Imilimo ya batumwa 21:3 - Chipangano Chabwangu

³ Panuma twafikile pamulola apo twalikubona ichishi cha Saipulasi. Elo ubwato bwapitile kukuso kwachishi nchi nokuya kuchalo cha Siliya nokupatukila mumushi wa Tule pantu eko ubwato bwali nokupatula ifipe.

Imilimo ya batumwa 21:3 ပူးပေါင်းရင်းမြစ်များ

Imilimo ya batumwa 27:4

Ukufumapo twakonkele ululamba kulubali lwa chishi cha Saipulasi pantu ichipupu chali kufuma uko twalikuya.

Imilimo ya batumwa 21:16

Abachetekela bambi abaku Kayisaleya bayile nafwebo. Batutwele kunanda yamuntu twali nokufikilako uwitwa Munasoni. Aali uwachetekela nakale.

Imilimo ya batumwa 12:20

Nomba Helodi akalipile abena Tule nabena Sidoni. Nabo batumine ibumba ukuti babonane na Helodi. Pantu ichalo chabo chalikusanga ichakulya ukufuma kuchalo chakwa Helodi. Babalile ukunasha Bulasitasi umukulu wakwisano. Panuma bayile kuli Helodi ukumupapata ukuti kube umutende pakati kabo.

Imilimo ya batumwa 4:36

Elo kwalipo nomuntu umo uwalikwitwa Yosefe, umwina Lefi, uwafyalilwe muchalo cha Saipulasi, uwo abatumwa balikwita Banabasi, (ilikoyalula “Umuntu Uchinchisha.”)

Mateyo 4:24

Ululumbi lwakwe lwalitulikile muchalo chonse icha Siliya. Elo abantu batwite kuli Yesu bonse abalikulwala amalwele aapusene-pusene, abayiketwe imipashi iibi, abachinkoni-nkoni, nababulebe, bonse kabaposha.

Imilimo ya batumwa 18:18

Paulo ayikele inshiku ishinji ku Kolinto pamo nabachetekela. Ukufuma apo apateme mubwato ubwalikuya ku chalo cha Siliya pamo na Pulisila na Akwila. Ulo ali kumushi wa Senkileye atalapatama mubwato, Paulo abeyele umutwi wakwe pamulandu wachilapisho apangile.

Imilimo ya batumwa 15:41

Elo bayile ku Silisiya bakokoselesha ifilonganino fyabena Klistu.

Imilimo ya batumwa 15:39

Elo kwali ukutalikana ukwinekantu, pali mbalya babili kufikila Paulo bapatukene na Banabasi. Banabasi ayile na Maliko mubwato ku Saipulasi.

Imilimo ya batumwa 15:23

Babapele nakalata nji apalembelwe nga amashiwi, “Mwe bawesu, fwebo abatumwa nabachilolo abachilonganino tukomuposha umutende bonse abenafyalo abachetekela abekala mu Antiyoki, Siliya namu Silisiya.

Imilimo ya batumwa 13:4

Ulo Banabasi na Saulo batuminwe no Mupashi Wabuta, bayile ku Selukiya nokupatama mubwato, nokuya ku Saipulasi.

Imilimo ya batumwa 11:19

Abena Klistu bapalangene pamachushi ayabafikile ulo bayipeye Sitefano. Bamo bayile ku Fenisiya, Saipulasi naku Antiyoki balikubilisha ku Bayuda bwaka.

Luka 10:13

“Yangwee, ubulanda kuli webo Kolasine! Yangwee ubulanda nakuli we Betesaida? Nga chakwebati imilimo iyafiso ifikulu iyachitilwe muli mwebo yachitilwe muli Tule na Sidoni, abantu bankulya, kale-kale nga balifwite amasaka nokuyitila imitoyi ukulanga ukuti balapila kumabifyo abo!

Luka 2:2

Nku ekulembwa ukwakwamba, kwachitikile ulo Kwiliniyasi ali kateka waku Siliya.

Mateyo 11:21

Echo asosele ati, “Yangwee, ubulanda kuli webo Kolasine! Yangwee, ubulanda nakuli we Betesaida! Nga chakwebati imilimo iyafiso ifikulu iyachitikilwe muli mwebo yachitikilwe muli Tule na Sidoni, abantu bankulya kale-kale nga balifwite amasaka nokuyitila imitoyi ukulanga ukuti balapila kumabifyo abo.

Imilimo ya batumwa 21:2

Nkulya twayile kusangana ubwato ubwali kuya kuchalo cha Finisiya. Echo twalipateme nokuya.

Imilimo ya batumwa 21:7

Elo twatatikile ulwendo lwesu ukufuma ku Taya ukuyafika ku Pitolemaisi uko twaposeshe bawesu umutende. Twayikele nabo akasuba kamo.