Kolose 2:20 - Chipangano Chabwangu

²⁰ Mwebo mwafwila pamo na Klistu, nakambi mwalilubulwa kubusha bwamipashi yamulwelele. Kanshi chindo icho mwikalila nga abantu banchino chalo? Chindo icho munakilila kumafunde asosa ati,

Kolose 2:20 ပူးပေါင်းရင်းမြစ်များ

Yohane 15:19

Nga mwali abamuchalo, ichalo nga chalimutemenwe ukubati abene. Nomba nebo nalimusalile ukufuma muchalo, tamuli nomba abamuli nchino chalo. Echo ichalo nomba chikomupatila.

2 Kolinto 10:3

Nangu twikala panonshi, tatulwapo ulubuli kubati bantunse.

Galatiya 4:3

Chimo chenka nafwebo, ulo twali abayiche twali abasha ababwikashi bwapanonshi.

Galatiya 6:14

Nomba nebo tekuti njitakishepo pakantu akali konse, kuntu pamutashi waku Bashikulu Yesu Klistu. Pakuti balifwa pamutashi, ifyapanonshi kuli nebo fyaba kubati filifwile kale. Elo kufyapanonshi fyenka mfi, ndi kubati wafwa.

Efeso 2:15

Ye ashilishe Amafunde akwa Mosesi, ifyakukonka nefilangililo. Alichitile mfi ukuti ukufuma kumitundu ibili njilya alenge umutundu umo uwabwangu, uwaikala muli Ye, ukuti engaleta umutende.

Kolose 2:14

Alifuta Amafunde alembelwe ayalikutushinina. Aliafumyapo nokwapampamina pamutashi.

Kolose 2:16

Echo mwileka umuntu nangu umo ukumupingula pafyo mwingalya nokunwa, nangula pamulandu wanshiku shakusekelela pamwaka nomwaka, nangula umwenshi wabwangu nangula pakasuba ke Sabata.

Kolose 2:21

“Wiyikatapo kuli nchi.” “Wisondapo kuli nchilya,” nangula, “Wikumyako kuli nchi”?

Kolose 2:8

Chenjeleni ukuti kwibapo umuntu nangu umo uwakufulunganya ichichetekelo chenu nokumutapa-nkole mumulangwe uwabuntunse uwabuchenjeshi bwakwe ubwabwaka. Mfi fyonse fifuma kutufuto utwakale nakumalangulushi yabuntunse, tekuli Klistu iyowo.

Kolose 3:3

Pakuba mwebo mwalifwa, nobumi bwenu bwalisungwa pamo na Klistu muli Lesa.

Hebele 13:9

Mwisuminishapo ifisambisho ifipusene-pusene nefilwendo ukumufulunganya. Ichilingile. Uchitukosha imitima bwanshi bwaku Lesa tetufutopo utusosa pafyakulya. Amafunde nga tayaafwilishepo abo abali kuyakonka.

Yemusi 4:4

Mwe bantu abatachetekelwapo! Napo tamwishibilepo ukwebati buchibusa nefintu ifyapanonshi kupatana na Lesa? Echo umuntu uufwaya ifyabuntunse kapondo kaku Lesa.

1 Yohane 5:19

Twalishiba ukuti fwebo tuli bana baku Lesa, nangu chalo chonse chaba muminwe ya Mubi.