Kolose 2:12 - Chipangano Chabwangu

¹² Pantu ulo mwabatishiwe mwashikilwe pamo na Klistu. Elo mulubatisho lwenka emo mwabukile pamo na Klistu mukuchetekela kwenu mufiso fyaku Lesa uwamubushishe Klistu kubafwa.

Kolose 2:12 ပူးပေါင်းရင်းမြစ်များ

Luka 17:5

Elo abatumwa baebele Bashikulu ati, “Tukushisheniko ichichetekelo chesu!”

Imilimo ya batumwa 14:27

Ulo bafikile ku Antiyoki, balongenye abena Klistu nokubashimikilako ifyo Lesa apyungile nabo, nefyo Lesa ayiswile inshila ukuti abenafyalo bachetekele.

Imilimo ya batumwa 2:24

Nomba Lesa alimubusha nokumupulusha kubukali bwamfwa pantu chalikangile ukuti imfwa imuchimfye.

Imilimo ya batumwa 2:32

Lesa abushishe Yesu ngu kubafwa, nafwebo bonse tuli bakamboni pali nchi.

Loma 4:24

Akososa napali fwebo akotubona nga abalungama pamulandu wakuchetekela Lesa uwabushishe Bashikulu Yesu kubafwa.

Loma 7:4

Munshila imo yenka, mwe bawesu, namwebo mwalifwa ukulingana nefunde nokuba ifiputulwa ifyamubili uwaku Klistu uyo uwabushiwe ukufuma kumfwa. Echo tupyungile Lesa imilimo iiweme.

1 Kolinto 12:13

Pakuba nangu fwebo tube Abayuda nangula abenafyalo, abasha nangula ababwanalale, twabatishiwe mu Mupashi Wabuta umo ukwebati tube umubili umo. Elo bonse twalipokelela Umupashi Wabuta umo wenka.

1 Kolinto 15:20

Ukubako Klistu alibuka kubafwa. Pakati kabonse abafwa, ewakwamba ukubuka kubafwa.

Galatiya 3:27

Elo bonse mwayishileba umo na Klistu ulo mwabatishiwe, mwachitile ukubati mwafwala umubili uwaku Klistu.

Efeso 2:8

Pakuba mwalipuluka pamulandu wabwanshi bwaku Lesa pakuchetekela. Tamwapulushiwe pamulandu wafyo mwachitile iyowo, kuntu bupe bwaku Lesa.

Efeso 3:17

Nkolomba ukuti mukuchetekela kwenu Klistu akwinjila mumitima yenu ukuti mushike imishu yenu nokwimakwa mukutemwa.

Efeso 3:7

Kubwanshi bwaku Lesa alimpele umulimo wakubilisha Ubutumi Bwawama mbu. Ulo achitile mfi alilangile ifiso fyakwe.

Efeso 4:5

Kuli Bashikulu bamo, ubuchetekelo bumo nolubatisho lumo.

Efeso 5:14

Pakuba ichili chonse ichibonekela apatubile chilasanguka ukusanika. Kubati nimfilya chalembwa ati, “Bukeni webo weulele, buka kubafwa, elo Klistu akukusanikila.”

Filipi 1:29

Pakuba alimupela ishuko, telyakuchetekela bwaka, kuntu nokumfwa ukufinya pamulandu wakwe.

Kolose 1:29

Pakuchita nchi ndachula nokupitintika ukubomfya ifiso Klistu ampela ifibomba muli nebo.

Kolose 2:13

Kale mwali abafwa pamulandu wamabifyo enu, nakambi pamulandu wakuti mwali abenafyalo abatashilimunwapo kumubili. Nomba Lesa alimuleta kubumi pamo na Klistu. Alitunakilila amabifyo onse.

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

Hebele 6:2

Mukusambisha ifyalubatisho, ifyakubikapo amaboko, ifyakubuka kubafwa, elo nefyabupingushi ubwamuyayaya.

1 Petulo 3:21

Amenshi ngalya alipalana nolubatisho ulo shino nshiku lukomupulusha pamulandu wakubuka kwaku Yesu Klistu. Ukubatishiwa nku tekusambapo ifiko ifyapamubili, kuntu ukuyipela kuli Lesa nomutima wachine. Lulamupulusha ukupitila mukubuka kwaku Yesu Klistu kubafwa.