Filipi 3:20 - Chipangano Chabwangu

²⁰ Nomba fwebo kwesu nikumulu. Elo Umupulushi uyo tukolindila akufuma kwenka nkulya. Umupulushi ngu ni Bashikulu wesu Yesu Klistu.

Filipi 3:20 ပူးပေါင်းရင်းမြစ်များ

Mateyo 19:21

Yesu amwasukile ati, “Kati ukofwaya ukuba uwapwililika, koya ukashitishe ifintu fyonse ifyo wakwata. Indalama wakusangamo, ushipele kubachula, elo wakwisa kuba nobuboni kumulu. Elo wise unkonke.”

Luka 12:21

Epo Yesu ashilishe nchi chelusho ati, “Efyo chaba kubantu abayilonganishisha ububoni, kuntu tebasambashi kuli Lesa.”

Luka 14:14

Elo webo wakupelwa ishuko, pakuti tabakwetepo ifyakukubwesesha. Lesa akwisa kukulambula ulo abalungama bakwisa kubuka kubafwa.”

Imilimo ya batumwa 1:11

Abalalume mba basosele ati, “Mwebo mwe bena Galili, Nindo mwimakanine mpano nokulolesha kumulu? Ngu Yesu uwapintwa kumulu ukufuma apo muli, akubwela nakambi kubati fintu mwamubona akoya kumulu.”

1 Kolinto 1:7

Echo tapapo ubupe ubo tamukwetepo ulo mukolindila ukuboneka nakambi kwaku Bashikulu Yesu Klistu.

1 Kolinto 15:48

Abantu bonse abapanonshi balilingana na Adamu ngulya uwabumbilwe kwiloba. Nomba bonse abakumulu, balilingana na Klistu uwakumulu.

2 Kolinto 4:18

Imitima yesu tayilipo pafintu ifiboneka, sembi pafitaboneka. Pakuba ifiboneka tafikalililapo, nomba ifitaboneka efyamuyayaya.

2 Kolinto 5:8

Ina, tukoshipikisha, nomba icho tufwayisha chakuti tufume mumubili nguno nokuba nowaku Bashikulu.

Galatiya 4:26

Nomba Yelusalemu wakumulu wabwanalale, emayo wakufwebo.

Efeso 2:19

Echo mwe benafyalo tamulipo abalwendo abakolebela bwaka, kuntu muli bakaya pamo nabantu baku Lesa. Elo muli balupwa lwaku Lesa.

Efeso 2:6

Pakusangwa muli Klistu Yesu, Lesa alitubushishe kubafwa pamo nakwe. Elo alitupele ichifulo chamuchinshi kumulu pamo nakwe.

Filipi 1:10

Elo mwakwishiba ukusala ifiweme ukufikapo. Nomba pakasuba Klistu akubwelelamo akumusanga bwaka abakaele, abatakwetepo umulandu nangu pamo.

Filipi 1:27

Ichikulu chakwebati imyendele yenu ibe umo Ubutumi Bwawama busosa ifyaku Klistu. Nangu nayisa ukumubona nangu njikale ukutali, nkofwaya ukumfwa ati mulomfwana nokwafwilishanya mukulwa inkondo pamulandu wa Butumi Bwawama.

Kolose 1:5

Echo icho mukolindilila, Lesa alimubikila bwino-bwino mumulu. Mfi mwalifyumfwa ulo amashiwi achine aya Butumi Bwawama ayishile kuli mwebo pakwamba.

1 Tesalonika 1:10

Elo mukopembela ukubwela kwa Mwana wakwe ukufuma kumulu, uwo abushishe kubafwa. Ngu ni Yesu uutupulusha kubukali bwaku Lesa ubukoyisa.

1 Tesalonika 4:16

Kwakuba ukubilisha neshiwi lyamungeli umukulu, nechiwunda chepenga lyaku Lesa, na Bashikulu abene bakwisa ukufuma kumulu. Mbalya abafwile nechichetekelo muli Klistu ebakubuka pakubala.

2 Timoti 4:8

Ichisheleko nomba kupokelela ingala ilanga ukulungama uko Bashikulu, kapingula uwalungama, bakumpela pakasuba nkalya. Elo ichabupe nchi tabakapeleko nebo nenka iyowo, kuntu nambalya bonse abakolindilila ukwisa kwakwe.

Taitasi 2:13

Pakuti tukololela ubushiku ubwashukishiwa, ulo twakubona umuchinshi waku Lesa umukulu, no Mupulushi wesu Yesu Klistu.

Hebele 12:22

Nomba mwebo mwafika ku Lupili lwa Sioni, kumushi waku Lesa uwabumi, e Yelusalemu wakumulu, ukwaba chinkupiti wabangelo.

Hebele 9:28

Mwenkamo Klistu aliipele nge chipupo limo ukwebati apinte nokufuta amabifyo abantu abenji. Akuboneka nakambi inshita yalenga chibili. Temukufutapo amabifyo iyowo, kuntu nimukupulusha bo abakomulindila.

Ukufisulula 1:7

Boneni akoyisa pamakumbi! Echo bonse bakumubona pamo nabo abamulashile. Imikowa yonse yamuno chalo yakulila pamulandu wakwe. Nachine nifyenka mfi. Ameni.