Kolose 1:23 - Chipangano Chabwangu

²³ Emukuti muli nokutwalilila muchichetekelo ichayimakwa pamufula uwakosa. Mwileka nangu chimo chimusunkanye nokumufumyapo kucho mwachetekelamo lwenka ulo mwaumfwile Ubutumi Bwawama. Lesa alimpele nebo, ne Paulo, umulimo uwakushimikila Ubutumi Bwawama mbu ubukoshimikilwa kubantu bonse abamuchalo.

Kolose 1:23 ပူးပေါင်းရင်းမြစ်များ

Maliko 16:15

Alibebele ati, “Kamuya mufyalo fyonse nokubilisha Ubutumi Bwawama kubantu bamitundu yonse.

Luka 22:32

Nomba we Simoni nakulombela ukwebati ukuchetekela kobe kwibwelelapo kunuma. Ulo wakubwelela kuli nebo, ulingile ukukosha bawenu.”

Luka 6:48

Ali kubati muntu uwaimeke inanda yakwe, kayimbisha umufula nokufisha pachipalabwe. Imfula yalilokele nokupuma pali njilya nanda, kuntu tayasunkenepo neli panini pakuba yalimekwe bwino.

Yohane 15:6

Kati umuntu takoyikalililapo muli nebo, akoposwa kunse kubati musambo uwaputulwa, elo akuuma. Imisambo iili mfilya abantu balayilonganya pamo nokuyiposa mumulilo elo ilapya.

Imilimo ya batumwa 1:17

Yuda ngulya ali umo wakufwebo ukuti abombe umulimo umo pamo nafwebo.” (

Imilimo ya batumwa 1:25

ukuti abule umulimo wabutumwa uyo Yuda ashile nokuya kuchifulo ichimulingile.”

Imilimo ya batumwa 1:8

Nomba ulo Mupashi Wabuta wakwisa palimwe, nachine mwakukwata ifiso ifyakuba bakamboni banji mu Yelusalemu, mu Yudeya monse, pamo namu Samaliya, kufikila nakumpelo yachalo chonse.”

Imilimo ya batumwa 11:23

Ulo afikile nokubona ifyo Lesa ashukishe abantu mba, iyowo mwandi alisansamwike nokubakoselesha ukuti bekatishe nokwikalilila muli Bashikulu nemitima yabo yonse.

Imilimo ya batumwa 14:22

Balikukoselesha abachetekela ukuti bekalilile muchichetekelo. Balikubasambisha ati, “Tufwile ukupita mumachushi ayenji ukuti twinjile mubufumu bwaku Lesa.”

Imilimo ya batumwa 2:5

Nomba mu Yelusalemu mwalipo Abayuda abalikuchinshika Lesa abafumine mufyalo fyonse ifyapusana-pusana.

Imilimo ya batumwa 20:24

Nomba shilanguluka ukuti ubumi bwanji buli nakantu iyowo, kuntu ichikulu chakuti nshilishe umulimo wanji, nobutumwa ubo napelwa kuli Bashikulu Yesu, ubwakubilisha Ubutumi Bwawama ubwabwanshi bwaku Lesa.

Imilimo ya batumwa 26:16

Nomba ima! Ichalenga ukuboneka kuli webo nipakuti ndikusalile ukuba umupyungi wanji. Wakusosa kuli bambi ifyo wabona kuli nebo lelo nefyo nakwisa kukulanga kuntanshi.

Imilimo ya batumwa 4:12

Ukupuluka kusangwa muli Ye epela pantu takupo ishina limbi panonshi Lesa apela kubantu ilyo twingapulukilamo.”

Loma 10:18

Nomba nebo nkofumba ati, napo Abaisilaeli tabalaumfwapo Ubutumi Bwawama mbu? Iyowo, balyumfwile. Kubati nimfilya Amalembo asosa ati, “Amashiwi abo, alyumfwika ichalo chonse. Elo amashiwi abo, alifikile mumpelo shachalo chonse.”

