Kolose 1:29 - Chipangano Chabwangu

²⁹ Pakuchita nchi ndachula nokupitintika ukubomfya ifiso Klistu ampela ifibomba muli nebo.

Kolose 1:29 ပူးပေါင်းရင်းမြစ်များ

Luka 13:24

“Esheni ukwinjila pamulyango uuche, pakuba mukasuba kakumupwilo abantu abenji bakafwaya ukwinjila, nomba bakwisa kufilwa.

Loma 15:20

Inshita shonse nkofwaya ukushimika Ubutumi Bwawama kuli bo abataumfwilepo ifyaku Klistu ukuti niimaka pamufula wamuntu umbi.

Loma 15:30

Nkomupapata mwe bawesu, ukupitila muli Bashikulu Yesu Klistu nokutemwa ukufuma ku Mupashi Wabuta, ukwebati pamo naine munombeleko nefiso kuli Lesa.

1 Kolinto 12:11

Fyonse mfi Mupashi Wabuta ewubomba mubantu. Alaakanya chila muntu umo umwine afwayila.

1 Kolinto 12:6

Pali ifiso ifyapusana-pusana, nomba Lesa umo enka uubomfya ifiso mfi mubantu bonse.

1 Kolinto 15:10

Nomba pakuti Lesa alinkwatile ubwanshi, ndi kubati ifyo ndi. Elo ubwanshi bwakwe bwapangilepo akantu muli ne pakuti nalibombele imilimo ukuchila pabatumwa bonse. Nomba tenepo uwabombele, kuntu ubwanshi bwaku Lesa ubukobombela muli ne.

2 Kolinto 11:23

Napo bo bapyungi baku Klistu? Nkososa nga muntu uufuntile, ndimupyungi ukubachilapo. Nalipyungile imilimo ukubachilapo. Ilinji nali apepi nokufwa.

2 Kolinto 13:3

Elo mwakubona ifishibisho ifyo mukofwaya ichakuti Klistu eusosa ukupitila muli ne. Ye tabapo uunakile pafyo akuchita pali mwe, kuntu akobwenesha ifiso fyakwe pakati kenu.

2 Kolinto 5:9

Echo nangu tuli muno nangu muli Bashikulu, tufwaya ukubasekesha.

2 Kolinto 6:5

Mukupumwa, mukuposwa muchifungo namufimfulunganya. Mukubombesha, mukutona utulo namunsala.

Efeso 1:19

Elo mwishibe ifiso fyakwe ifikulu ifibomba muli fwebo fwe bachetekela. Mfi fiso nimfilya ifikulu ukwinekantu.

Efeso 3:20

Nomba umuchinshi ube kuli Lesa, Ye mufiso fyakwe ifibomba muli fwebo, ukuti achita ifyachilapo ukuchila napo tulombelapo nangula ukulangulukilapo.

Efeso 3:7

Kubwanshi bwaku Lesa alimpele umulimo wakubilisha Ubutumi Bwawama mbu. Ulo achitile mfi alilangile ifiso fyakwe.

Filipi 1:27

Ichikulu chakwebati imyendele yenu ibe umo Ubutumi Bwawama busosa ifyaku Klistu. Nangu nayisa ukumubona nangu njikale ukutali, nkofwaya ukumfwa ati mulomfwana nokwafwilishanya mukulwa inkondo pamulandu wa Butumi Bwawama.

Filipi 1:30

Elo namwe mukulwa inkondo iyo mwabwene nkolwa, iyo nchili ndelwa nanduno ukubati nimfilya mwaumfwa.

Filipi 2:13

Pakuba Lesa eubombela muli mwebo ukuti mufwaye nokuchita ifimusekesha Ye.

Filipi 2:16

ulo mubeba amashiwi aapela ubumi. Munshila nji, nebo nakukwata apakuyitutumwinapo pakasuba ulo Klistu akubwela. Penkapo pakwishibika ukuti nshibutukile bwaka pakuchimfyanya ukwalubilo, nangu ukubombela lutu.

Kolose 2:1

Nkofwaya ukumwishibishako ifyo mombesha ukwinekantu pali mwebo napabena Lawodisiya, nambalya bonse abatalambonapo.

Kolose 2:12

Pantu ulo mwabatishiwe mwashikilwe pamo na Klistu. Elo mulubatisho lwenka emo mwabukile pamo na Klistu mukuchetekela kwenu mufiso fyaku Lesa uwamubushishe Klistu kubafwa.

Kolose 4:12

Epafulasi, wamwibumba lyenu, amupela umutende, nakambi mupyungi waku Yesu Klistu. Lonse alamulombelako nomutima wakwe onse ukuti Lesa alokumwafwa ukuba abena Klistu abafikapo, nakambi abachetekela ubufwayo bwaku Lesa bonse.

1 Tesalonika 2:9

Nachine mukoyibukisha ifyo twalikubombesha ulo twali namwe. Twalikubomba akasuba nobushiku ukuti takupo bwafya kuli mwebo ulo twalikubilisha Ubutumi Bwawama ubufuma kuli Lesa.

2 Tesalonika 3:8

Tatwapokelepo ubwafwilisho ubuli bonse ukufuma kumuntu uuli onse ukwambula ukulipila iyowo. Nomba twabombele nokuchula fwenka akasuba nobushiku, ukuti twichushapo nangu umo muli mwebo.

2 Timoti 2:10

Echo nshipikishisha muli fyonse mfi pamulandu wabantu abo Lesa asalile ukuti nabo bapulushiwe muli Klistu Yesu nokupokelela ubuleme ubutashilapo.

Hebele 12:4

Pakulwishanya nobubi, tamulafikapo apakwipayilwapo.

Hebele 13:21

Ngu Lesa amupele ifiweme fyonse ifyo mukabila ukuti muchite ifyo afwaya. Elo ukupitila muli Yesu Klistu achite muli mwebo ifyo ifimusekesha. Klistu achinshikwe umuyayaya. Ameni.

Ukufisulula 2:3

Nalishiba ukuti walitekanya, walichula pamulandu wakunebo, elo tawanenukapo.