Filipi 4:8 - Chipangano Chabwangu

⁸ Pakupwa mwe bawesu, langulukenipo fyonse ifiweme ifyo mungatondayisha: ifyachine, ifyamuchinshi, ifyalungama, ifyaololoka, ifiweme, elo nefyachindama.

Filipi 4:8 ပူးပေါင်းရင်းမြစ်များ

Mateyo 22:16

Bamutumine abakusambila babo, elo nebumba lyakwa Helodi ukuya kumufumba ati, “We musambishi, twalishiba ukuti uli wachine nakambi usambisha ifyachine. Elo tautinapo muntu nangu umo, pakuba tawakwatapo akapatulula kubantu.

Maliko 6:20

Pantu Helodi alikutina Yohane Mubatishi, ukuti muntu uwapatulika nakambi uwakaele. Echo alikumusungila bwino-bwino. Lonse ulo Helodi alikumumfwa, chalikumupesha amano, kuntu alikutemwisha ukumfwa ifyo Yohane Mubatishi alikusosa.

Luka 16:15

Elo Yesu asosele kuli bo ati, “Mwebo mukoyilinga abaweme kubantu bambi, kuntu Lesa alishiba imitima yenu. Ifyo umuntu alinga ukuba ifyachine, pachinso chaku Lesa fyabwaka.

Luka 2:25

Boneni mu Yelusalemu mwali umuntu uwali kwitwa Simyoni, umuntu uwaololoka uwalikumfwila Lesa. Alikulindilila ichakupulusha Isilaeli. Umupashi Wabuta wali pali ye.

Luka 23:50

Kwali umuntu uwalikwitwa Yosefe, uwamu chilye cha Bayuda. Ye ali muntu uuweme nakambi uulungeme.

Yohane 7:18

Umuntu uyisoselela bwaka ifyakwe, ekwebati ayifwayila bwaka umuchinshi umwine. Nomba uufwaya umuchinshi wawamutuma, ena ewachishinka, nakambi taba nobufipo mumutima wakwe.

Imilimo ya batumwa 10:22

Nabo bayasukile bati, “Umukulu wabashilikali uwitwa Koneliyasi, eututumine. Muntu uuweme nakambi uulomba kuli Lesa, na Bayuda bonse balimuchinshika ukwinekantu. Mungelo waku Lesa wamwebele ukukwita kunanda yakwe, pakuti akomfwe amashiwi kuli webo.”

Imilimo ya batumwa 22:12

“Mwalipo umwalalume uwitwa Ananiyasi. Ali muntu uwapetamina nokulama Amafunde aku Lesa. Abayuda bonse mu Damasikasi balikumuchinshika ukwinekantu.

Imilimo ya batumwa 6:3

Echo bawesu, musale abalalume basano na babili abayishibikwa ukuti bayiwula Umupashi Wabuta nomulangwe, ukuti bapyunge ngu mulimo.

Loma 13:13

Tulokwenda nga bantu abali mukasuba. Kwibapo bukabundulu nangu buchakolwa, ubulale-lale nangu bumbifi, ulubuli nangu umufimbila.

Loma 13:3

Intungulushi tashitinya kuli bo abachita ifiweme, kuntu kuli abachita ifibi. Napo ukofwaya ukwikala nomutende kuli uyo uuli nensambu? Ina, ulokuchita ifiweme. Elo shakukutondayisha

Loma 14:18

Uyo uukopyungila Klistu muli nji nshila, asekesha Lesa. Elo nabantu balamusuminisha ukuba umupyungi waku Ye.

Loma 2:29

Umuyuda umwinenene ningulya uwaba Muyuda mumutima wakwe. Elo ukushilimunwa kwinenene ninkulya ukwamumutima, ukuchitwa no Mupashi Wabuta te ku Mafunde aalembwa iyowo. Uutondayisha umuntu uwaba mfi ni Lesa, te muntupo iyowo.

1 Kolinto 4:5

Echo mwipingulapo umuntu nangu umo ulo Bashikulu batalafika. Bo ebakwisa kusanikila fyonse ifyamubumfisolo ifyamumfishi. Elo akufisulula ifyamufinsolo nokufisulula amapange aafisama ayamumitima yabo. Panuma chila muntu akupokelela ukutonda kuli Lesa ukulingana nemilimo yakwe.

2 Kolinto 13:7

Tukolomba Lesa ukuti mwichitapo ichibi nangu chimo. Tekwebati fwebo tuboneke nga abachimfya, kuntu ukuti mwebo muchite ifilingile, nangu fwebo nga abakangiwa.

2 Kolinto 6:8

Abantu balatuchinshika nokutusuula penka. Balasosa ifibipile pali fwebo nefiweme kumo. Balatulangulukila ukuba ababufi, nangu tuli abakwebesha.

2 Kolinto 8:18

Pamo na ye tukotuma wesu ngulya uwayishibikwa nefilonganino fyonse pamulandu wamulimo wakwe uwakushimika Ubutumi Bwawama.

2 Kolinto 8:21

Fwebo tukofwaya ukuchita ifiweme, tepamensopo aku Bashikulu bwaka, kuntu napamenso aabantu.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

Efeso 4:25

Echo lekeni ukubepa. Uuli onse asose ifyachine kumunakwe pakuti bonse tuli ifilewa ifyamubili waku Yesu.

