Galatiya 4:9 - Chipangano Chabwangu

⁹ Kuntu nomba mwalishiba Lesa, nangula nkasose ati Lesa alimwishiba, mba nindo mukobwelela kutufuto ntulya twabwaka nakambi utwansha nsoni? Mulandu ndo mukofwaya ukuba abasha nakambi bamfilya?

Galatiya 4:9 ပူးပေါင်းရင်းမြစ်များ

Mateyo 11:27

“Bata balimpela nebo ifintu fyonse. Takupo nangu umo uwayishiba Umwana, kano Bata benka. Nakambi takupo uwayishiba Bata, kano Umwana enka nabo Umwana asala ukubafisulwilako.

Luka 5:38

Echo bikeni waini wabwangu mumatumba ampapa aabwangu!

Yohane 10:14

Nomba nebo nine chembela uwawama. Nalishiba imbelele shanji, nasho shalinjishiba.

Yohane 10:27

Mbelele shanji shilomfwa ishiwi lyanji, nandibo nalishishiba, nasho shilankonka.

Yohane 17:3

Elo ubumi butashila ekwishiba mwebo, mwe Lesa wachine, nokwishiba Yesu Klistu uwo mwatumine.

Loma 8:29

Abo Lesa ayishibile kale alibasalile ukuti babe nga Umwana wakwe, pakuti ye akuba ibeli lyamuli bawabo abenji.

Loma 8:3

Ifyo ifunde lyafililwe ukuchita, pamulandu wakunaka ukwabuntunse, Lesa alichitile nchi ulo atumine Umwana wakwe, uwali nomubili kubati ningu wabuntunse ukwebati achimfye ububi.

1 Kolinto 13:12

Nomba nkobona ifintu kubati chinshingwa muchilola. Elo pali njilya nshita twakubonana amenso namenso. Nduno ndishibile panini, kuntu pali njilya nshita nakwishiba ukufikapo, kubati nimfilya banjishiba ukufikapo.

1 Kolinto 15:34

Bwelelenipo kumalangulushi enu aaweme, elo muleke nokubifya. Nkososa mfi ukuti mwanshe nsoni.

1 Kolinto 8:3

Nomba umuntu uwatemwa Lesa, alishibwa na Lesa.

2 Kolinto 11:20

Mulamuleka bwaka umuntu uumulenga ubusha, nambalya abamulila ububoni bwenu, nangu abamubepa nangu abamusuula nangu abamupama pamenso.

2 Kolinto 4:6

Lesa asosele ati, “Ukusanika kwise ukufuma mumfishi.” Lesa enka ngu ewatusanikile mumitima yesu ukwebati abantu beshibe umuchinshi waku Lesa ngu uukosanika pachinso chaku Klistu.

Galatiya 3:3

Mwebo, nindo mwapunamina mfi? Umulimo ngu watatikilwe no Mupashi Wabuta, napo mukofwaya ukuushilisha kufiso fyenu?

Galatiya 4:3

Chimo chenka nafwebo, ulo twali abayiche twali abasha ababwikashi bwapanonshi.

Efeso 1:17

Nkolomba kuli Lesa waku Bashikulu Yesu Klistu, Bata wamuchinshi, amupele Umupashi Wabuta uupa umulangwe uwakufisulula Lesa ukuti mumwishibe bwino.

2 Timoti 2:19

Nomba umufula uyo Lesa ayimbile tekuti usunkanepo, elo palilembwapo amashiwi nga, “Bashikulu balishiba ababo.” Nakambi, “Uyo onse ukososa ati waku Bashikulu, aleke ukuchita ifitalungeme.”

Hebele 7:18

Echo ifunde lyakale lyalisulwa pakuti lyali ilyabula ifiso nakambi talyakwetepo nakantu.

2 Petulo 2:20

Kati abantu bapuluka kufyabipa ifyamuchalo mukwishiba Bashikulu no Mupulushi wesu Yesu Klistu, elo nakambi bayikatwa nokuwila mufibi, pakulekelesha bakuba ababipile ukuchilapo mfilya bali pakwamba.

1 Yohane 5:20

Twalishiba ukuti Umwana waku Lesa alishile nokutupela amano yakwishiba Lesa wachine. Ekuti nomba twaba muli Lesa ngu, pamo namu Mwana wakwe Yesu Klistu. Ngu e Lesa wachine nakambi ebumi butashilapo.