Galatiya 1:4 - Chipangano Chabwangu

⁴ Yesu aliipele pamulandu wamabifyo yesu ukuti atupulushe kumabifyo amuno chalo, ukubati ifyo Lesa Bata balikufwaya.

Galatiya 1:4 ပူးပေါင်းရင်းမြစ်များ

Mateyo 13:22

Bambi nabo baba kubati nimbuto ishawile muminga. Mba ebomfwa amashiwi aku Lesa, kuntu pamulandu wakufwayilisha ifintu fyamuchalo nobuchindami, elo mfi fintu filafininkisha amashiwi, epo tabatwalapo ifitwalo.

Mateyo 20:28

Pakuti nangu Mwana wa Muntu umwine tayishilepo ukuti bakamupyungile iyowo, kuntu Ye ayishile mukupyungila nokupela ubumi bwakwe ukuti abantu abenji bakalubulwe.”

Mateyo 26:28

Ngu mulopa wanji uwachipangano chabwangu, uwayitililwa abenji ukuti amabifyo abo anakililwe.

Mateyo 26:42

Yesu alibwelelemo umuku wachibili, aya mukulomba ati, “Bata kati ulunkombo ndu ulwamachushi talwafumepo pali nebo, chiteni ukufwaya kwenu.”

Mateyo 6:9

Echo mwebo mulokulomba ati, ‘Banshifwe bakumulu, ishina lyenu lichinshikwe.

Maliko 10:45

Pakuti nangu Mwana wa Muntu umwine tayishilepo ukuti bakamupyungile iyowo, kuntu wena ayisa mukupyunga nokupela ubumi bwakwe ukuti abantu abenji bakalubulwe.”

Luka 22:19

Elo abulile umufuba nokutota kuli Lesa, aliusunawile, epo alibapele nokuti, “Ngu mubili wanji, [uwapelwa pamulandu wenu. Chiteni nchi mukunjibukisha.”

Luka 22:42

Elo Yesu alombele ati, “Bata, nga mukofwaya, fumyenipo ndu lukombo lwamachushi pali nebo. Nomba tekufwayapo kwanji, kuntu kufwaya kwenu eko kuchitikwe.” [

Yohane 10:11

“Nine chembela uuweme. Chembela uuweme apela ubumi bwakwe pamulandu wambelele.

Yohane 12:31

Nomba enshita yakupingulwa kwabantu banchino chalo, Satana kateka wanchino chalo, akutamfishiwa.

Yohane 5:30

“Apanenka tekuti nchitepo akantu nangu kamo munsambu shanji. Nebo mpingwila bwaka mwenka umo Lesa anjebela. Elo ubupingushi bwanji bwaba ubwalungama pakuti nshichitapo ifyo nemwine mfwaya, kuntu ifyo uyo uwantuma afwaya.

Yohane 6:38

Pantu tanshayisapo ukufuma kumulu mukuchita ukufwaya kwanji iyowo, kuntu ukwaku Ye uwantumine.

Loma 1:7

Epo nomba nkolembela mwebo bonse abali mu Loma, mwebo Lesa atemwa nokumwita ukuti mube abantu bakwe. Lesa Bata na Bashikulu wesu Yesu Klistu bamupele ubwanshi nomutende.

Loma 12:2

Mwiitumpamo mubwikashi bwapanonshi, kuntu lekeni Lesa amupilibule nokumupela ubumi bwabwangu. Elo mwakwishiba ubufwayo bwakwe, ifiweme, ifyalungama nefimusekesha Lesa.

Loma 4:25

Yesu ngu bamwipeye pamulandu wafibi fyesu. Elo bamubushishe kubafwa ukuti Lesa atubone nga abalungami.

Loma 8:27

Epo Lesa uwayishiba ifyamumitima yesu, alishiba kale ifyo malangulushi aya Mupashi aba, pakuti Umupashi Wabuta eupapatilako abantu kuli Lesa umo afwayila.

Loma 8:3

Ifyo ifunde lyafililwe ukuchita, pamulandu wakunaka ukwabuntunse, Lesa alichitile nchi ulo atumine Umwana wakwe, uwali nomubili kubati ningu wabuntunse ukwebati achimfye ububi.

Loma 8:32

Lesa alitupele Umwana wakwe umwine. Elo alimupele pamulandu wesu! Nomba kuti afilwa shani ukutupela ifintu fyonse pamo na Ye?

1 Kolinto 15:3

Pakuba amashiwi aakulu ayo namusambishe eyekayo nandibo napokele. Amashiwi nga yakwebati Klistu afwilile amabifyo esu kubati ifyo Amalembo asosa.

2 Kolinto 4:4

Bo tabachetekelapo pakuti Satana, lesa wapanonshi, alibafimba ukuti belokubona ukusanika kwa Butumi Bwawama. Ukusanika nku kubwenesha umuchinshi waku Klistu. Elo muli Ye Lesa alaboneka.

Galatiya 2:20

Nalisamikwa pamutashi pamo na Klistu. Echo ubumi ubo nkwete tebwakunebopo iyowo, kuntu bwaku Klistu uwaba muli nebo. Ubumi mbu ndinabo mumubili wanji bwakuchetekela mu Mwana waku Lesa uyo uwantemenwe nokupela ubumi bwakwe pamulandu uwaku nebo.