Efeso 5:9

Pakuba apali ukusanika pasangwapo ubune, ubulungami nefyachine fyonse.

Efeso 6:14

Echo mwimakane ndi, mufwale ichine kubati mushipi mumusana wenu. Fwaleni ubulungami kubati ilaya lyachela pachifuba chenu.

Filipi 3:1

Pakulekelesha bawesu, nkomweba ati, sangalaleni muli Bashikulu. Tanshatendwepo ukumulembela ifintu ifyo nalembele kale. Pakuba kuli mwebo chilafwilisha.

Kolose 4:5

Muchenjela mufintu mukochita kubantu bakunse. Mubomfye bwino inshita shonse isho mukoshukila.

1 Tesalonika 4:12

Muli nji nshila, abashachetekela bakumupela umuchinshi, elo tamwakachebepo kumuntu umbi kufintu ifyo mukokabila.

1 Timoti 2:2

Lombeleniko imfumu nabonse abali mubutungulushi ukuti bende mumutende, mubuleme namukuchinshika.

1 Timoti 3:11

Abanakashi babo babe abamuchinshi, bebapo abalwambo iyowo. Elo babe abayichefya nokuchetekelwa muli fyonse.

1 Timoti 3:4

Abe uwayishiba ukusunga bwino abamunanda yakwe, ukusambisha abana bakwe ukuti balokumumfwila nokumuchinshika.

1 Timoti 4:12

Kwibapo umuntu nangu umo uwakukusuula pantu uli umulumbwana. Nomba ube ichakubwenako kuba Klistu bonse mukusosa kobe, mumyendele, mukutemwa, muchichetekelo namukubuta umutima.

1 Timoti 5:10

Elo alingile ukuba umuntu uwamichitile iiweme. Abe umwanakashi uwalikusunga bwino abana bakwe, uwakupokelela abalwendo bwino, uwalikupyungila abena Klistu mukuyichefya, walikwafwa abalikuchula, elo alikuyipela kukupyunga imilimo iiweme yonse.

1 Timoti 5:2

Abanakashi abakulu ulokubachita kubati nibanoko, elo abanansungu kubati nibankashi shobe nomutima wabuta.

Taitasi 1:8

Nomba abe uupokelela bwino abalwendo, uwatemwa ifiweme, uwayibaka, uuchita ifyalungama, uwabuta, nakambi uwatekanya.

Taitasi 2:14

Ngu alipele umwine ukuti atupulushe kububi bwesu bonse nokutulenga ukuba abantu bakwe abachinchila mumilimo iiweme yonse.

Taitasi 2:2

Eba abalalume abakulu ukuti babe abateka imitima, abakwilama abene, abamano mubuchetekelo, mukutemwa namukushipikisha.

Taitasi 2:7

Muli fyonse mfi, webo ube ichilangililo chamichitile iiweme. Elo mukusambisha kobe ube uwachine nomuchinshi.

Taitasi 3:14

Abantu besu balingile ukusambilila ukuchita imilimo iiweme ukuti bafwilishe apo balinjile ukwafwilisha. Tabalingilepo ukuba nobumi ubwabwaka.

Hebele 11:2

Nipamulandu wakuchetekela epo abantu bakale basekeshe Lesa.

Hebele 13:18

Mulokutulombelako nafwe. Pakuba tuli namalangulushi ayaweme ayakufwaya ukuchita ifyalungama.

Yemusi 1:27

Ukulomba ukwachine nokwafikapo pamenso aku Lesa Bata ninku ukwakuti umuntu asunge banshiwa nabamukamfwilwa pakuchula kwabo, elo nokuyisunga ukutina ukwebati ububi bwapanonshi bwimukoweshapo.

Yemusi 3:17

Nomba umulangwe uufuma kumulu waba uwalungama ukufikapo, elo wamutende, uwafuuka, tautalikishanya, uwayiwula nenkumbu, elo nemilimo iiweme. Taukwetepo akapatulula nangu ukutumpayika.

1 Petulo 1:22

Nomba pakuti awamishe imitima yenu pakumfwa ifyachine, nefyo mwatemwana nabachetekela banenu, temwanenipo ukufikapo.

1 Petulo 2:12

Muchenjele nefyo mwikala nabantu abatachetekela, ichakuti nangu basose ati imilimo yenu mibi, kuntu babone ukuti iiweme. Elo bakuchinshika Lesa pakasuba ako akwishilamo.

1 Petulo 4:8

Ichachilapo chakuti mulokutemwana ukufikapo pakuba ukutemwa kulafimba amabifyo ayenji.

2 Petulo 3:1

Mwe batemwekwa, kalata nji nkomulembela yachibili. Mumakalata onse abili nga nkofwaya ukumwibukisha ukuti mulokulanguluka ifyachine mfi fyonse.

1 Yohane 3:18

Mwe bana banji, ukutemwa kwesu takufwilepo ukuba bwaka pakanwa. Tufwile ukulanga ukutemwa kwesu munchito shesu.

1 Yohane 3:3

Umuntu onse uukwete ukulola nku ayiwamya umwine nga mfilya Klistu aba uuweme.

1 Yohane 4:1

Mwe batemwekwa banji, mwilokuchetekelapo umuntu onse uukososa ukuti ali no Mupashi Wabuta. Mumweshe umuntu ngu ukushininkisha nga mupashi akwete waku Lesa ichine. Pantu abasoseshi ababufi bali mpanga yonse.