20 Lesa Bata wesu achinshikwe umuyayaya. Ameni.
Mukabasambishe ukulama fyonse ifyo namukonkobeshe. Nandibo nalikuba namwe inshita shonse ukufikila nakumupwilo wachalo.”
Echo mwebo mulokulomba ati, ‘Banshifwe bakumulu, ishina lyenu lichinshikwe.
Pakuti ifintu fyonse ni Lesa uwafilengele nakambi eufisunga fyonse. Echo fyonse epofili pamulandu wakwe. Tutondayishe Lesa inshiku shonse. Ameni!
Kuli Lesa uyo uwamulangwe enka, kube umuchinshi muli Yesu Klistu umuyayaya. Ameni.
Ichilonganino chimupele ubuleme muli Klistu Yesu, munkulo shonse umuyayaya. Ameni.
Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.
Ubwanshi bwaku Bashikulu Yesu Klistu bube namwebo bonse.
Ku Mfumu iyamuyayaya, itafwapo neyibonekapo, Lesa umo enka, kuli Ye kube ubuleme ubwanshiku shonse. Ameni.
Lesa uwaba umo bwaka, uutulubwila muli Yesu Klistu Imfumu yesu, eye akwate ubuleme, umuchinshi, ifiso nensambu, ukufuma bwaka kukale nomuyayaya. Ameni.
Ye atupangile ukuba bashamfumu ukuti tupyungile Lesa Wishi kubati bachipupila. Kube umuchinshi nefiso kuli Yesu Klistu inshita shonse. Ameni.
Inshita yenka njilya, kwayishile ichikukumo ichikulu. Elo ichiputulwa chimo ichalenga ikumi ichamushi chaliwile. Abantu abafwile muchikukumo nchi bali amakana asano na abili. Bo abashele bayiketwe nomwenso ukwinekantu. Elo balichinshikile Lesa wakumulu.
Umungelo ngu alibilikishe neshiwi ilikulu ati, “Chinshikeni Lesa nokumutondayisha pakuti inshita iyakupingula abantu ilifikile! Mumulombe uwalengele umulu, ichalo, bemba notumfuku-mfuku twamenshi.”
nalibomfwile bakoyimba nokubilikisha amashiwi ati, “Umwana wambelele uyo bayipeye, ewulingile ukupokelela ifiso, ububoni, umulangwe, amaka umuchinshi, ubuleme nokutondayisha.”
ati, “Ameni! Tutondayishe Lesa wesu nokumupela ubuleme, umulangwe, ukutotela, umuchinshi, ifiso namaka umuyayaya. Ameni!”
