Kolose 1:14 - Chipangano Chabwangu

¹⁴ Muli Ye emo twalubukila, ekwebati, alitunakilila amabifyo esu.

Kolose 1:14 ပူးပေါင်းရင်းမြစ်များ

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

Luka 5:20

Ulo Yesu abwene ukuchetekela kwabo, asosele ati, “We munanji, amabifyo obe anakililwa.”

Imilimo ya batumwa 10:43

Nabasoseshi bonse balikusosa ifyaku Yesu ukuti umuntu onse uchetekela muli Ye akunakililwa amabifyo akwe ukupitila mufiso fyeshina lyakwe.”

Imilimo ya batumwa 2:38

Elo Petulo abebele ati, “Lapileni nokubatishiwa bonse mwishina lyaku Yesu Klistu ukuti munakililwe kumabifyo enu. Elo mwakupokelela Umupashi Wabuta, ubupe bwaku Lesa.”

Imilimo ya batumwa 20:28

Echo mulokuyisunga mwebene nomukuni onse uyo Umupashi Wabuta wamupela ukwangalila. Mube bachembela bamukuni waku Lesa uyo umwine apulwishe mumfwa ya Mwana wakwe.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

Galatiya 3:13

Klistu alitupulusha ukuti twitipwapo na Mafunde ulo ayishile kutipwa muchifulo chesu. Chaba kubati nimfilya Amalembo asosa ati, “Alilapishiwa onse uusamikwa pachiti.”

Efeso 1:7

Lesa alitupulusha pamulandu wamulopa wa Mwana wakwe. Elo alifutile amabifyo esu onse. Mubwanshi bwakwe ubukulu,

Efeso 4:32

Munakililane nokubelana inkumbu kubati nimfilya Lesa amunakilile namwe muli Klistu.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

Kolose 2:13

Kale mwali abafwa pamulandu wamabifyo enu, nakambi pamulandu wakuti mwali abenafyalo abatashilimunwapo kumubili. Nomba Lesa alimuleta kubumi pamo na Klistu. Alitunakilila amabifyo onse.

Kolose 3:13

Mulokushipikisha kumisango yabanenu. Mulokunakilana nga mfilya Bashikulu bamunakilile.

1 Timoti 2:6

Ngu aliipele umwine ukuti apulushe abantu bonse. Nchi chali ichishibilo ichakuti inshita yalinga ilifikile.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Hebele 9:12

Ulo Klistu ayinjilemo munsawa nji nokufika Muchifulo Ichabutisha, tasendelepo umulopa wambushi nangula wang’ombe iyalalume ukuti fibe ichipupo, kuntu Ye apintile umulopa wakwe umwine. Elo alitupekanishishe ichipulusho chitapwa.

Hebele 9:22

Ina, ukulingana na Mafunde akwa Mosesi, ifintu filawamishiwa nomulopa. Elo amabifyo tayanakililwapo ukwambula ukwitulwilwa umulopa.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

1 Yohane 1:9

Lelo nga twaebelela ububi bwesu kuli Lesa, ena wachishinka nakambi aba uwalungama, akatwelela ububi bwesu nokutuwamya kufyo tubifya.

1 Yohane 2:12

Nkolembela mwebo mwe bana banji pantu ububi bwenu bulelelwa pamulandu waku Klistu.

1 Yohane 2:2

Ngu ebupe ubunakilila amabifyo esu, tebubi bwesupo bwenka iyowo, kuntu nobwabantu bonse.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Ukufisulula 14:4

Mba ebayilamine, abatayibifishepo nabanakashi, abatayishibapo umwalalume. Balakonka Umwana wambelele konse aya. Mba balipulushiwa pakati kabantu ukuti babe abakwamba ukupelwa kuli Lesa naku Mwana wambelele.

Ukufisulula 5:9

Balikwimba nolwimbo ulwabwangu ati, “Niwebo uulingile ukupoka ibuku ndi, nokukambatula ifishibilo fyaliko. Pakuti niwebo bayipeye, mumfwa yenu mwashitile abantu, ukuti babe abantu baku Lesa abafuma kumishobo yonse, kundimi shonse, kumutundu wonse, elo nakuchalo chonse.