Kolose 2:4 - Chipangano Chabwangu

⁴ Nkomweba ati mwileka umuntu uuli onse amutumpayike mukutalikana ukwabuchenjeshi.

Kolose 2:4 ပူးပေါင်းရင်းမြစ်များ

Mateyo 24:24

Pakuti ba Klistu nabasoseshi ababufi bakwima nokuchita ifyafiso ifikulu nefyakushimbwisha ukwebati babepayike nabasalwa kumo nga chingachitika.

Mateyo 24:4

Elo Yesu abasukile ati, “Chenjeleni ukuti umuntu nangu umo ekamubepapo.

Maliko 13:22

Pantu ba Klistu nabasoseshi ababufi bakwima, balikuchita ifyafiso ifikulu nefyakushimbwisha, ichakweba ati babepayike nabasalwa kumo nga chingachitika.

Imilimo ya batumwa 20:30

Napali mwebo kumo, pakuba abantu bambi abalikusosa ifyabufi ukuti bapusaulepo abachetekela bambi nokubakonka.

1 Kolinto 2:4

Echo ulo nalikusosa nangula ukushimika, nshasoselepo amashiwi aamulangwe, ukufwaya ukukoboola wabuntu iyowo, kuntu nabalangile nechishibilo ichafiso fyaku Mupashi Wabuta.

2 Kolinto 11:3

Nomba nkotina ukuti kubati nimfilya insoka yabepele Efa mubuchenjeshi bwayiko, namwe imitima yenu ingabepwa nokukana yipela kuli Klistu nomutima wenu onse.

Galatiya 2:4

Elo bamo balikufwaya ukuti ashilimunwe. Balikuyilanga ukuba bawesu, kuntu bayishile ukulengulula ubwanalale ubo twakwata muli Klistu Yesu. Balikufwaya ukutuchita abasha.

Efeso 4:14

Tatwakabepo abana aboluulwa kuchipupu chakusambisha ichabufi nakambi abachenjeshi abalufya abantu mubuchenjeshi bwabo.

Efeso 4:17

Mwishina lyaku Bashikulu nomba nkomweba ati tamulingilepo ukwikala kubati benafyalo. Pakukonka amano yabo ayabwaka.

Efeso 5:6

Kwibapo umuntu nangu umo uwakumupunamika namashiwi aabwaka, pakuti ifintu ifyamusango ngu efileta ubukali bwaku Lesa pabantu abatamumfwilapo.

Kolose 2:18

Mwilekapo umuntu nangu umo amubepe pamulandu wakwichefya bufi-bufi nokulomba abangelo. Abantu bamusango ngu balayilumbanya pamulandu wafibonwa ifyo babona. Nchi chenka kuyitumpika bwaka pantu amalangulushi abo abukayitemwe.

Kolose 2:8

Chenjeleni ukuti kwibapo umuntu nangu umo uwakufulunganya ichichetekelo chenu nokumutapa-nkole mumulangwe uwabuntunse uwabuchenjeshi bwakwe ubwabwaka. Mfi fyonse fifuma kutufuto utwakale nakumalangulushi yabuntunse, tekuli Klistu iyowo.

2 Timoti 2:16

Nomba kumashiwi yabwaka aatafwilishapo utalukeko pakuti abantu abomfwa mfi bakutwalilila ukusalula Lesa.

2 Timoti 3:13

Nomba abantu ababipa nababufi bakubipilako bwaka. Bakubepa bambi nokwibepa benka.

1 Yohane 2:18

Mwe bana banji, nji ninshita yakupelako! Mwalyebelwe ukuti ichipondo chaku Klistu chakwisa. Nomba ifipondo fyaku Klistu ifinji nafiboneka kale. Echo tulishibile ukuti nji ninshita yakupelako.

1 Yohane 2:26

Nkomulembela mfi pamulandu waku bo abakofwaya ukumulufya.

1 Yohane 4:1

Mwe batemwekwa banji, mwilokuchetekelapo umuntu onse uukososa ukuti ali no Mupashi Wabuta. Mumweshe umuntu ngu ukushininkisha nga mupashi akwete waku Lesa ichine. Pantu abasoseshi ababufi bali mpanga yonse.

2 Yohane 1:7

Pakuti ababufi abenji balisalangene mpanga yonse, abo abatachetekela ukuti Yesu Klistu ayishileba umuntu wine-wine. Umuntu onse uukokana mfi wabufi, nakambi chipondo chaku Klistu.

Ukufisulula 12:9

Ichisoka ichikulu nchilya chaliponeshewe panshi, echisoka ichakale beta umubi nangula Satana, ngulya uubepa abantu bonse bapanonshi. Chaliposelwe pano chalo pamo nabangelo bachiko bonse.

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.

Ukufisulula 20:3

Umungelo alichiposele muchilindi ichitapelapo. Alichisalila mwenkamo, alishinkile nokubikapo ichishibilo ukuti chilokubepapo abantu ukufikila imyaka ikana limo ikashile. Panuma akwisa kukakulwa pakanshita kanini.

Ukufisulula 20:8

Elo akuya mukubepa abantu mufiputulwa fyonse ifyachalo, emukuti Gogi na Magogi. Elo akubalonganya pamo ukuti balwe nakwe. Bakuba abenji kubati misenga yamuli bemba.