Kolose 1:24 - Chipangano Chabwangu

²⁴ Nomba ndibwaka uwasekelela pakuti nachulila mwebo, pantu mukuchula kwanji, emo nkoshilishisha amachushi aasheleko aali kubati aku Klistu, ayo achulile umubili wakwe, ekwebati ichilonganino.

Kolose 1:24 ပူးပေါင်းရင်းမြစ်များ

Maliko 10:39

Nabo balimwasukile ati, “Ina, kuti twachita.” Yesu abasukile ati, “Nachine mwakwisa kunwako kulukombo nebo nakunwenako, nakambi mwakwisa kubatishiwa munshila iyo nebo nakubatishiwamo.

Imilimo ya batumwa 5:41

Abatumwa bafumine muchilye nensansa ukwinekantu pantu bayumfwile ukuti Lesa alibasalile ukuchula pamulandu weshina lyaku Yesu.

Loma 5:3

Nakambi tulasansamuka mukuchula pakuti twalishiba ati nku kulete ukushipikisha.

Loma 8:17

Pakuti nomba tuli baku Lesa, twakupokelela ishuko, ina, ishuko ilifuma kuli Lesa. Kati tukochula pakuti tuli abena Klistu, twakupokelela umuchinshi pamo na Ye.

1 Kolinto 12:27

Echo mwebo bonse muli umubili waku Yesu. Elo bonse muli ifilewa fyamubili waku Ye.

2 Kolinto 12:15

Nebo kuti natemwa ukuposa fyonse ifyo ndinafyo, pamo nande, pamulandu wenu. Nomba nga nalimutemwa ukwinekantu mfi, napo mwebo mwakuntemwa panini bwaka?

2 Kolinto 6:10

Balatulinga abantu abansoni, nangu tuli basekelela inshita shonse. Balatulinga abachula, nangu tulenga abenji ukuba abachindami. Balatulinga abatakwetepo akantu, nangu tulikwete fyonse.

2 Kolinto 7:4

Nalimuchetekela ukwinekantu. Elo ndayitutumwina pali mwe. Mukuchula kwesu konse tukoshipikisha, elo tuli abasekelela.

Efeso 1:23

Ichilonganino emubili waku Klistu, elo chayiula na Yesu uyo uwayiusha ifintu fyonse.

Efeso 3:1

Nipamulandu ngu nebo ne Paulo umufungwa pamulandu waku Klistu Yesu nati mupyungile mwe benafyalo.

Efeso 3:13

Echo nkomupapata ukwebati mwinakapo imitima pamulandu wakuti nkomuchulila. Pakuba nku kuchula buchindami bwenu.

Filipi 3:10

Icho nkofwaya chakuti njishibe Klistu nefiso ifyamubushishe kubafwa. Ng’umfwe amachushi akwe nokubati ni Ye mumfwa yakwe.

Kolose 1:18

Emutwi wamubili wakwe, emukuti ichilonganino. Ewakwamba ukubuka kubafwa ukuti muli fyonse abe uwapamulu.

2 Timoti 1:8

Wibapo nensoni ukubela bukamboni Bashikulu wesu. Nakambi wibapo nensoni pamulandu waku nebo ne uuli muchifungo pamulandu wakwe. Nomba uyipekanye ukuchula pamulandu Wabutumi Bwawama ukulingana nefiso ifikupela Lesa.

Yemusi 1:2

Mwe bawesu mulokusekelela ulo mukoyeshekwa kumachushi ayapusene-pusene.