku Lesa. Euchingilila ifintu fyonse namashiwi akwe afiso. Ulo ashilile umulimo wakunakilila amabifyo abantu, ayile kumulu kwikala kukuboko ukwamulyo kwaku Lesa uwafiso fyonse.

Hebele 10:12

Nomba Klistu alipele ichipupo chimo chenka ichafutile amabifyo onse. Ichipupo nchi chalikumanina inshita shonse. Panuma ayile kwikala kukuboko ukwamulyo kwaku Lesa.

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

Hebele 8:1

Amashiwi ayanenene ayamfyo tukososapo yakuti tuli nakwe Chipupila Mukulu uwaba mfi, uwikala kukuboko kwamulyo kwamupando uwabufumu bwaku Lesa Uwamuchinshi mumulu.

1 Petulo 3:22

Yesu aliile mumulu. Ali kukuboko ukwamulyo ukwaku Lesa. Kwenka nkulya, abangelo, babuntungulushi nabafiso bakomunakila.