Kolose 2:14 - Chipangano Chabwangu

¹⁴ Alifuta Amafunde alembelwe ayalikutushinina. Aliafumyapo nokwapampamina pamutashi.

Kolose 2:14 ပူးပေါင်းရင်းမြစ်များ

Luka 1:6

Bonse mba babili bali abantu abaweme nakambi abasekesha Lesa. Balikumfwila amafunde onse nokukonka ukufwaya kwaku Bashikulu.

Imilimo ya batumwa 3:19

Kanshi nomba lapileni, mwalukile kuli Lesa ukuti afute amabifyo enu. Elo Lesa akumupa ifiso fyabwangu inshita nenshita.

Kolose 2:20

Mwebo mwafwila pamo na Klistu, nakambi mwalilubulwa kubusha bwamipashi yamulwelele. Kanshi chindo icho mwikalila nga abantu banchino chalo? Chindo icho munakilila kumafunde asosa ati,

2 Tesalonika 2:7

Napali njino nshita ububi epo bwaba, kuntu mubumfinsolo. Tekuti afisululwepo nomba ukufikila akafume ngulya uukomukanya.

Hebele 7:18

Echo ifunde lyakale lyalisulwa pakuti lyali ilyabula ifiso nakambi talyakwetepo nakantu.

Hebele 8:13

Pakusosa amashiwi ayakuti, “Ichipangano chabwangu,” Lesa akososa ukwebati ichipangano chakwamba tachikwetepo akantu. Elo ichili chonse ichakota nokonayika, chilaloba.

1 Petulo 2:24

Klistu umwine apitile ifibi fyesu mumubili wakwe pamutashi, ukwebati kububi tube abafwa, kuntu pakukonka mubike umutima onse mukuchita ifilungeme. Mwaposhiwe kufibenga fyaku Klistu.