Kolose 2:16 - Chipangano Chabwangu

¹⁶ Echo mwileka umuntu nangu umo ukumupingula pafyo mwingalya nokunwa, nangula pamulandu wanshiku shakusekelela pamwaka nomwaka, nangula umwenshi wabwangu nangula pakasuba ke Sabata.

Kolose 2:16 ပူးပေါင်းရင်းမြစ်များ

Mateyo 15:11

Takupo ichintu ichingila mumala amuntu nokumukowesha, kuntu nchilya ichifuma mukanwa kakwe echimukowesha.”

Maliko 7:19

Pantu tachiya mukwinjila mumutima wakwe iyowo? Umo chiya nimumala, elo panuma chifumina kunse.” (Pakusosa mfi Yesu alisuminishe ukuti ifyakulya fyonse fiweme).

Imilimo ya batumwa 15:20

Tulingile ukubalembela bwaka kalata uwakwebati belokulyako ifitasangululwa ifyo abantu bakopupila tungosa wakubasa nokuti belokuchita ubuchende, belokulyako nenama iyo bapotwele pamukoshi nangula umulopa.

Loma 14:10

Nomba webo, nindo ukopingula wenu? Bonse bwaka twakupingulwa na Lesa.

Galatiya 4:10

Mulasunga inshiku shimbi, imyeshi, inshita, elo nemyaka.

Kolose 2:20

Mwebo mwafwila pamo na Klistu, nakambi mwalilubulwa kubusha bwamipashi yamulwelele. Kanshi chindo icho mwikalila nga abantu banchino chalo? Chindo icho munakilila kumafunde asosa ati,

Hebele 13:9

Mwisuminishapo ifisambisho ifipusene-pusene nefilwendo ukumufulunganya. Ichilingile. Uchitukosha imitima bwanshi bwaku Lesa tetufutopo utusosa pafyakulya. Amafunde nga tayaafwilishepo abo abali kuyakonka.

Hebele 9:10

Isosa bwaka pafyakulya, ifyakunwa nakumibele, utwakuyiwamisha utupusene-pusene. Fyonse mfi mafunde bwaka ayakoyikatilila ukufikila ulo Lesa akupanga ifintu fyonse ukuba ifyabwangu.

Yemusi 4:11

Bawesu, mwilokulengululapo abanenu. Onse uulengulula umunakwe nangula ukumupingula, ekwebati alengulula nokupingula ifunde lyaku Lesa. Nomba nga wapingula ifunde lyaku Lesa, ekwebati taukolilamapo iyowo, kuntu ukolipingula bwaka.