Imilimo ya batumwa 2:3 - Chipangano Chabwangu

³ Penkapo babwene ukubati nindimi shamulilo shayikele pali umo-umo waku bo.

Imilimo ya batumwa 2:3 ပူးပေါင်းရင်းမြစ်များ

Mateyo 3:11

Nebo nkomubatisha namenshi ichishibilo chakulanga ukuti mwalapila, kuntu uyo uwakwisa panuma yanji, akumubatisha ku Mupashi Wabuta nakumulilo. Alinchililepo ifiso. Nebo tanshilingilepo nokupinta inkwanda shakwe.

Mateyo 3:15

Nomba Yesu alimwasukile ati, “Leka chibele mwenkomo pali njino nshita, pakuti tufikilishe fyonse ifyo Lesa afwaya.” Elo Yohane asumine.

Luka 24:32

Batatikile ukusoshanya bati, “Napo amashiwi akwe taali kutulasapo ulo alikusosa pamusebo nokulondolola ifyalembwa Mumalembo Apatulika?”

Imilimo ya batumwa 1:15

Ulo papitile inshiku shinini, kwali ukulongana kwabachetekela bonse. Pamo bafikile kubati mwanda umo namakumi abili. Elo Petulo ayimakene pakati kabo nokusosa ati,

Imilimo ya batumwa 2:11

Kwalipo Abayuda nabenafyalo abaalukile nokukonka ifya Chiyuda. Fwebo bambi tufuma ku Kileti naku Alabiya. Nangu chibe mfi, bonse tukobomfwa bakososa mundimi shesu. Bakososa ifintu ifikulu ifyo Lesa achitile!”

Imilimo ya batumwa 2:2

Bwangu-bwangu kwaumfwikile ichiunda ichikulu ukufuma kumulu ichali ukubati chipupu nokwiula inanda yonse umo bayikele.

Imilimo ya batumwa 2:4

Elo bonse bayiwile no Mupashi Wabuta. Batatikile nokusosa mundimi ishapusana-pusana kubati ifyo Mupashi afwayile ukuti balokusoselamo.

1 Kolinto 12:10

Upela umuntu umbi ifiso ifyakuchita ifyafiso ifikulu, umbi naye ukushimika amashiwi aku Lesa. Elo umbi ukupatulula ubupe ubufuma ku Mupashi uuweme nangula uubi, umbi upelwa ukusosa mundimi ishitayishibikwa, nakuli umbi upela ukwalula indimi nshi.

Yemusi 3:6

Nalo ululimi lwaba kubati mulilo. Chalo ichayiwulamo nobubi. Luli pakati kafilewa ifyamubili wesu. Elo lulambukisha ububi bwaluko kumubili onse. Lulocha imikalile yesu yonse nomulilo uwisa kuli lo ukufuma kuchifulo chamulilo uutashimapo.

Ukufisulula 11:3

Elo nakutuma bakamboni banji babili abakufwala amasaka ukuti bakabilishe ubutumi bwaku Lesa inshiku ikana nemyanda ibili namakumi asano na limo.”

Ukufisulula 14:6

Panuma nalibwene umungelo umbi akopupuka mulwelele. Alikwete Ubutumi Bwawama ubutapwa ukuti abilishe kubekala chalo, kubantu abamutundu onse, abamikowa yonse, abamilaka yonse, nabamishobo yonse.