Filipi 4:17 - Chipangano Chabwangu

¹⁷ Tekwebati nkofwaya ichabupe kuli mwe, kuntu nkofwaya ukuti mushukishiwe pakupela kwenu.

Filipi 4:17 ပူးပေါင်းရင်းမြစ်များ

Yohane 15:16

Mwebo tamwansalilepo iyowo, kuntu ninebo uwamusalile. Nalimusalile ukuti mutwale ifitwalo, ifitwalo ifikalilila. Elo chonse icho mwakulomba kuli Bata mwishina lyanji mwakupelwa.

Yohane 15:8

Bata bakochinshikwa muli nchi ichakuti mutwale ifitwalo ifinji, elo mukoyisa kuba abakusambila banji.

Loma 15:28

Ulo nakushila ukupyunga umulimo ngu nokubapela ifyabupe mfi, nakupitila nkulya pakuya ku Sipeyini.

2 Kolinto 11:16

Nkofwaya ukubwekeshapo ukwebati umuntu umbi uuli onse enangulukilapo nga uupuneme. Nomba nga mwe mukonanguluka ukuba uupuneme, chiweme mpokeleleni nga uupuneme ukwebati njitutumwinepo.

2 Kolinto 9:5

Echo nalilangulukile ukwipusha bawesu mba ukuti bese kuli mwe ulo nshilayisa. Elo nokuti bapekanye kabela ichabupe icho mwalayile. Ulo nkesa chakuba ichapekanishiwa kale, ichabupe ichinenene, ichitapelwepo mukukakatisha.

Filipi 1:11

Elo ubumi bwenu bubwenesha imilimo iiweme iifuma kuli Yesu Klistu, ukuti abantu bonse bachinshike nokutondayisha Lesa.

Filipi 4:11

Nshikososapo mfi kubati nkochulilapo akantu iyowo, pakuba nalisambilila ukwebati icho nkwete eecho.

1 Tesalonika 2:5

Ukubati nimfiya mwayishiba, tatwayishile kuli mwe namashiwi akumunasha nangu ayakwichingilila kubunkalwe bwesu iyowo. Lesa ekamboni wesu.

1 Timoti 3:3

Talingilepo ukuba chakolwa nangula uwalubuli, kuntu uwafuuka umutima, uwamutende, uutatemwapo indalama.

1 Timoti 6:10

Pakuti ukutemwa indalama entulo yabubi bonse. Pamulandu wakutemwesha indalama abantu bambi bafumamo munshila iyachichetekelo, elo ifyakufinya ifinji fyabepaya.

Taitasi 1:7

Uutungulula ichilonganino, talingilepo ukutwishikwa. Talingilepo ukuba nakalema pantu eukobona umulimo onse waku Lesa. Talingilepo ukuba nechipyu nangula chakolwa nangu uwachitala nakambi uwatemwa indalama.

Taitasi 3:14

Abantu besu balingile ukusambilila ukuchita imilimo iiweme ukuti bafwilishe apo balinjile ukwafwilisha. Tabalingilepo ukuba nobumi ubwabwaka.

Hebele 6:10

Lesa mulungami. Tekuti alabukilepo imilimo iyo mwapyungile nechitemweko icho mwabwenesha mukwafwilisha nkulya mwachitile nanku mukochita kubena Klistu banenu.

1 Petulo 5:2

Beni bachembela bambelele shaku Lesa isho amupela. Tekumupatikishapo iyowo, kuntu mukutemwa kwenu, ngomo Lesa afwayila. Mwilokupyunga ngu mulimo pamulandu wakunonkelamo ububoni, kuntu nomutima uufwayilisha ukupyunga.

2 Petulo 2:15

Balisha inshila iinenene, baluba pakukonka inshila yakwa Balaamu mwana Beoli, uwatemenwe ukunonka mukuchita ifibi.

2 Petulo 2:3

Mukufwaya ukunonka ububoni, bakunonkelapo pakumweba amashiwi ayabufi. Nomba umulandu wabo balipingwilwe kale, nokonaulwa kwabo kukobalindilila.

Yuda 1:11

Mba bantu bamalosa! Bakoenda munshila yakwa Kaini. Elo bayiposa mukuluba pamulandu wandalama shakufusha, nga mfilya fyachitile Balaamu. Bali nokonaulwa pamulandu wakwalukila Lesa fyenka kubati nimfilya achitile Kola.