Filipi 3:6 - Chipangano Chabwangu

⁶ Nali uwachinchila ichakwebati nachushishe ichilonganino. Nachitile fyonse ifyo Amafunde alikufwaya ukwebati nsekeshe Lesa.

Filipi 3:6 ပူးပေါင်းရင်းမြစ်များ

Mateyo 23:25

“Ishamo kuli mwebo mwe basambishi ba Mafunde na Bafalisi, mwe bakutumpayika! Musamfya inkombo nembale kunse, kuntu mukati mwayiulamo ifyo mwapokolola kubunkalwe nakuli bukayitemwe.

Mateyo 5:20

Echo nkomweba ati, ukuchetekela kwenu kati takuchililepo ukwabasambishi ba Mafunde akwa Mosesi nokwa Bafalisi, tamwakenjilemo mubufumu bwakumulu.

Luka 1:6

Bonse mba babili bali abantu abaweme nakambi abasekesha Lesa. Balikumfwila amafunde onse nokukonka ukufwaya kwaku Bashikulu.

Imilimo ya batumwa 21:20

Ulo baumfwile mfi bonse balitotela Lesa. Elo baebele Paulo ati, “Wabona ifyo chili we mukwasu, ifyo Abayuda bali imyanda nemyanda bachetekele Yesu. Mba baliipele ukufikapo ukulama Amafunde aku Lesa.

Imilimo ya batumwa 22:5

Chipupila mukulu nechilye chaku bachilolo bonse nibakamboni banji. Ebalikumpelako namakalata ayakukonka mba bantu abali ku Damasikasi. Nayileko mukubakaka aba Nshila nji nokubaleta ku Yelusalemu ukuti babapele umulandu.

Imilimo ya batumwa 26:5

Kati bachishinka, kuti basumina ukuti ukufuma nakale nalikwenda mwibumba lya Bafalisi, abalama amafunde esu ukuchila bonse.

Imilimo ya batumwa 8:3

Nomba Saulo alikoselepo ukonaula ichilonganino chabena Klistu chonse. Elo alikwinjila namumananda abo, nokwikata abalalume nabanakashi, nokubaposa muchifungo.

Loma 7:9

Akale nebo nali uwabumi ubwabwaka. Nomba ulo ifunde lyayishile, elo ububi bwatilimukile.

1 Kolinto 10:32

Ubumi bwenu bwilenga Abayuda, abenafyalo nangula ichilonganino chaku Lesa ukubifya.

1 Kolinto 15:9

Pakuba ndi umunono pabatumwa bonse. Tanshilingilepo nokwitwa umutumwa pakuti nalikuchusha ichilonganino chaku Lesa.

Filipi 2:15

ukuti mube ababula umulandu, abana baku Lesa abatakwetepo akalema pakati kabantu abapetama nakambi ababi. Pakati kabantu abali mfi mulasanika kubati nimfilya intandala shiboneka panonshi

Filipi 3:9

nokusangwa muli Ye. Nshikoyilangulukapo ukuti ndimulungami pakulama Amafunde iyowo, kuntu ukulungamikwa kwanji kufuma mukuchetekela Klistu, nku kufuma kuli Lesa ukwayimakana pachichetekelo.

1 Timoti 1:13

Nangu chingaba ati nalikumusalula, kumuchusha, elo nokumutuka. Nomba Lesa alimbele inkumbu, pantu nshayishibilepo ifyo nalikuchita pakuti nshakwete ichichetekelo.