Filipi 3:12 - Chipangano Chabwangu

¹² Nshikososa ukwebati nalifikapo kale pali mfi nangu ukwebati ndiwalungama kale iyowo. Nomba ndesha ukwebati nkapoke ichilambu icho Klistu Yesu achimfishe kale ukuti mbe uwakwe.

Filipi 3:12 ပူးပေါင်းရင်းမြစ်များ

Mateyo 5:48

Echo mube ababuta kubati nimfilya Bawishinwe bakumulu baba ababuta.

Imilimo ya batumwa 9:15

Kuntu Bashikulu balimwasukile bati, “Koya bwaka, pantu ngu muntu nebo ndimusalile ukuti alokumpyungila, ewakwishibisha ishina lyanji kubenafyalo, kumfumu nakubena Isilaeli.

Loma 8:39

nangu ichalo chamumulu nangu ichapanonshi, nangu ichabumbwa ichili chonse. Takupo ichintu nangu chimo ichakutulekanya kuchitemwiko chaku Lesa icho tukwete muli Klistu Yesu Imfumu yesu.

1 Kolinto 13:10

nomba ulo ichafikapo chakwisa, ichitafikapo chakuluba.

1 Kolinto 13:12

Nomba nkobona ifintu kubati chinshingwa muchilola. Elo pali njilya nshita twakubonana amenso namenso. Nduno ndishibile panini, kuntu pali njilya nshita nakwishiba ukufikapo, kubati nimfilya banjishiba ukufikapo.

1 Kolinto 9:24

Napo tamwishibilepo ukuti bonse balachimfyanya mulubilo, kuntu umo eupokelela ichilambu? Echo ukubutuka kwenu kube ukwakupokelela ichilambu.

2 Kolinto 13:9

Tulasekelela ulo tuli abanaka, ulo mwebo muli abafiso. Icho tukolomba Lesa chakuti mube abapwililika ukufikapo.

2 Kolinto 7:1

Nomba, mwe batemwekwa, pakuti tuli nobulayo mbu, katufumyepo ifintu fyonse ifikowesha imibili yesu nangu imitima yesu. Elo mukuchinshika Lesa, twikale ubumi ubwaololoka nakambi ubwabuta.

Galatiya 5:17

Pakuba ifyo ubuntunse bwesu bufwaya nefyo Umupashi Wabuta ufwaya fyalipusana. Mfi fibili fyalipatana ichakuti tekuti muchite ifiweme ifyo mufwaya ukuchita.

Efeso 1:4

Ulo Lesa talatala ichalo, alitusalile kabela muli Klistu ukuba abantu bakwe ukwebati tube ababuta, elo abatakwetepo akalema pamenso yakwe. Pakuti alitutemwa,

Efeso 4:12

Achitile mfi ukuti apekanishishe kabela abantu baku Lesa ukuti babombe umulimo nokwimaka ichilonganino icho ichili mubili waku Klistu.

Filipi 1:1

Nine Paulo na Timoti abapyungi baku Klistu Yesu. Twalembela bonse mwe bekala mumusumba wa Filipi, bo abali bantu baku Lesa muli Klistu Yesu. Tukolembela nakambi intungulushi nabapyungi abachilonganino.

Filipi 3:16

Nangu chibe shani, twikatishe ifintu ifyo twanonka kale.

Filipi 3:3

Pakuba nifwebo abashilimunwa ukufikapo. Fwe abalomba Lesa pakutungululwa no Mupashi Wabuta. Tulayitutumuna pamulandu waku Klistu Yesu, temukuchetekelapo ifyabuntunse iyowo.

Filipi 3:8

Nachine, ifintu fyonse mfibona ukuba ifyabwaka pamulandu wabuboni ubukulu ubo ndinabo pakwishiba ukuti Yesu Klistu Bashikulu wanji. Pamulandu wakwe, ndaposa fyonse, ukufibona kubati fisoso, ukwebati nonke Klistu,

1 Tesalonika 5:15

Boneni ukuti tapapo nangu umo ukobwekesha ububi pabubi. Lonse mulokufwaya ukuchita ifiweme kubanenu, elo nakubantu bonse.

2 Tesalonika 2:13

Fwebo tulingile ukutotela Lesa inshita shonse pamulandu wakumwebo bawesu, mwe batemwekwa kuli Bashikulu. Pakuba Lesa amusalile ukufuma kukutatika ukuti mupuluke. Mwalipuluka pakuti Mupashi Wabuta alimuwamya. Elo panuma mwachetekele ifyachine.

1 Timoti 5:10

Elo alingile ukuba umuntu uwamichitile iiweme. Abe umwanakashi uwalikusunga bwino abana bakwe, uwakupokelela abalwendo bwino, uwalikupyungila abena Klistu mukuyichefya, walikwafwa abalikuchula, elo alikuyipela kukupyunga imilimo iiweme yonse.

1 Timoti 6:19

Muli nji nshila emo bakuyimakila umufula ukosele pakuyipekanishisha ifikoyisa ukuti bakapokelele ubumi ubwinenene.

Hebele 12:14

Esheni ukwikala nobumi bwabuta nabantu bonse munshila iilungeme, pakuti tapapo nangu umo uwakubona Bashikulu nga talungeme.

Hebele 12:23

Mwafika kuchilonganino ichansansa uko balongene abana baku Lesa ababeli, bo amashina yabo yalembwa kumulu. Mwafika kuli Lesa kapingula wabantu bonse, ukwaba imipashi yabantu abo Lesa alungamikile nakambi bali abafikapo.

Hebele 13:21

Ngu Lesa amupele ifiweme fyonse ifyo mukabila ukuti muchite ifyo afwaya. Elo ukupitila muli Yesu Klistu achite muli mwebo ifyo ifimusekesha. Klistu achinshikwe umuyayaya. Ameni.

Yemusi 3:2

Pakuti bonse tulabifya mufintu ifinji. Nga umuntu tabifyapo mukusosa kwakwe, ekwebati ali uwalungama ukufikapo. Elo kuti asunga umubili wakwe onse.

1 Petulo 5:10

Nomba ulo mwaumfwa ukufinya pakanshita, Lesa uwabwanshi akumwimaka nakambi nokumubika pamufula uukosele, nokumukoselesha. Ewamwitile ukuti mwinjile mumuchinshi wakwe uutashilapo uuli muli Yesu Klistu.

2 Petulo 3:18

Nomba mukule mubwanshi namukwishiba ifya Bashikulu no Mupulushi wesu Yesu Klistu. Kuli Ye kube ubuleme nomba nomuyayaya. Ameni.