Kolose 2:23 - Chipangano Chabwangu

²³ Kwena amashiwi nga akoboneka ukubati yamano pantu alasuminisha ukuti abantu balombe munshila iyo bafwayilamo, ukuyichefya nokuchusha umubili nkansa-nkansa. Nomba amafunde nga yabwaka, afwilisha bwaka ukusekesha ubumi bwabuntunse.

Kolose 2:23 ပူးပေါင်းရင်းမြစ်များ

Loma 13:14

Kamushe ifyabuntunse nefibi fyachiko. Elo Shikulu Yesu Klistu abe ichilwanyo chenu.

Efeso 5:29

Tapapo umuntu uwapata umubili wakwe, kuntu alaulisha nokuusunga bwino, kubati nimfilya Klistu achitila ichilonganino chakwe.

Kolose 2:18

Mwilekapo umuntu nangu umo amubepe pamulandu wakwichefya bufi-bufi nokulomba abangelo. Abantu bamusango ngu balayilumbanya pamulandu wafibonwa ifyo babona. Nchi chenka kuyitumpika bwaka pantu amalangulushi abo abukayitemwe.

Kolose 2:22

Amafunde nemisambishisho nji yabantu bwaka, fisosa ifyafintu ifishila ulo bafibomfya!

Kolose 2:8

Chenjeleni ukuti kwibapo umuntu nangu umo uwakufulunganya ichichetekelo chenu nokumutapa-nkole mumulangwe uwabuntunse uwabuchenjeshi bwakwe ubwabwaka. Mfi fyonse fifuma kutufuto utwakale nakumalangulushi yabuntunse, tekuli Klistu iyowo.

1 Timoti 4:3

Mba bantu balakanya banabo ukuupa nokulya ifyakulya fimbi. Nomba ifyakulya mfi Lesa alifipangile ukuti abantu bonse abachetekela nokwishiba ifyachine balokulya panuma yakulomba Lesa.

1 Timoti 4:8

Pantu ukuchinchila kulakoshako umubili panini, kuntu ubumi ubwakuchinshika Lesa bulafwilisha munshila shonse pakuti bulashininkisha ukushuka kwashino nshiku, elo nakunshita ikoyisa.