Kolose 2:11 - Chipangano Chabwangu

¹¹ Mukusankana pamo na Klistu emo mwashilimunwa, tekushilimunwapo kwamubili iyowo, kuntu kwaku Klistu umwine, ukwabamo ukulubuka kufiso fyangu mubili wabuntunse.

Kolose 2:11 ပူးပေါင်းရင်းမြစ်များ

Maliko 14:58

“Fwebo twalyumfwile ngu muntu alikusosa ukuti, ‘Nebo nkoyisa kutobaula nji nanda yaku Lesa iyayimakwa namaboko abantu, kuntu panshiku shitatu nakwimakapo imbi iitayimakwapo namaboko abantu.’”

Luka 2:21

Ulo inshiku shisano nashitatu shakumanine ishakumushilimuna bamwinikile ati Yesu, ndi eshina umungelo amwinikile apo talaambulwa namwifumo.

Imilimo ya batumwa 17:24

Lesa ngu ewalengele umulu nechalo nafyonse ifyabamo. Ngu Eshikulu wamulu nechalo. Tekalapo mumananda ayayimakwa nabantu iyowo.

Imilimo ya batumwa 7:48

“Nomba Lesa, Kateka wamyulu yonse, tekalapo mumananda ayemakwa neminwe yabantu kubati nimfilya umusoseshi asosa ati, ‘Lesa akoti:

Loma 2:29

Umuyuda umwinenene ningulya uwaba Muyuda mumutima wakwe. Elo ukushilimunwa kwinenene ninkulya ukwamumutima, ukuchitwa no Mupashi Wabuta te ku Mafunde aalembwa iyowo. Uutondayisha umuntu uwaba mfi ni Lesa, te muntupo iyowo.

Loma 6:6

Twalishiba ati akabelo kesu akakale kashilile ulo Yesu asamikilwe pamutashi, ukuti ubwikalo bwesu ubwabubi bonayikwe, elo twiba nakambi abasha babubi.

Loma 7:24

Nebo naba umuntu uwachikonko! Mba ninani uwakumpulusha kubwikashi mbu ubukontwala kumfwa?

2 Kolinto 5:1

Imibili iyo tuli nayo ili kubati lusasa bwaka. Nomba tulishibile ukwebati ulo ulusasa ndu lwakonayika, twakuba munanda iyo Lesa alitupekanishisha kumulu. Inanda nji tayayimakilwepo neminwe yabantu, elo yamuyayaya.

2 Kolinto 5:17

Nga umuntu ali muli Klistu, alengwa wabwangu. Ifyakale fyapita, ifyabwangu nomba efishile.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Galatiya 5:24

Bonse ababa muli Klistu Yesu balisamika pamutashi imibele yabuntunse iibi pamo nolunkumbwa.

Efeso 4:22

Echo muleke imyendele yenu iyakale, ubumi bwenu mbulya ubwalikonaika pamulandu uwalunkumbwa ulwabufi.

Filipi 3:3

Pakuba nifwebo abashilimunwa ukufikapo. Fwe abalomba Lesa pakutungululwa no Mupashi Wabuta. Tulayitutumuna pamulandu waku Klistu Yesu, temukuchetekelapo ifyabuntunse iyowo.

Kolose 3:5

Ala, lekeni ukwikala kwenu ukwabuntunse: ubulale-lale, ubuchende, ulwinso ulubi nolunkumbwa ulwabipa. Pakuti ulunkumbwa emusango umo uwakulomba tungosa wakubasa.

Hebele 9:11

Nomba Yesu alishile kale. Echipupila Mukulu uwafintu ifiweme ifilipo nomba. Insawa yachikundulu iyo apyungilamo yamuchinshi nakambi ili iyapwililika. Tayapangilwepo nabantu, emukuti teyapanonshi.

Hebele 9:24

Pakuti Klistu tayinjilemo Muchifulo Ichabuta ichakulombelamo ichayimakwa nabantu ichikopashanya bwaka nechakumulu. Ye ayinjile kumulu ukwinenene ukuti nomba alokutusoselako kuli Lesa.