Kolose 2:13 - Chipangano Chabwangu

¹³ Kale mwali abafwa pamulandu wamabifyo enu, nakambi pamulandu wakuti mwali abenafyalo abatashilimunwapo kumubili. Nomba Lesa alimuleta kubumi pamo na Klistu. Alitunakilila amabifyo onse.

Kolose 2:13 ပူးပေါင်းရင်းမြစ်များ

Luka 15:24

Pantu ngu mwana wanji alifwile, kuntu nomba ali uwabumi, alilubile, kuntu nomba asangwa.’ Elo nomba batatikile ukulya nokusekelela.

Luka 15:32

Nomba tulingile ukulya nokusekelela pakuti wenu ngu alifwile, kuntu nomba ali nobumi, alilubile, nomba alisangilwe.’”

Luka 9:60

Nomba Yesu alimwasukile ati, “Leka abafwa balokushika abafwa banabo. Nomba webo koya bwaka mukubila imbila ya bufumu bwaku Lesa.”

Yohane 5:21

Ukubati nimulya umo Bawishi babushisha abafwa nokubapela ubumi, munshila imo yenka Umwana naye akopela ubumi kubantu abo akofwaya.

Yohane 6:63

Umupashi Wabuta eupela ubumi butashila. Umuntu tekuti abe nobumi ubu umwine enka. Amashiwi aya ayo nkomweba eyaleta Umupashi waku Lesa uupela ubumi.

Loma 4:17

Nga mfilya Amalembo Apatulika asosa ati, “Nakulengele webo ukuba wishibo wamitundu yonse.” Ichilayo nchi Abulahamu achipokelele ukufuma kuli Lesa uyo achetekele. Engu Lesa uupela ubumi kubafwa, uwita ifitalabako nokufipela ubumi.

Loma 6:13

Mwilokubomfya ichilewa chenu chimo ichamubili wenu kububi, kuntu mwipele kuli Lesa nga bantu bafuma kumfwa nokuya kubumi. Mubomfye ifilewa fyamibili yenu mukubombela Lesa imilimo yabulungami.

Loma 8:11

Kati Umupashi waku Lesa, uyo uwabushishe Yesu ukufuma kubafwa aba muli mwebo, ekwebati Lesa uwabushishe Klistu Yesu ukufuma kubafwa akwisa kubusha imibili yesu iifwa ukupitila Mumupashi wakwe uwaba muli mwe.

1 Kolinto 15:36

Kupunama, bayi! Napo ifyo ubyala tafimenapo panuma yakufwa?

1 Kolinto 15:45

Amalembo asosa ati, “Adamu wakwamba ngulya ayishile kuba umumi,” nomba Adamu wakumupwilo ayishile kuba Umupashi uupela ubumi.

2 Kolinto 3:6

Eutupela ifiso ifyakupyungila chipangano chabwangu, temumafunde aalembwa, kuntu mu Mupashi Wabuta. Pakuti Amafunde aalembwa aleta imfwa, nomba Umupashi Wabuta upela ubumi.

2 Kolinto 5:19

Mubilisha ukuti muli Klistu, Lesa awikishanya abamuchalo nakwe ukwambula ukupenda amabifyo abo. Echo atupele nga mashiwi ayasosa ukuwikishanya nku.

Efeso 2:1

Akale mwebo mwali abafwa pamulandu wakutanakilapo nobubi bwenu.

Efeso 2:11

Mwe abenafyalo langulukeni ifyo mwali kale. Abayuda bayitutumwina pakushilimunwa (ichali kuchitwa kumibili yabo), elo bamwita ukuti abatashilimunwa.

Efeso 5:14

Pakuba ichili chonse ichibonekela apatubile chilasanguka ukusanika. Kubati nimfilya chalembwa ati, “Bukeni webo weulele, buka kubafwa, elo Klistu akukusanikila.”

Kolose 2:12

Pantu ulo mwabatishiwe mwashikilwe pamo na Klistu. Elo mulubatisho lwenka emo mwabukile pamo na Klistu mukuchetekela kwenu mufiso fyaku Lesa uwamubushishe Klistu kubafwa.

1 Timoti 5:6

Nomba umwanakashi chokolo nga ayibika mukutemwa amalila amuno chalo alifwile kale nangu achili umumi.

1 Timoti 6:13

Nomba nkokukonkobesha pamenso aku Lesa uupela ubumi kufintu fyonse, nelyaku Klistu Yesu uwapele bukamboni ubwakwebesha pachinso chakwa Pontiyo Pilato.

Hebele 6:1

Echo tushe ukusambisha ukwakwamba pafyaku Klistu, nokuya kuyakosa. Tatulingilepo nokubwekesha ukusosa pafyakulapila nokusha imilimo iyabwaka nefyo twingachetekela muli Lesa.

Hebele 9:14

Nachine umulopa waku Yesu ulachita ifintu ukuchilapo. Mu Mupashi uwamuyayaya Ye aliipele ngechipupo ichabula akalema kuli Lesa. Umulopa wakwe ulawamya imitima yesu ukufuma kumilimo iyabwaka ukuti tupyungile Lesa Uwabumi.

Yemusi 2:17

Echo, ichichetekelo ichambula imilimo iiweme, chalifwa.

Yemusi 2:20

We kapepetoyi! Napo ukofwaya ichakubwenako ukuti ichichetekelo ichambula imilimo chabwaka?

Yemusi 2:26

Echo kubati mubili uwambula umupashi waba uwafwa, efyo nechichetekelo ichambula imilimo chili ichafwa.

1 Yohane 2:12

Nkolembela mwebo mwe bana banji pantu ububi bwenu bulelelwa pamulandu waku Klistu.