Filipi 4:1 - Chipangano Chabwangu

¹ Echo mwe bawesu, nalimutemwesha, elo ndamufuluka. Mulansangalasha nakambi nimwe ingala yanji iyo mbekelamo. Mwe batemwekwa, imakaneni ndi muli Bashikulu.

Filipi 4:1 ပူးပေါင်းရင်းမြစ်များ

Mateyo 10:22

Abantu bonse bakumupata pamulandu waku nebo. Nomba uwakushipikisha ukufika nakumupwilo ewakupuluka.

Yohane 8:31

Elo Yesu asosele ku Bayuda abamuchetekele ati, “Kati mwakusunga ukusambisha kwanji, nachine mwakuba abakusambila banji.

Imilimo ya batumwa 11:23

Ulo afikile nokubona ifyo Lesa ashukishe abantu mba, iyowo mwandi alisansamwike nokubakoselesha ukuti bekatishe nokwikalilila muli Bashikulu nemitima yabo yonse.

Imilimo ya batumwa 14:22

Balikukoselesha abachetekela ukuti bekalilile muchichetekelo. Balikubasambisha ati, “Tufwile ukupita mumachushi ayenji ukuti twinjile mubufumu bwaku Lesa.”

Imilimo ya batumwa 2:42

Abachetekela mba balikukumana inshita shonse ukuti bomfwe ifyo abatumwa balikusambisha. Balikwikala mubwana-nkashi, balikulya nokulombela pamo.

Loma 2:7

Abantu bonse abachinchila mukuchita ifiweme nokufwaya ubuleme, umuchinshi nobumi, Lesa akubapa ubumi butashila.

1 Kolinto 15:58

Nomba mwe bawesu abatemweka, koseni ndi. Mwilekapo chimo chimuteshe. Mube abachinchila inshita yonse mumulimo waku Bashikulu. Pakuba mwalishiba ukuti mukupyungila Bashikulu tamulipo mwabwaka.

1 Kolinto 16:13

Mulokuba abayibukila, abakosa muchichetekelo. Koseni elo mube abafiso.

2 Kolinto 1:14

nga mfilya mwatatika ukutwishiba panini, mwakutwishiba ukufikapo ukuti mungamekelapo pali fwe kubati nimfilya tukamekelapo pali mwe mukasuba kaku Bashikulu Yesu.

Galatiya 5:1

Klistu alitukakula ukwebati tube abakakuka ukufikapo. Echo imakaneni ndii ukwambula ukusuminisha ukukakwa nakambi kwijoko lyabusha.

Filipi 1:27

Ichikulu chakwebati imyendele yenu ibe umo Ubutumi Bwawama busosa ifyaku Klistu. Nangu nayisa ukumubona nangu njikale ukutali, nkofwaya ukumfwa ati mulomfwana nokwafwilishanya mukulwa inkondo pamulandu wa Butumi Bwawama.

Filipi 1:8

Lesa ekamboni wanji ukwebati ndamufuluka nomutima wanji onse, pakuba nalimutemwa kubati kutemwa kwaku Klistu Yesu umwine.

Filipi 2:16

ulo mubeba amashiwi aapela ubumi. Munshila nji, nebo nakukwata apakuyitutumwinapo pakasuba ulo Klistu akubwela. Penkapo pakwishibika ukuti nshibutukile bwaka pakuchimfyanya ukwalubilo, nangu ukubombela lutu.

Filipi 2:26

Akomufuluka ukwinekantu, nakambi akochula mumutima pakuti mwalyumfwile ukwebati aali kulwala.

Kolose 4:12

Epafulasi, wamwibumba lyenu, amupela umutende, nakambi mupyungi waku Yesu Klistu. Lonse alamulombelako nomutima wakwe onse ukuti Lesa alokumwafwa ukuba abena Klistu abafikapo, nakambi abachetekela ubufwayo bwaku Lesa bonse.

1 Tesalonika 3:13

Echo Bashikulu bakoseleshe ukuti mube abaololoka nababuta ukufikapo kuli Lesa Bata, inshita Bashikulu Yesu Klistu bakwisa pamo nabasalwa babo.

2 Tesalonika 2:15

Echo bawesu, mwimakane ndi nokwikatisha ifyo twamusambishe ulo twamushimikile nangula ifyo twalembele.

2 Timoti 2:1

Nomba webo mwana wanji, shipa mubwanshi ubo twakwata muli Klistu Yesu.

Hebele 10:23

Tushipe muchichetekelo ichakulindilila icho tukwete pakuti uyo uwatulayile wachishinka.

Hebele 3:14

Echo fwebo bonse tupyungila pamo na Klistu nga twatwalilila muchichetekelo twakwete pakwamba ukufikila nakumupwilo wabumi bwesu.

Hebele 4:14

Nomba katwikatishe ichichetekelo icho twasumina. Pakuti tuli nakwe Chipupila Mukulu uwachilapo, Ye uwayinjile kumulu kwine kuli Lesa. Ngu ni Yesu Umwana waku Lesa.

2 Petulo 3:17

Nomba mwebo mwe batemwekwa, pakuti mwalifishiba akale mfi, muchenjele ukuti bemulufya kububi bwambifi mfi. Shakumuseshapo apaweme apo mwimakene.