Kolose 2:18 - Chipangano Chabwangu

¹⁸ Mwilekapo umuntu nangu umo amubepe pamulandu wakwichefya bufi-bufi nokulomba abangelo. Abantu bamusango ngu balayilumbanya pamulandu wafibonwa ifyo babona. Nchi chenka kuyitumpika bwaka pantu amalangulushi abo abukayitemwe.

Kolose 2:18 ပူးပေါင်းရင်းမြစ်များ

Mateyo 24:24

Pakuti ba Klistu nabasoseshi ababufi bakwima nokuchita ifyafiso ifikulu nefyakushimbwisha ukwebati babepayike nabasalwa kumo nga chingachitika.

Loma 1:25

Balishiile ifyachine ifyaku Lesa nokukonka ifyabufi. Balikulambila nokupyungila ifyo Lesa abumbile muchifulo chaku Kabumba umwine uulingile ukutondayisha umuyayaya. Ameni.

Loma 16:18

Pakuti abo abachita mfi tabapyungilapo Bashikulu Klistu, kuntu bapyungila ifyo bafwaya ukuti bekute nafyo. Namashiwi ayaweme ayakonaula balabepayika abantu banaka muchichetekelo.

1 Kolinto 13:4

Ukutemwa kuteka umutima nokufuuka. Ukutemwa takukwetepo umufimbila, ukuyitondayisha nangu ukuyitutumuna.

1 Kolinto 3:3

Muchili abantu bwaka. Pali mwe pachili umufimbila nefitala. Napo mfi tafikomushininapo ukwebati muchili abantunse? Napo tamukoyikalapo nga bantu bapanonshi

1 Kolinto 4:18

Bambi bakoitutumuna ukubati nshakesepo kuli mwebo.

1 Kolinto 4:6

Mwe bawesu, mfi ifyo nkososa fyaku nebo na Apolosi. Nkofwaya ukwebati mfi fimusambishe amashiwi ngalya akososa ati, “Mulokuchishapo ifyo Amalembo akososa.” Echo muyitutumwina pali umbi nokusula munakwe.

1 Kolinto 8:1

Nomba nkofwaya ukwasuka pamulandu mwanembele wafyakulya bapupilila tungosa wakubasa. Nachine bonse tulikwete amano, nomba amano enka alenga umuntu ukuyitutumuna. Ichitemweko echimaka.

1 Kolinto 9:24

Napo tamwishibilepo ukuti bonse balachimfyanya mulubilo, kuntu umo eupokelela ichilambu? Echo ukubutuka kwenu kube ukwakupokelela ichilambu.

2 Kolinto 11:3

Nomba nkotina ukuti kubati nimfilya insoka yabepele Efa mubuchenjeshi bwayiko, namwe imitima yenu ingabepwa nokukana yipela kuli Klistu nomutima wenu onse.

2 Kolinto 12:20

Nkotina ukwebati nga nayisa kuli mwe, nalimo kuti namusanga abapusene namulya ningafwayila. Nkotina ukuti nalimo namwe mungansanga abapusene namo mungafwayila. Nkotina ukuti nalimo nakumusanga mukotosha, mukofimbila, mukonyeka imitima, kuyitemwa, ukutuka insele, ukwefya, ukuyitutumuna, elo nechimfulunganya.

Efeso 4:17

Mwishina lyaku Bashikulu nomba nkomweba ati tamulingilepo ukwikala kubati benafyalo. Pakukonka amano yabo ayabwaka.

Efeso 5:6

Kwibapo umuntu nangu umo uwakumupunamika namashiwi aabwaka, pakuti ifintu ifyamusango ngu efileta ubukali bwaku Lesa pabantu abatamumfwilapo.

Filipi 3:14

Ndabutukila kuchipimo ichakuchimfyanya ichalubilo ndu ukwebati nkanonke ububoni ubo Lesa akotwitila kumulu muli Klistu Yesu.

Kolose 2:23

Kwena amashiwi nga akoboneka ukubati yamano pantu alasuminisha ukuti abantu balombe munshila iyo bafwayilamo, ukuyichefya nokuchusha umubili nkansa-nkansa. Nomba amafunde nga yabwaka, afwilisha bwaka ukusekesha ubumi bwabuntunse.

Kolose 2:4

Nkomweba ati mwileka umuntu uuli onse amutumpayike mukutalikana ukwabuchenjeshi.

Kolose 2:8

Chenjeleni ukuti kwibapo umuntu nangu umo uwakufulunganya ichichetekelo chenu nokumutapa-nkole mumulangwe uwabuntunse uwabuchenjeshi bwakwe ubwabwaka. Mfi fyonse fifuma kutufuto utwakale nakumalangulushi yabuntunse, tekuli Klistu iyowo.

1 Timoti 1:7

Bakofwaya ukuba abasambishi bamafunde aku Lesa, kuntu tabachetekelapo ukufikapo ifyo bakososa nefyo basumina.

1 Timoti 4:1

Umupashi Wabuta ukotwebako apatubile tuutu ukuti munshiku shakulekelesha abantu bakaposa ichichetekelo chabo. Bakutatika ukumfwila abantu ababufi nokukonka imisambishishe yafibanda.

2 Petulo 2:14

Amenso abo abuchende, abatafwayapo ukuleka ukubifya. Bachenjeleka abanaka imitma. Imitima yabo yayiwula bukabundulu. Bantu abalapishiwa.

1 Yohane 2:26

Nkomulembela mfi pamulandu waku bo abakofwaya ukumulufya.

Ukufisulula 12:9

Ichisoka ichikulu nchilya chaliponeshewe panshi, echisoka ichakale beta umubi nangula Satana, ngulya uubepa abantu bonse bapanonshi. Chaliposelwe pano chalo pamo nabangelo bachiko bonse.

Ukufisulula 13:14

Elo chalibepa abantu bonse abekala pachalo pamulandu wafiso ifikulu ifyo chasuminishiwe ukuchita pachinso chachiswango ichakwamba. Ichiswango nchi chalibebele ukupanga ichipasho ichakuchinshikilamo ichiswango nchilya ichalashiwe umwele, kuntu chali nobumi.

Ukufisulula 13:8

Abantu bonse abekala pano chalo bakuchilomba, bonse mbalya abatalembelwepo ichalo tachilatatika mwibuku lyabumi lya Mwana wambelele uyo bayipeye.

Ukufisulula 19:10

Epo nalifukeme pamakasa akwe ukwebati mulombe, kuntu ye asosele kuli nebo ati, “Wichitapo mfi iyowo! Nandibo ndimupyungi bwaka kubati niwe. Nandibo ndi uwabachetekela kubati niwe nabanobe abo abakochitila Yesu bukamboni. Ulokulomba Lesa!” Pakuti ukuchitila Yesu bukamboni ebusoseshi ubwine-bwine.

Ukufisulula 3:11

Nkoyisa bwangu-bwangu. Ikatisha icho ukwete ukuti kwibapo uwakukupokolola ingala yabumi.