Loma 15:16

mpyungile Klistu Yesu kubenafyalo. Mukushimika Ubutumi Bwawama, nkopyunga kubati nichipupila ukwebati abantu mba babe nga ichipupo icho Lesa engapokelela icho Umupashi Wabuta apatwile.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

Loma 5:5

Ukulindila nako kulatukoselesha pantu twalishiba ukuti Lesa aatutemwa ukwinekantu ukupitila mu Mupashi Wabuta uwo atupela.

1 Kolinto 15:58

Nomba mwe bawesu abatemweka, koseni ndi. Mwilekapo chimo chimuteshe. Mube abachinchila inshita yonse mumulimo waku Bashikulu. Pakuba mwalishiba ukuti mukupyungila Bashikulu tamulipo mwabwaka.

1 Kolinto 3:5

Mba Apolosi ninani? Mba Paulo naye ninani? Bapyungi bwaka abaku Lesa abaletele Ubutumi Bwawama kuli mwebo ubo mwachetekele. Umo-umo muli fwebo apyungile bwaka umulimo uyo Bashikulu bamupela.

2 Kolinto 10:1

Nebo ne Paulo, uwo baeba ati alifuuka ulo ali nafwebo, nomba alishika ulo ali ukutali, nkomupapata mwishina lyaku Klistu uwafuuka nakambi uwabwanshi,

2 Kolinto 11:23

Napo bo bapyungi baku Klistu? Nkososa nga muntu uufuntile, ndimupyungi ukubachilapo. Nalipyungile imilimo ukubachilapo. Ilinji nali apepi nokufwa.

2 Kolinto 3:6

Eutupela ifiso ifyakupyungila chipangano chabwangu, temumafunde aalembwa, kuntu mu Mupashi Wabuta. Pakuti Amafunde aalembwa aleta imfwa, nomba Umupashi Wabuta upela ubumi.

2 Kolinto 4:1

Lesa, mubwanshi bwakwe, alitupela umulimo ngu. Echo tatunenuka imitima.

2 Kolinto 6:1

Pakuti nomba tubombela pamo na Lesa, mwialula ukushuka uko Lesa amupele ukuba ukwabwaka.

Galatiya 4:11

Nkotina ukwebati nalimo ukubomba kwanji pali mwebo kwakuba ukwabwaka.

Galatiya 5:5

Nomba kuli fwebo, pakuti twalipokelela Umupashi Wabuta, tukololela ukuti Lesa akatupokelela nga abalungama ukupitila mukuchetekela.

Galatiya 5:7

Mwalikubutuka bwino ulubilo mukuchimfyanya kwenu. Mba wamuleseshe ninani ukwebati mwilokumfwa ichine?

Galatiya 6:9

Echo twinakapo ukuchita ifiweme pakuti panshita iilingile twakusepa nga tatunakilepo.

Efeso 1:18

Nkolomba nakambi ukuti Mupashi Wabuta usanike mumitima yenu pakuti mwishibe ifyo Lesa amwitile. Mwishibepo neshuko ilikulu iliweme alayile abantu bakwe.

Efeso 2:21

Muli Ye inanda yonse yalimakwa, elo ikokulilako kuti ibe inanda yabuta iyaku Bashikulu.

Efeso 3:17

Nkolomba ukuti mukuchetekela kwenu Klistu akwinjila mumitima yenu ukuti mushike imishu yenu nokwimakwa mukutemwa.

Efeso 4:16

uutungulula umubili onse, nokulundanya pamo ifilewa fyonse. Elo ichilewa chonse chalikwata umulimo wachiko. Echo umubili onse ulakula nokukosa mukutemwa.

Kolose 1:25

Elo nandibo ndimupyungi wachilonganino nchi pantu Lesa alimpele umulimo wakupyunga mukati kenu. Umulimo ngu uwakuti mbilishe amashiwi akwe onse.

Kolose 2:7

Mwandemo imishu nokwimaka ubumi bwenu muli Ye. Mwimakane ndi apo muli mwe bashindayikwa muchichetekelo chenu ukubati nimulya mwasambilile. Nakambi mulokumutotela lonse.

