Filipi 4:12 - Chipangano Chabwangu

¹² Nalishiba ukuba uwachula, nokuba nefintu ifinji. Muli fyonse nalisambilila ichabumfisolo nchi ichakuba uwayikuta nangu uwansala, ukuba nefinji nangu utunini.

Filipi 4:12 ပူးပေါင်းရင်းမြစ်များ

Mateyo 11:29

Pinteni ikoli lyanji, elo musambilile kuli nebo, pantu ndiwayichefya nokufuka umutima, elo mwakusanga ukutusha mumitima yenu.

Mateyo 13:52

Naye elo abasoseshe ati, “Umusambishi uuli onse uwamafunde alisambilila amashiwi aabufumu bwakumulu, aba kubati umwine wananda uufumya muchipawo chakwe ifyabwangu nefyakale.”

2 Kolinto 10:1

Nebo ne Paulo, uwo baeba ati alifuuka ulo ali nafwebo, nomba alishika ulo ali ukutali, nkomupapata mwishina lyaku Klistu uwafuuka nakambi uwabwanshi,

2 Kolinto 10:10

Bambi bakoti, “Makalata akwa Paulo abukali nakambi afiso. Nomba umwine nga ali pakati kesu, aba uwanaka, namashiwi akwe takwetepo akantu.”

2 Kolinto 11:27

Nalibombele umulimo uunasha. Elo ilinji nshabwenepo utulo. Nalyumfwile insala nachilaka. Ilinji nshakwetepo ifyakulya, nalikumfwa impepo elo nokutakwatapo ifyakufwala.

2 Kolinto 11:7

Nalichefeshe nenka ukwebati mwebo mukule. Nalibilishe Ubutumi Bwawama ubwaku Lesa ukwambula ukumulipilisha. Napo kuchita mfi nalibifishe?

2 Kolinto 11:9

Elo ulo nali kuli mwe, panshita ulo nshakwetepo akantu, nshachushishepo umuntu nangu umo. Pakuba bawesu bambi abafuma ku Masedoniya balimpele fyonse ifyo nshakwete. Pali fyonse nalisungile ukuti nimba kubati katundu uwakumulemena. Elo nakutwalililapo ukuchita mfi.