Kolose 2:15 - Chipangano Chabwangu

¹⁵ Muli Klistu, Lesa afumishe ifiso ifyabakateka nabansambu bonse nokubalenga insoni palwalala ulo abalangile ukuchimfya kwakwe.

Kolose 2:15 ပူးပေါင်းရင်းမြစ်များ

Mateyo 12:29

“Takupo umuntu nangu umo uwingenjila munanda yamuntu uwafiso nokwiba ifintu fyakwe, kuntu abala akaka umuntu wafiso ngulya. Elo engeba ifintu fyamunanda yakwe.

Luka 10:18

Yesu alibasukile ati, “Nabwene Satana akowa ukufuma kumulu kubati kampeshi-mpeshi.

Luka 11:22

Nomba umuntu uwamuchilapo ifiso nga ayisa kumulwisha nokumuchimfya, kuti apinta ifyanso fyonse mfilya abikamo umutima alumbako nabantu bakwe ifyo ebile.

Yohane 16:11

Akubashinina pamulandu wabupingushi, pantu Satana, imfumu yabantu ababi abamuchalo, alipingulwa kale.

Yohane 19:30

Ulo Yesu anwene waini asosele ati, “Kwashila.” Elo ayinamikile umutwi wakwe nokufwa.

1 Kolinto 15:24

Elo umupwilo wachalo wakwisa. Klistu akushilisha ubufumu bonse, ubutungulushi bonse, elo nefiso fyonse. Akupela ubufumu mbulya kuli Lesa Bata.

2 Kolinto 2:14

Tutotele Lesa uututungulula muli Yesu mukuchimfya ishita shonse. Ukupitila muli fwebo, Lesa akopela abantu bonse amano yakwishiba Klistu. Elo amano nga akopalangana mpanga yonse kubati chena ichiweme.

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

Efeso 3:10

Elo Lesa akubomfya ichilonganino mukubwenesha ifiso nensambu shakwe kufyakumulu ukwebati fishibe ati, ali nomulangwe uupusene-pusene.

Efeso 4:8

Kubati ifyo Amalembo asosa ati, “Ulo akwelele kumulu, apintile abafungwa abenji, elo apele ifyabupe kubantu.”

Efeso 6:12

Pakuba munkondo yesu tatukolwishanyapo nabantu bwaka iyowo. Tukolwishanya neshamfumu, abafiso nentungulushi shapano chalo ichamfishi, elo nemipashi iibi iyamulwelele.

Kolose 1:16

Muli Ye Lesa alengele fyonse ifyamumulu napanshi, ifiboneka nefitaboneka, intungulushi, bashamfumu nabachilolo, elo nabakateka. Lesa atalile fyonse ukupitila muli Klistu nakambi afilengele Ye.

Kolose 2:10

Elo muli Ye namwebo mwalipelwa ubumi ubwiwile sululu. Elo Klistu Ye ewachila pamafumu napabuteko bonse.

Hebele 2:14

Nomba pakusanga ukuti abana mba bantu abaminofu nomulopa, Yesu umwine alyalukile umuntu kubati nibo. Alichitile mfi ukuti ukupitila mumfwa yakwe onaule Kachenjeleka uyo uuli nefiso pamfwa.

Ukufisulula 12:9

Ichisoka ichikulu nchilya chaliponeshewe panshi, echisoka ichakale beta umubi nangula Satana, ngulya uubepa abantu bonse bapanonshi. Chaliposelwe pano chalo pamo nabangelo bachiko bonse.

Ukufisulula 20:10

Elo Kachenjeleka uwababepele, aliposelwe muli bemba wamulilo uwaka namabwe asilubale, umo umwali kale ichiswango nomusoseshi wabufi. Echo bakuchula umuyayaya akasuba nobushiku.