Kolose 1:13 - Chipangano Chabwangu

¹³ Pakuba ewatupokololako kufiso fyamfishi nokutuleta mubufumu bwa Mwana wakwe uwatemwekwa.

Kolose 1:13 ပူးပေါင်းရင်းမြစ်များ

Mateyo 17:5

Achili mukusosa, kwayishile ikumbi ilitubile tuutu nokubafimba. Elo mwafumine ishiwi mukati kekumbi ndilya ilyasosele ati, “Ngu Mwana wanji uwatemwekwa. Muli Ye emo nkosekelela. Mumfweni!”

Mateyo 25:34

Elo Imfumu yakusosa kubakumulyo ati, ‘Iseni mwebo Bata bashukisha. Injileni mubufumu ubo Bata bamupekanishisha ukufuma apo ichalo chatalilwe.

Mateyo 3:17

Elo ishiwi lyasosele ukufuma kumulu ati, “Ngu Emwana wanji uwatemwekwa, muli ye emo nkosekelela.”

Luka 13:24

“Esheni ukwinjila pamulyango uuche, pakuba mukasuba kakumupwilo abantu abenji bakafwaya ukwinjila, nomba bakwisa kufilwa.

Luka 22:53

Inshiku shonse nalikwikala namwebo nkosambisha munanda yaku Lesa, nokuti munjikatepo, yii. Nomba nji enshita yenu nakambi iyafiso fyamfishi.”

Yohane 17:24

“Bata! Nkofwayisha ukwinekantu ukuti abo mwampela, bakabe nandibo uko nakuba ukwebati bakabone umuchinshi wanji uwo mwampela. Pakuti mwantemenwe ichalo tachilatatika.

Yohane 3:35

Bawishi balimutemwesha Umwana wabo. Echo balibika ifintu fyonse mufiso fyakwe.

Yohane 5:24

“Nachine nkomweba ati, onse uukoumfwa amashiwi anji nokuchetekela muli Ye uwantumine, ali nobumi ubutashila. Ngu tayise kupingulwa pantu apulamo kale mumfwa nokuya kwinjila mubumi.

Imilimo ya batumwa 26:18

Wakuya kubashibatula amenso, ukubafumya mumfinshi nokubaleta mukusanika. Wakubafumya mufiso fyakwa Satana nokubenjisha mufiso fyaku Lesa pakuti ukupitila mukuchetekela muli nebo bakunakililwa amabifyo abo nokusangana ichifulo mubwikalo pamo nabantu baku Lesa abasalwa!’

Loma 14:17

Pakuti ubufumu bwaku Lesa tekulyapo nokunwa bwaka, kuntu ukumusekesha, ukwikala umutende, elo nokusangalala. Mfi fyonse fifuma ku Mupashi Wabuta.

2 Kolinto 11:14

Ukuba nchi techakushimbwishapo iyowo. Kambi Satana naye kuti ayifungushanya nokuboneka nga mungelo wakusanika.

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

Efeso 1:6

Afwayile ukwebati tumutondayishe pabwanshi bwakwe ubukulu pakutupela bwaka umwana wakwe uwo atemwesha.

Efeso 4:18

Elo amano abo ali mumfinshi pamulandu imitwi yabo ilikosele ndi mukuteshiba Lesa. Bafutatila ubumi ubo Lesa apela.

Efeso 5:5

Mwishibe nchi ichakuti umuntu onse uwabuchende nangula uuchita ifyabusali, nangula kabundulu (pakuti bukabundulu chimo nokulambila tungosa wakubasa), takapokelelepo ubufumu bwaku Klistu nobwaku Lesa.

Efeso 5:8

Namwe kale mwali mumfinshi, kuntu nomba muli mukusanika pakusangwa ukuti muli baku Bashikulu. Nomba mwende nga bantu abayikala mukusanika.

Efeso 6:12

Pakuba munkondo yesu tatukolwishanyapo nabantu bwaka iyowo. Tukolwishanya neshamfumu, abafiso nentungulushi shapano chalo ichamfishi, elo nemipashi iibi iyamulwelele.

1 Tesalonika 2:12

Twalimukonkobeshe nokumutalalika imitima elo nokumukoselesha ukuti mube nobumi ubusekesha Lesa uyo uwamwitile ukuti mukenjile mu Bufumu bwakwe ubwabuleme.

Hebele 2:14

Nomba pakusanga ukuti abana mba bantu abaminofu nomulopa, Yesu umwine alyalukile umuntu kubati nibo. Alichitile mfi ukuti ukupitila mumfwa yakwe onaule Kachenjeleka uyo uuli nefiso pamfwa.

1 Petulo 2:9

Pakuba mwebo muli umutundu uwasalwa, bachipupila ababufumu, umutundu wapatulika, abantu baku Lesa. Alimusalile ukuti mubilishe imilimo yakwe iiweme yaku ngulya uwamwitile ukufuma mumfishi nokwisa mukusanika kwakwe ukushimbwisha.

2 Petulo 1:11

Elo mwakwisulilwa umulyango uwakwinjilila mubufumu ubutashilapo ubwaku Bashikulu na Mupulushi wesu, Yesu Klistu.

1 Yohane 2:8

Nangu chibe mfi, ifunde nkomulembela lyabwangu pantu fyonse likososa fyachitikile muli Yesu nakambi fikochitika muli mwe. Pakuti imfinshi ikoya ikoshila, elo nolubuto ulwine-lwine lwatatika ukusanika.

1 Yohane 3:14

Tulishibile ukwebati tulifuminemo nokuba nobumi. Tulishibile nchi pantu twalitemwa bawesu. Uyo ushitemwa wabo ali mumfwa.

1 Yohane 3:8

Uyo utwalilila ukubifya wakwa Satana, pantu Satana nimbifi ukutula kukutatika. Echo no Mwana waku Lesa abonekele ukuti aonaule imilimo yakwa Satana.