Kolose 1:21 - Chipangano Chabwangu

²¹ Namwebo kale mwali bwaka ukutali na Lesa, elo mwali utupondo twakwe pafintu fyabipa ifyo mwalikulanguluka nokuchita.

Kolose 1:21 ပူးပေါင်းရင်းမြစ်များ

Loma 1:30

ukusapulula abanabo nokupata Lesa. Abansele, abamiya nakambi abakwitutumuna. Balanguluka bwaka inshila shakuchitilamo ifibi. Elo tabomfwilapo abafyashi babo.

Efeso 2:12

Nomba langulukeni ukuti inshita njilya tamwakwetepo Klistu. Mwali abenafyalo abatalipo abantu abasalwa na Lesa. Tamwakwetepo ulubali muli mfilya Lesa asuminishe nokulaya abantu bakwe. Mwalikele muchalo ukwambula ichakulindilila, ukwambula Lesa.

Efeso 2:15

Ye ashilishe Amafunde akwa Mosesi, ifyakukonka nefilangililo. Alichitile mfi ukuti ukufuma kumitundu ibili njilya alenge umutundu umo uwabwangu, uwaikala muli Ye, ukuti engaleta umutende.

Efeso 2:19

Echo mwe benafyalo tamulipo abalwendo abakolebela bwaka, kuntu muli bakaya pamo nabantu baku Lesa. Elo muli balupwa lwaku Lesa.

Efeso 4:18

Elo amano abo ali mumfinshi pamulandu imitwi yabo ilikosele ndi mukuteshiba Lesa. Bafutatila ubumi ubo Lesa apela.

Yemusi 4:4

Mwe bantu abatachetekelwapo! Napo tamwishibilepo ukwebati buchibusa nefintu ifyapanonshi kupatana na Lesa? Echo umuntu uufwaya ifyabuntunse kapondo kaku Lesa.