1 Tesalonika 3:3

Elo nokuti kwibapo nangu umo ungabwelela kunuma pamulandu wamachushi nga. Mwebene mulishibile ukuti amachushi aya mfi akochitika mukufwaya kwaku Lesa mwine.

1 Tesalonika 3:5

Echo natumine Timoti kuli mwebo. Ulo nafililwe ukushipikisha, nalangulukile ukumutuma uko muli ukuti eshibe ifyo chaba ichichetekelo chenu. Natinine ukuti nangula Satana, kabepa, amubepele ukuti imilimo yesu yonse yakuba yabwaka.

1 Tesalonika 5:8

Apo tuli bamukasuba, tufwile ukuyipekanya. Tufwale ichichetekelo nechitemweko nge chichingililo pachifuba. Nechisoti chesu chibe ukulolela kwesu ukuti tukapuluke.

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

1 Timoti 1:12

Nkototela Klistu Yesu Bashikulu wesu abo abampela ifiso, pakuti banangulukile ukuba wachine nokunsota ukuti ndokumupyungila.

1 Timoti 2:7

Echo antumine ukuba kabilisha nomutumwa. Nkosambisha abenafyalo ifyachichetekelo nechine. Nachine nkososa ifinenene, tanshikobepapo iyowo.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

Taitasi 3:7

Lesa alichitile mfi ukwebati mubwanshi bwakwe, utulungamike pamenso yakwe. Elo twakupokelela ubumi butapwa ubo tulindilila.

Hebele 10:38

Umuntu uyo Lesa alungamika, akuba nobumi pakuchetekela. Nga abwelelela panuma, nebo nshakamusekelelepo iyowo.”

Hebele 3:14

Echo fwebo bonse tupyungila pamo na Klistu nga twatwalilila muchichetekelo twakwete pakwamba ukufikila nakumupwilo wabumi bwesu.

Hebele 3:6

Nomba Klistu, pakuti Mwana waku Lesa, wachishinka pakutungulula abamunanda yaku Lesa bonse. Elo fwebo tuli abamunanda yakwe nga chakuti tatulekelepo ukuba abashipa nokuyitutumuna kufyo tulolela.

Hebele 4:14

Nomba katwikatishe ichichetekelo icho twasumina. Pakuti tuli nakwe Chipupila Mukulu uwachilapo, Ye uwayinjile kumulu kwine kuli Lesa. Ngu ni Yesu Umwana waku Lesa.

Hebele 6:19

Tulikwete ukulindila nku ukwambula ukutenkana nga chishintililo chabumi bwesu. Kulachingilila nakambi kwachine. Elo kulatufisha kumulu kuli Lesa ukupitila muchishintililo nokwinjila kunanda yaku Lesa Muchifulo Ichabutisha mukati.

1 Petulo 1:3

Tutondayishe Lesa wishi wa Bashikulu wesu Yesu Klistu. Ye, mubwanshi bwakwe, alitupela ubumi bwabwangu pakubusha Yesu Klistu kubafwa. Echo tulachetekela

1 Petulo 1:5

Mwebachetekela Lesa akomusunga nefiso fyakwe ukuti mukapokelele chipulusho icho Ye akufisulula panshita yakulekelesha.

1 Yohane 2:27

Lelo mwebo Klistu alimusuba no Mupashi Wabuta uyo uwayikala muli mwe. Pamulandu waku nchi, takufwayikapo umuntu nangu umo ukuti amusambishe. Umupashi Wabuta uyo mwasubwa wakulamusambisha fyonse. Fyonse ifyo akomusambisha fyachine nakambi tamuli ifyabufi iyowo. Echo kubati nimfilya amusambishe, mwikalilile muli Klistu.

Ukufisulula 2:10

Wilatinapo ubuchushi ubwakwisa kukuponena. Boneni! Satana akuposa bambi pali mwebo muchifungo ukumwesha. Echo panshiku ikumi mwakuba mumachushi aakulu. Ube uwachetekela ukufika nakumfwa, elo nakukupela ingala yabumi.