Galatiya 6:14

Nomba nebo tekuti njitakishepo pakantu akali konse, kuntu pamutashi waku Bashikulu Yesu Klistu. Pakuti balifwa pamutashi, ifyapanonshi kuli nebo fyaba kubati filifwile kale. Elo kufyapanonshi fyenka mfi, ndi kubati wafwa.

Efeso 1:11

Ifintu fyonse filachitika kubati ifyo Lesa afwaya nakambi kubati nimwenka umo afipekanishishe. Ye alitusalile muli Klistu ukuba abana bakwe abenenene.

Efeso 2:2

Panshita njilya, imyendele yenu yalilingene neyabuntunse. Elo mwalikumfwila umukulu wamipashi uwamulwelele. Umukulu ngu mupashi uubi ukobombela muli bo abatanakilapo Lesa.

Efeso 5:16

Mube abachinchila ukwebati mwiposapo inshita yenu pafyabwaka, pakuti inshita njino iibipile.

Efeso 5:2

Endeni mukutemwa kubati nimfilya Klistu atutemenwe. Ayipele pamulandu waku fwebo nga ipupo lyachena ichiweme ichisekesha Lesa.

Efeso 6:12

Pakuba munkondo yesu tatukolwishanyapo nabantu bwaka iyowo. Tukolwishanya neshamfumu, abafiso nentungulushi shapano chalo ichamfishi, elo nemipashi iibi iyamulwelele.

Filipi 4:20

Lesa Bata wesu achinshikwe umuyayaya. Ameni.

1 Tesalonika 1:3

Pakuti tulamwibukisha kuli Lesa Bata ifyo mulanga ichichetekelo icho mwakwata mumilimo yenu. Tukoyibukisha ifyo ukutemwa kwenu kwalangile ukuti mulabomba, elo mulashipikisha ulo mulindila Bashikulu wesu Yesu Klistu.

1 Tesalonika 3:11

Nkolomba ukuti Lesa Shifwe na Bashikulu wesu Yesu bateyanye inshila pakuti tufike kuli mwe.

1 Tesalonika 3:13

Echo Bashikulu bakoseleshe ukuti mube abaololoka nababuta ukufikapo kuli Lesa Bata, inshita Bashikulu Yesu Klistu bakwisa pamo nabasalwa babo.

2 Tesalonika 2:16

Nomba Bashikulu Yesu Klistu abene benka na Lesa Bata abatutemenwe, abatutalalike nokutupela ukulolela mubwanshi bwabo,

1 Timoti 2:6

Ngu aliipele umwine ukuti apulushe abantu bonse. Nchi chali ichishibilo ichakuti inshita yalinga ilifikile.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Hebele 2:5

Lesa tabikilepo bangelo ukutungulula kwachalo ichikoyisa icho tukososapo.

Hebele 6:5

Balyumfwileko ubune bwamashiwi aku Lesa, nefiso fyanshita iyo ikoyisa.

Hebele 9:14

Nachine umulopa waku Yesu ulachita ifintu ukuchilapo. Mu Mupashi uwamuyayaya Ye aliipele ngechipupo ichabula akalema kuli Lesa. Umulopa wakwe ulawamya imitima yesu ukufuma kumilimo iyabwaka ukuti tupyungile Lesa Uwabumi.

Yemusi 4:4

Mwe bantu abatachetekelwapo! Napo tamwishibilepo ukwebati buchibusa nefintu ifyapanonshi kupatana na Lesa? Echo umuntu uufwaya ifyabuntunse kapondo kaku Lesa.

1 Petulo 2:24

Klistu umwine apitile ifibi fyesu mumubili wakwe pamutashi, ukwebati kububi tube abafwa, kuntu pakukonka mubike umutima onse mukuchita ifilungeme. Mwaposhiwe kufibenga fyaku Klistu.

1 Petulo 3:18

Kubati Klistu naye alifwilile kamo pamulandu wamabifyo abantu bonse. Umuntu uwalungama alifwilile fwebo abatalungamapo ukuti atulete kuli Lesa. Alipayilwe kumubili, nomba alibushilwe kumupashi.

1 Yohane 2:2

Ngu ebupe ubunakilila amabifyo esu, tebubi bwesupo bwenka iyowo, kuntu nobwabantu bonse.

1 Yohane 3:16

Mfi efyo twayishibila ukutemwa ifyo kwaba: Klistu apele ubumi bwakwe kuli fwebo. Nafwebo tufwile ukupa ubumi kuli bawesu.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Ukufisulula 5:9

Balikwimba nolwimbo ulwabwangu ati, “Niwebo uulingile ukupoka ibuku ndi, nokukambatula ifishibilo fyaliko. Pakuti niwebo bayipeye, mumfwa yenu mwashitile abantu, ukuti babe abantu baku Lesa abafuma kumishobo yonse, kundimi shonse, kumutundu wonse, elo nakuchalo chonse.

Ukufisulula 7:9

Panuma yaku mfi nabwene ibumba ilikulu ilyabantu ilitangapendwapo. Abantu mba bafumine kumitundu yonse iyabantu, kumishobo yonse, kufyalo fyonse, elo nakumilaka yonse. Bayimakene pantanshi yamupando wabufumu napa Mwana wambelele. Balikwete notunchindu mumaboko yabo.