Galatiya 4:4 - Chipangano Chabwangu

⁴ Ulo inshita yafikile, Lesa alitumine umwana wakwe. Umwana ngu afyelwe kumwanakashi, afyelwe uwalingile ukulama amafunde.

Galatiya 4:4 ပူးပေါင်းရင်းမြစ်များ

Mateyo 1:23

“Boneni umwanansungu uutayishibapo umwalalume akoyisa kwimita, elo akufyala umwana umwalalume uwo bakwisa kwinika Imanueli,” (ilikoalula ati, “Lesa ali nafwe.”)

Mateyo 3:15

Nomba Yesu alimwasukile ati, “Leka chibele mwenkomo pali njino nshita, pakuti tufikilishe fyonse ifyo Lesa afwaya.” Elo Yohane asumine.

Mateyo 5:17

“Mulokulanguluka ukuti nayisa mukonaula Amafunde akwa Mosesi nokusambisha kwabasoseshi, kuntu mukufikilisha ifyalembwa.

Maliko 1:15

Asosele ati, “Inshita yafika, nobufumu bwaku Lesa bwapalamina. Pilibukeni imitima nokuchetekela mu Butumi Bwawama!”

Luka 1:31

Bona, ukoyisa kwimita nokupapa umwana umwalalume uyo wakwinika ishina lyakwe Yesu.

Luka 1:35

Umungelo amwasukile ati, “Umupashi Wabuta wakwisa pali webo, nefiso fyaku Lesa uwapulamo fyakwisa pali we. Efyo umwana uwakufyalwa akoyisa kwitwa, Umwana waku Lesa.

Luka 2:7

Maliya alifyele umwana umwalalume nokumupomba munsalu. Amulalikile muchililo chang’ombe pakuti munanda yabalwendo tamwalipo chifulo chakulalamo.

Luka 20:44

Davide umwine eta Klistu ati, ‘Bashikulu.’ Mba Klistu angaba shani umwana wakwe?”

Yohane 1:14

Elo Ishiwi lyaalukile umuntu, ayishile kwikala mukati kesu uwayiwulamo ubwanshi nokwebesha. Nafwebo twabwene umuchinshi wakwe, umuchinshi wachana chimo chaku Wishi.

Yohane 10:36

Nebo, Bata ba nsalile nokuntuma muno chalo. Mba nindo nomba mukonjebela ukuti nkosalula Lesa ulo nsosa ati nine Mwana waku Lesa?

Yohane 3:16

Pakuti Lesa atemenwe abantu bonse muchalo. Echo apele Umwana wakwe uwafyalwa enka, ukuti onse uwamuchetekela efwa iyowo, kuntu abe nobumi butapwa.

Yohane 6:38

Pantu tanshayisapo ukufuma kumulu mukuchita ukufwaya kwanji iyowo, kuntu ukwaku Ye uwantumine.

Yohane 8:42

Yesu abasukile ati, “Nachine nga Lesa aaba ni Nshinwe, nga mwalintemwa pakuti nafuma kuli Lesa. Tanshayishilepo munsambu shanji iyowo, kuntu Lesa ewantumine.

Imilimo ya batumwa 1:7

Yesu abasukile ati, “Inshita nenshiku ni Bata ebapima abene mufiso fyabo. Temulimo wenu ukwishiba ulo mfi fyakuchitika.

Loma 1:3

Busosa ifya Mwana wakwe, Bashikulu wesu Yesu Klistu. Ukusosa ifyabuntu bwakwe, afyalilwe muchikoto chamfumu Davide.

Loma 15:8

Nachine nkomweba ati, Klistu aalukile umupyungi wa Bayuda ukulanga ukuti Lesa wachishinka. Mukuchita mfi alilangile ichine chafilayano fyaku Lesa ifyo apangile nefikolwe fyesu,

Loma 5:6

Ulo tatwakwete uwakutwafwa, panshita yalinga, Yesu alitufwilile fwe mbifi.

Loma 8:3

Ifyo ifunde lyafililwe ukuchita, pamulandu wakunaka ukwabuntunse, Lesa alichitile nchi ulo atumine Umwana wakwe, uwali nomubili kubati ningu wabuntunse ukwebati achimfye ububi.

Loma 9:5

Mba bafuma kufikolwe ifyayishibikwa ifya Bayuda. Elo Uwasubwa uyo alayile wamutundu wabo, ukusosa pafyabuntu bwakwe. Lesa uutungulula ifintu fyonse atondayishiwe lonse.

Efeso 1:10

Icho Lesa afwayile ukuchita panshita ilingile kuleta pamo ifyakumulu nefyapanonshi, na Klistu nga umutwi.

Kolose 2:14

Alifuta Amafunde alembelwe ayalikutushinina. Aliafumyapo nokwapampamina pamutashi.

1 Timoti 2:6

Ngu aliipele umwine ukuti apulushe abantu bonse. Nchi chali ichishibilo ichakuti inshita yalinga ilifikile.

1 Timoti 3:16

Takupo uwingakayika ichabumfinshi ichikulu ichakulombelamo Lesa wesu, Ye abonekele nomubili wabuntu, Umupashi Wabuta wasosele ukuti mulungami, abangelo balimubwene. Balikumubilikisha pakati kabenafyalo bonse, balimuchetekele abantu bapanonshi, elo alipintilwe kumulu mumuchinshi.

Hebele 2:14

Nomba pakusanga ukuti abana mba bantu abaminofu nomulopa, Yesu umwine alyalukile umuntu kubati nibo. Alichitile mfi ukuti ukupitila mumfwa yakwe onaule Kachenjeleka uyo uuli nefiso pamfwa.

Hebele 9:10

Isosa bwaka pafyakulya, ifyakunwa nakumibele, utwakuyiwamisha utupusene-pusene. Fyonse mfi mafunde bwaka ayakoyikatilila ukufikila ulo Lesa akupanga ifintu fyonse ukuba ifyabwangu.

1 Yohane 4:14

Elo twalibona nokwebapo bambi ukuti Bata balitumine Umwana wabo ukuba Umupulushi wanchino chalo.

1 Yohane 4:2

Muli nji nshila, mwakwishibilamo umuntu uwakwata Umupashi waku Lesa: onse uusuminisha ati Yesu Klistu ayishileba umuntu wine-wine, waku Lesa.