Filipi 4:7 - Chipangano Chabwangu

⁷ Elo umutende uufuma kuli Lesa, uyo uuchilapo pamano onse ayamuntu, wakulama bwino imitima yenu namalangulushi enu muli Klistu Yesu.

Filipi 4:7 ပူးပေါင်းရင်းမြစ်များ

Luka 1:79

Akubasanikila bonse abayikala mumfinshi namuchintelelwe chamfwa, ukulangilila munshila yabwanalale.”

Luka 2:14

“Umuchinshi ube kuli Lesa mumulu mwine, epo nomutende panonshi mubantu abo atemwa!”

Yohane 14:27

“Nkomushila umutende. Nkomupela umutende wanji. Nebo nshikomupelapo ukubati nimulya ichalo chipelela. Mwilenga musakamikwe nokutina.

Yohane 16:33

Namweba amashiwi nga ukuti mube nomutende wakuchetekela muli ne. Muno chalo mukaba mukuchula. Nangu chibe mfi, sekeleleni pantu nachimfya ichalo.”

Loma 1:7

Epo nomba nkolembela mwebo bonse abali mu Loma, mwebo Lesa atemwa nokumwita ukuti mube abantu bakwe. Lesa Bata na Bashikulu wesu Yesu Klistu bamupele ubwanshi nomutende.

Loma 14:17

Pakuti ubufumu bwaku Lesa tekulyapo nokunwa bwaka, kuntu ukumusekesha, ukwikala umutende, elo nokusangalala. Mfi fyonse fifuma ku Mupashi Wabuta.

Loma 15:13

Echo Lesa uupela ukulindila kwabumi butapwa ewishe imitima yenu nokutemwa, umutende ukupitila mukuchetekela. Ifiso ifya Mupashi Wabuta fikulishe ukulindila nku.

Loma 5:1

Nomba pakuti Lesa atulungamika ukupitila muchichetekelo, tuli nomutende na Lesa muli Bashikulu Yesu Klistu.

Loma 8:6

Ukubika umutima pafintu fyapanonshi nimfwa, kuntu ukubika umutima kufyo Umupashi Wabuta ufwaya chilaleta ubumi nomutende.

2 Kolinto 10:5

Tulonaula ifitala fyonse ifilenga abantu ukuteshiba Lesa. Tulachimfya amalangulushi onse ukuti anakile Klistu.

2 Kolinto 13:11

Echo mwe bawesu, shalenipo umutende. Mweshe ukuba abafikapo, nakilileni kufyo nkomweba, mulokumfwana, elo mwikale mumutende. Elo na Lesa uwakutemwa nomutende akuba namwe.

Galatiya 5:22

Nomba ifitwalo fya Mupashi Wabuta nimfi: ukutemwa, ukusekelela, umutende, ukushipikisha, inkumbu, ukuwama umutima, kuchetekela,

Efeso 3:19

Nkolomba ukuti mwishibe ukutemwa nkulya ukwaku Klistu ukutangeshibikwa ukufikapo ukwebati mwiulemo nobumi ubwaku Lesa umwine ukufikapo.

Filipi 1:1

Nine Paulo na Timoti abapyungi baku Klistu Yesu. Twalembela bonse mwe bekala mumusumba wa Filipi, bo abali bantu baku Lesa muli Klistu Yesu. Tukolembela nakambi intungulushi nabapyungi abachilonganino.

Filipi 1:2

Ubwanshi nomutende ukufuma kuli Lesa Bata na Bashikulu Yesu Klistu fibe namwe.

Filipi 4:19

Lesa wanji ali nobuboni ubwinji. Elo muli Klistu Yesu akumupela fyonse ifyo mukabila.

Filipi 4:21

Muposhe umutende abapatulika bonse muli Klistu Yesu. Bawesu bonse abo ndinabo nkuno bakomuposha umutende.

Filipi 4:9

Mulokukonka ifyo mwasambilile nokupokelela ukufuma kuli nebo, pamo nefyo mwaumfwile kuli nebo nokubona nkochita.

Kolose 3:15

Umutende uwo Klistu apela ewo ulokuba kampingu wamitima yenu, pantu kuli ngu mutende wenka eko Lesa amwitila ukuba pamo mumubili umo. Elo mube nemitima iyakutotela Lesa.

2 Tesalonika 3:16

Lekeni Bashikulu abene bamutende bamupele umutende munshita namunshila shonse. Bashikulu wesu babe namwebo bonse.

Hebele 13:20

Lesa upela umutende, alibushishe Bashikulu Yesu kubafwa, Ye ali ni Chembela mukulu wambelele pamulandu wamfwa yakwe ili chishibilo ichachipangano ichitapwa.

Yuda 1:1

Nine Yuda umupyungi waku Yesu Klistu, nakambi nine wabo wakwa Yemusi. Nalemba kalata nji kuli mwebo mwe bayitwa nakambi abatemweka na Lesa Bata, mwebo Yesu Klistu asunga.

Ukufisulula 1:4

Nine Yohane nkolembela ifilonganino fisano na fibili ifyamuchalo cha Asiya. Ubwanshi nomutende ukufuma kuli Lesa, uyo uulipo, uwalipo nakambi uwakubako. Imipashi isano na ibili iyaikala pantanshi yachipuna chakwe ichamuchinshi, imushukishe nokumupela umutende.

Ukufisulula 2:17

“Uyo uuli namatwi, omfwe ifyo Mupashi Wabuta ukososa kufilonganino! “Onse uwakuchimfya, nakumupela mana aatabonekapo ukuti alye. Nakambi nakumupela ibwe ilitubile apalembwa ishina lyabwangu ilyayishibikwa bwaka kumwine uwakupokelela epela.