Filipi 3:2 - Chipangano Chabwangu

² Chenjeleni nabo ababusali kubati nimbwa, abachita ifibi, abo abashilimuna umubili bwaka.

Filipi 3:2 ပူးပေါင်းရင်းမြစ်များ

Mateyo 24:10

Munshita nji abantu abenji bakusula ubuchetekelo bwabo. Bakwisa kwebushanya nokupatana.

Mateyo 7:15

“Chenjeleni nabasoseshi ababufi. Mba besa kuli mwe bakoboneka kubati nimbelele, kuntu mukati mimbulu iikali.

Mateyo 7:6

“Mwipelako ichili ichapatulikwa kumbwa, epali shamwalukila nokumusuma. Nakambi mulokuposelapo inkumba impande shenu ishamutengo, epali shanyantaulapo.

Loma 2:28

Umuyuda umwinenene te ngulyapo uuyilanga bwaka kubantu. Elo ukushilimunwa kwinenene te nkulyapo ukuchitika kumibili bwaka iyowo.

2 Kolinto 11:13

Abantu mba tebatumwapo abachine, kuntu abapyungi ababufi, abayibepesha nokuboneka kubati batumwa baku Klistu.

Galatiya 5:13

Mwe bawesu, Lesa alimwita ukuti mukwate ubwanalale. Nomba muchenjele ukuti ubwanalele bwenu mbu, bwimutwalapo kulunkumbwa ulubi ulwakuchita ifyabuntunse bwenu. Echo mupyungilane mukutemwa.

Galatiya 5:15

Nomba nga mukochushanya kubati ninama ishamumpanga, muchenjele ukwebati mwikayonaula mwenka.

Galatiya 5:6

Pakuti ulo tuli muli Klistu Yesu, ukushilimunwa nangu ukutashilimunwa takukwetepo akantu, kuntu ichikulu chakuti umuntu akwate ichichetekelo ichibomba ukupitila mukutemwa.

Filipi 3:19

Kumupwilo bakonaulwa, pakuti lesa wabo fintu ifiwamya umubili. Bakoyitutumwina pafyo balingile ukuba nensoni. Amalangulushi abo aba pafintu ifyapanonshi epela.

Filipi 3:3

Pakuba nifwebo abashilimunwa ukufikapo. Fwe abalomba Lesa pakutungululwa no Mupashi Wabuta. Tulayitutumuna pamulandu waku Klistu Yesu, temukuchetekelapo ifyabuntunse iyowo.

1 Timoti 1:19

Wikatishe ichichetekelo chobe, ube nomutima wambula akalema. Abantu bambi tabomfwila kampingu wabo, elo baonaula ichichetekelo chabo.

Taitasi 1:16

Balasosa ati balimwishiba Lesa, kuntu ifyo bachita filabakanina. Bantu balupato abatalama amafunde, abatangachitapo imilimo iiweme.

2 Petulo 2:22

Ulo bachita mfi, bafikilisha insoselo imo iyakuti, “Imbwa ibwelela kumalushi ayiko.” Nayimbi ilya iisosa ati, “Inkumba iisambile ilabwelela nakambi mukwalangana mumatipa.”

Yuda 1:4

Pantu abantu bambi abatomfwilapo Lesa balinjile mubumfinshi mukati kenu. Mba bakofwaya ukonaula ubwanshi bwaku Lesa wesu ubo twakwata mukuchita ifintu ifyabipisha. Bakokana Yesu Klistu, Imfumu na Kalonga wesu enka. Nakukale Amalembo aku Lesa alisosele ukuti bakupaminwapo.

Ukufisulula 2:9

Ye akoti, Nalishiba ifikuchusha nobupina bobe, nangu ichine-chine uli mukankala. Nalishiba nakambi ifyo bakufyenga bo abasosa ukuti Bayuda, kuntu bachilonganino chakwa Satana.

Ukufisulula 21:8

Nomba abamwenso, abatachetekelwapo, abafwaya ifyabunani, bakepaya, ababulale-lale, indoshi, abalomba tungosa wakubasa, nabonse ababufi. Ichifulo chabo nimuli bemba wamulilo uwaka nasilubale. Nji emfwa yachibili.”

Ukufisulula 22:15

Nomba panse yamusumba paba imbwa, indoshi, ababulale-lale, ifipondo, abalomba tungosa wakubasa nambalya abatemwa nokuchita ifyabufi.

Ukufisulula 3:9

Boneni! Ekobali abantu bakwa Satana, bo abakososa ukuti Bayuda, kuntu iyowo. Nakubalenga ukuti bakese kufukama kumolu obe mukuyichefya. Elo bakwishiba ukuti nalikutemwa.