Filipi 4:6 - Chipangano Chabwangu

⁶ Mwilokusakamanapo pachintu nangu chimo iyowo, kuntu mukulomba kwenu konse, mupapate Lesa ukuti amupele ifyo mutakwetepo. Elo inshita shonse mulombe nemitima iyakutotela.

Filipi 4:6 ပူးပေါင်းရင်းမြစ်များ

Mateyo 10:19

Nomba ulo balikumwikata, mwilokusakamanapo mwati, ‘Findo tukoya kusosa?’ Nangula mwati, ‘Tukoya kulondolola shani?’ Pantu Lesa akumweba ifyakusosa panshita yenka njilya.

Mateyo 13:22

Bambi nabo baba kubati nimbuto ishawile muminga. Mba ebomfwa amashiwi aku Lesa, kuntu pamulandu wakufwayilisha ifintu fyamuchalo nobuchindami, elo mfi fintu filafininkisha amashiwi, epo tabatwalapo ifitwalo.

Mateyo 6:34

Kanshi mwilokusakamanapo pafyakasuba kamayilo. Ifyamayilo fyamayilo. Akasuba kamo kali nobuchushi ubwakako.

Mateyo 6:8

Mwipalanapo nabo pakuti Bawishinwe bakumulu balishiba ifyo mukochulila ulo mutalabalomba.

Luka 10:41

Bashikulu bamwasukile ati, “Webo Malita wasakamikwa nokufito umutima pafintu ifinji,

Luka 12:22

Nakambi Yesu asosele kubakusambila bakwe ati, “Mulokusakamanapo pabumi bwenu mwati, ‘Nindo tukolyapo,’ nangula pamubili wenu mwati, ‘Nindo tukofwalapo?’

Luka 12:29

“Kanshi mwilokusakamanapo inshita shonse, ifyo mwakulya nakambi nefyo mwakunwa. (

Luka 18:1

Yesu aebele nakambi abakusambila bakwe ichelusho ichakuti bakowamina ukulomba inshita shonse ukwambula ukunaka.

Luka 18:7

Nga Lesa angabapela shani umulandu abapatulika bakwe, abalilila kuli Ye akasuba nobushiku ukuti abafwe? Kanshi kuti akana shani ukubafwa?

1 Kolinto 7:21

Napo wali umusha ulo Lesa akwitile? Wilokusakamanapo. Nomba nga wasanga ubuntungwa, bupokelele.

1 Kolinto 7:32

Nkomweba ukuti mwilokusakamikwapo. Umwalalume uutaupa asakamana ifyaku Bashikulu, umo engabasekesha.

2 Kolinto 1:11

Mulokutwafwilishako mumapepo enu. Echo abantu abenji bakutondayisha Lesa muchifulo chesu pafyo Ye atuchitile mubwanshi bwakwe.

Efeso 5:20

Mutotole Lesa Bata inshita shonse pamulandu wafintu fyonse mwishina lyaku Bashikulu Yesu Klistu.

Efeso 6:18

Inshita shonse lombeni mukutungululwa no Mupashi Wabuta ukuti Lesa amwafwilishe. Mulombe nokulomba ukupusene-pusene. Mube abayiluka mukulombela abantu baku Lesa, mwilekapo iyowo.

Kolose 3:15

Umutende uwo Klistu apela ewo ulokuba kampingu wamitima yenu, pantu kuli ngu mutende wenka eko Lesa amwitila ukuba pamo mumubili umo. Elo mube nemitima iyakutotela Lesa.

Kolose 3:17

Nafyonse ifyo musosa nokuchita, filokuchitilwa mwishina lyaku Bashikulu Yesu, emo mulokutotelamo Lesa Wishi.

Kolose 4:2

Koseleleni mukulomba, nakambi mube abayiluka mukulomba namukutotela Lesa.

1 Timoti 2:1

Ichakutatikilapo icho nkomupapata chakuti, abantu bonse balokulomba. Mupapate, mulombeleko abantu bonse nokutotela Lesa.

1 Timoti 5:5

Nomba umwanakashi chokolo umwinenene, uutakwetepo nangu umo uwakumwafwako, nga abika ichichetekelo chakwe muli Lesa epela. Elo alalomba ukwambula ukuleka ubushiku nakasuba ukuti Lesa amwafwe.

1 Petulo 4:7

Nomba kumupwilo wafintu fyonse kwapalama. Echo mube abachenjela nokwikanya pakuti mulokulomba bwino.

1 Petulo 5:7

Tuleni fyonse ifimusakamika kuli Ye pakuba ekasunga wenu.