Filipi 3:9 - Chipangano Chabwangu

⁹ nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

Filipi 3:9 ပူးပေါင်းရင်းမြစ်များ

Mateyo 9:13

Kamuya mukasambilile ifyo asosa Amalembo aku Lesa ati, ‘Nkofwaya ichisa, te chipupopo chanama iyowo.’ Tanshayisapo mukwita abaololoka imitima, sembi imbifi.”

Loma 1:17

Pakuti Ubutumi mbu ebufisulula emo Lesa alungamikila abantu bonse. Inshila achitilamo mfi, ukutatika pakwamba ukufika nakumpelo, yachichetekelo. Kubati nimfilya Amalembo asosa ati, “Umuntu alungamikwa pamulandu wakuchetekela, elo alaba nobumi.”

Loma 10:10

Pakuti nikuchichetekelo eko tulungamikilwamo na Lesa. Elo nimukuyisosela eko tupulushiwa.

Loma 16:7

Muposhe umutende nakambi kuli Andilonikasi na Yuniyasi, Abayuda bananji abo twali nabo muchifungo. Mba balishibikilwe ukwinekantu kubatumwa. Ulo nshilachetekela mba bali kale abena Klistu.

Loma 5:21

Kubati nimfilya ububi bwaletele imfwa pano chalo, munshila imo yenka ubwanshi bwachimfishe ukupitila mubulungami, nokuleta ubumi butapwa kubantu bonse ukupitila muli Bashikulu Yesu Klistu.

Loma 8:1

Nomba kuli bo abachetekela muli Klistu Yesu takupo umulandu.

Loma 8:3

Ifyo ifunde lyafililwe ukuchita, pamulandu wakunaka ukwabuntunse, Lesa alichitile nchi ulo atumine Umwana wakwe, uwali nomubili kubati ningu wabuntunse ukwebati achimfye ububi.

1 Kolinto 1:30

Lesa ewamuwikishenye na Klistu, elo amulengele ukuba umulangwe wesu. Pamulandu waku Yesu, Lesa atulinga abalungama pamenso akwe. Tuli bantu baku Lesa ababuta, elo ababwanalale.

2 Kolinto 5:17

Nga umuntu ali muli Klistu, alengwa wabwangu. Ifyakale fyapita, ifyabwangu nomba efishile.

2 Kolinto 5:21

Klistu takwetepo ububi. Nomba Lesa apinte ifibi fyesu ukwebati atulungamike muli Ye.

Galatiya 2:16

Twalishiba ukuti umuntu talungamikwa ukupitila mukulama Amafunde, sembi mukuchetekela muli Yesu Klistu. Nafwebo twachetekele Yesu Klistu ukuti tube abalungamikwa kuli Lesa, temukulamapo Amafunde iyowo. Pakuti Lesa tasosa ukuti umuntu uulama Amafunde ewo alungamika iyowo, pantu tapapo uulungamikwa pamulandu wakulama Amafunde.

Filipi 3:6

Nali uwachinchila ichakwebati nachushishe ichilonganino. Nachitile fyonse ifyo Amafunde alikufwaya ukwebati nsekeshe Lesa.

2 Timoti 1:9

Ye alitupulusha nokutwita ukuti tube ababuta, tepamulandu wakuti twapyungilepo imilimo iiweme iyowo, kuntu twalitilwe ukulingana nobufwayo bwakwe. Elo alitwita muli Klistu Yesu uwatukwatile ubwanshi inshita tayilafika.

Taitasi 3:5

alitulubwile. Tepamulandu iyamilimo iiweme iyo twachitile iyowo, kuntu nimunkumbu shakwe. Alitulubula pakutusamba ukutupela ukufyalwa kwabwangu nobumi bwabwangu ukupitila mu Mupashi Wabuta.

Hebele 6:18

Elo pali ifintu fibili ifitangapilibukapo: ichilapo nakambi ifyo Lesa tekuti abepepo iyowo. Echo Lesa afwayile ukuti akoseleshe fwebo, fwe babutukile kuli Ye ukuti tushipikishe ukulolela uko atupele.

Yemusi 3:2

Pakuti bonse tulabifya mufintu ifinji. Nga umuntu tabifyapo mukusosa kwakwe, ekwebati ali uwalungama ukufikapo. Elo kuti asunga umubili wakwe onse.

2 Petulo 1:1

Nine Simoni Petulo, umupyungi nomutumwa waku Yesu Klistu. Nkolembela kuli bo abapokelele ichichetekelo icho nafwebo twapokelele ukupitila mubulungami bwaku Lesa no Mupulushi wesu Yesu Klistu.

1 Yohane 3:4

Umuntu uuli onse uuchita ichibi alatoba ifunde lyaku Lesa, pantu ukubifya kutoba ifunde.