Kolose 1:22 - Chipangano Chabwangu

²² Nomba Lesa alimuwikishanya ukupitila mumfwa ya Mwana wakwe uwali nomubili kubati yesu. Achitile mfi ukwebati pamenso yakwe mube ababuta, abatakwetepo akalema nakambi abapwililika.

Kolose 1:22 ပူးပေါင်းရင်းမြစ်များ

Luka 1:75

Ukuti tube abapatulikwa nabaololoka pamenso akwe, munshiku shonse ishabumi bwesu.

Loma 7:4

Munshila imo yenka, mwe bawesu, namwebo mwalifwa ukulingana nefunde nokuba ifiputulwa ifyamubili uwaku Klistu uyo uwabushiwe ukufuma kumfwa. Echo tupyungile Lesa imilimo iiweme.

2 Kolinto 11:2

Ndi nobufuba namwe kubati nimfilya Lesa ali. Muli kubati mwanansungu uutayishibapo umwalalume uwo nalaya muchupo kumwalalume umo mpo, Klistu umwine.

2 Kolinto 4:14

Twalishiba ukuti Lesa uwabushishe Bashikulu Yesu kubafwa, akutubusha nafwe pamo na Yesu. Elo akutufisha pamenso akwe pamo namwe.

2 Kolinto 5:18

Uwachitile fyonse mfi ni Lesa uwo, ukupitila muli Klistu, alituwikishanya na Ye. Elo alitupela umulimo uwakulenga bambi ukuba abanakwe nabo.

Efeso 1:4

Ulo Lesa talatala ichalo, alitusalile kabela muli Klistu ukuba abantu bakwe ukwebati tube ababuta, elo abatakwetepo akalema pamenso yakwe. Pakuti alitutemwa,

Efeso 5:27

Alikufwaya ukuti achilete pachinso chakwe ichamuchinshi, ichitakwetepo akalema nangu ifisemba, nangula akantu kambi akali konse akabipisha, kuntu ukuba uwabuta ukufikapo.

Kolose 1:28

Nomba tushimikila Klistu kubantu bonse, tuchenjesha nokusambishako abantu bonse pachinso chaku Lesa ukuti babe abakosa muli Klistu.

1 Tesalonika 4:7

Pakuti Lesa taatwitilepo ukuti twikale mukubifya iyowo, kuntu mukubuta.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Hebele 10:10

Pakuti Yesu Klistu alichitile ifyo Lesa alikufwaya ukuti achite, twasangululwa nechipupo ichamubili wakwe icho apele umuku umo bwaka.

Hebele 10:20

Ye alitwiswila inshila iyabwangu ikopitilila muchakuchinga ichili mubili wakwe.

Hebele 13:21

Ngu Lesa amupele ifiweme fyonse ifyo mukabila ukuti muchite ifyo afwaya. Elo ukupitila muli Yesu Klistu achite muli mwebo ifyo ifimusekesha. Klistu achinshikwe umuyayaya. Ameni.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

2 Petulo 3:14

Echo mwe batemwekwa, pakuti mukolindilila mfi fintu, mulokuchinchila ukwebati Bashikulu bakamusange abatakwetepo ifisemba, umulandu, elo abali mumutende na Bashikulu.

Yuda 1:24

Ubuleme bube kuli Ye uwaba nefiso fyakumusunga ukuti mwiwa. Ye uwaba nefiso ifyakumulenga abalungama nakambi abasekelela pachinso chakwe ichabuleme.