Kolose 2:19 - Chipangano Chabwangu

¹⁹ Elo balifumako kuli Klistu umutwi wachilonganino. Muli Klistu umubili onse ulapokela ifiso nokwikatana kwafilundwa fyonse. Echo umubili ulakula nga umo Lesa afwayila.

Kolose 2:19 ပူးပေါင်းရင်းမြစ်များ

Luka 5:38

Echo bikeni waini wabwangu mumatumba ampapa aabwangu!

Yohane 17:21

Nkobalombela ukuti babe umo. Bata, babe muli fwebo ukubati nimfilya mwaba muli ne, nandibo muli mwebo ukuti ichalo chonse chisumine ukuti nimwe mwantumine.

Imilimo ya batumwa 4:32

Ibumba lyabantu abachetekele muli Klistu lyalikuchita ifintu munshila imo nomutima umo. Tapalipo nowakweba ati, “Ububoni mbu bwanji nenka” iyowo. Nomba ifyo umuntu nomuntu akwete fyali fyabonse pamo.

Loma 11:17

Imisambo imbi yachiti chamaolife yakontokele, elo Lesa alikambatikilepo iyamumpanga muchifulo yachiko. Mwe benafyalo muli kubati misambo iyamumpanga njilya, kuntu nomba mukopokelela ifiso ififuma muchiti chamaolife ichabyalwa, ekwebati ukufuma kubena Isilaeli.

1 Kolinto 1:10

Mwe bawesu nkomupapata, mwishina lyaku Bashikulu Yesu Klistu ukuti mulokumfwanina pamo bonse. Pelokubapo ukupatukana pakati kenu, kuntu mulokumfwana nomutima umo, elo necho mufwaya.

1 Kolinto 11:3

Nomba nkofwaya ukuti mwishibe ati Klistu emutwi wamwalalume onse, nomutwi wamwanakashi mwalalume. Elo umutwi waku Klistu ni Lesa.

1 Kolinto 3:6

Nebo nabyele imbuto, Apolosi ayitilile, kuntu uwashimeneshe ni Lesa.

Efeso 1:22

Lesa abikile ifintu fyonse panshi yamakasa aku Klistu. Elo amuchitile umukulu pali fyonse ukuti abe umutwi wachilonganino.

Efeso 1:23

Ichilonganino emubili waku Klistu, elo chayiula na Yesu uyo uwayiusha ifintu fyonse.

Efeso 2:21

Muli Ye inanda yonse yalimakwa, elo ikokulilako kuti ibe inanda yabuta iyaku Bashikulu.

Efeso 4:3

Elo mweshe ukulama bumo mu Mupashi Wabuta pakwikatana pamo mumutende.

Efeso 5:29

Tapapo umuntu uwapata umubili wakwe, kuntu alaulisha nokuusunga bwino, kubati nimfilya Klistu achitila ichilonganino chakwe.

Filipi 1:27

Ichikulu chakwebati imyendele yenu ibe umo Ubutumi Bwawama busosa ifyaku Klistu. Nangu nayisa ukumubona nangu njikale ukutali, nkofwaya ukumfwa ati mulomfwana nokwafwilishanya mukulwa inkondo pamulandu wa Butumi Bwawama.

Kolose 1:10

Penkapo mwakwikala ukubati niumo Lesa afwayila. Elo lonse mulokuchita ifisekesha Bashikulu. Lonse mulokuchita imilimo iiweme nobumi bwenu bulokulanga ifitwalo ifiweme. Elo mwakwisa kwishiba Lesa.

Kolose 1:18

Emutwi wamubili wakwe, emukuti ichilonganino. Ewakwamba ukubuka kubafwa ukuti muli fyonse abe uwapamulu.

Kolose 2:2

Icho nchitila mfi nimukuti imitima yabo ibe iyashipa, babe ukusakamanshanya pamo bonse mukutemwa, nokuti amano abo akulishe. Asuke abafishe namukwishiba ichamfiso chaku Lesa, eye Klistu.

1 Tesalonika 3:12

Bashikulu balundeko ukutemwana kwenu nokutemwa uko mukwete kubantu bonse ukubati ninku tukwete pali mwebo.

1 Tesalonika 4:10

Nachine mwalitemwana nabena Klistu banenu abali mu Masedoniya. Nomba, mwe bawesu, mulundepo ukuchita mfi.

2 Tesalonika 1:3

Bawesu, tulingile ukutotela Lesa inshita yonse pamulandu wakumwebo. Tulingile ukuchita mfi pamulandu wachichetekelo nokutemwana kwenu ukukokula.

1 Petulo 3:8

Pakulekelesha nkoti beni abamutima umo, abomfwilana ubulanda. Temwanenipo nabawenu. Mube abamutima wankumbu nabayichefya.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.