Filipi 3:11 - Chipangano Chabwangu

¹¹ Mukuchita mfi, nandibo nkasangemo ukubuka ukufuma kubafwa.

Filipi 3:11 ပူးပေါင်းရင်းမြစ်များ

Luka 14:14

Elo webo wakupelwa ishuko, pakuti tabakwetepo ifyakukubwesesha. Lesa akwisa kukulambula ulo abalungama bakwisa kubuka kubafwa.”

Yohane 11:24

Malita aasukile ati, “Ndishibile ukwebati akwisa kubuka nakambi mukubuka kwabafwa mukasuba kakumupwilo.”

Imilimo ya batumwa 23:6

Ulo Paulo ayishibile ukuti bambi pebumba bali Basaduki, bambi nabo Bafalisi, asanswile ishiwi muchilye nokusosa ati, “Mwe bawesu, nebo ndi Mufalisi umwinenene, umwana wa Mufalisi. Icho bandetele mukulubulula nipamulandu wabuchetekelo nakwata bwakubuka kwabafwa!”

Imilimo ya batumwa 26:7

Echilayo chenka icho nemikowa yesu ikumi na ibili, abo abalomba Lesa akasuba nobushiku, ikololela. Mwe bachinshikwa, nipamulandu wachichetekelo nchi epo napelwa umulandu ku Bayuda!

Imilimo ya batumwa 27:12

Ncho chabu tachalingilepo ukwikala munshita yamwela. Emulandu abenji balikufwayila ukupitilila mubulwendo nokuyafika kuchabu cha Fonikisi. Fonikisi chabu chaba mupepi nechishi cha Kileti ichalolesha kukapindami-kepi-kumbonshi nakukapindami-katali-kumbonshi.

Loma 11:14

Nalimo kuti nalenga abamutundu wanji ukuba nobufuba, elo bamo muli bo bakuchetekela Klistu nokupulushiwa.

1 Kolinto 15:23

Ukubako umuntu onse akubuka panshita yakwe: Uwakwambilapo ni Klistu, elo panshita yakwisa kwakwe abantu bakwe nabo bakwisa kubuka kubafwa.

1 Kolinto 9:22

Kubanaka muchichetekelo, ndekala kubati nibo ukwebati mbanonke. Kubantu bonse ndekala kubati nibo ukwebati nonkepo bambi pali bo.

1 Kolinto 9:27

Ndachusha umubili wanji ukuti unakile. Nshikofwayapo ukuti nga nashila ukushimikila bambi, nebo nkafwilwe ukupoka ichilambu.

2 Kolinto 11:3

Nomba nkotina ukuti kubati nimfilya insoka yabepele Efa mubuchenjeshi bwayiko, namwe imitima yenu ingabepwa nokukana yipela kuli Klistu nomutima wenu onse.

1 Tesalonika 3:5

Echo natumine Timoti kuli mwebo. Ulo nafililwe ukushipikisha, nalangulukile ukumutuma uko muli ukuti eshibe ifyo chaba ichichetekelo chenu. Natinine ukuti nangula Satana, kabepa, amubepele ukuti imilimo yesu yonse yakuba yabwaka.

2 Tesalonika 2:3

Mwileka umuntu nangu umo amubepepo munshila shonse pantu nkalya kasuba akatalayisa kufika kwakuba ukwalukila ubufumu bwaku Lesa. Elo umuntu uubipile ngulya akuboneka apatubile tuutu, elo akonaulwa.

2 Timoti 4:8

Ichisheleko nomba kupokelela ingala ilanga ukulungama uko Bashikulu, kapingula uwalungama, bakumpela pakasuba nkalya. Elo ichabupe nchi tabakapeleko nebo nenka iyowo, kuntu nambalya bonse abakolindilila ukwisa kwakwe.

Hebele 11:35

Namuchichetekelo abanakashi balipokelele abomi abantu babo bo abafwile. Elo bambi abachetekela balikuchushiwa ukufika nakumfwa. Tabalikufwayapo ukufuma muchifungo pamulandu wakufwaya ukwisa buka nobumi ubwinenene ubwachilapo.

Ukufisulula 20:5

Abafwa bonse abashele tababukilepo ukufikila ulo imyaka ikana limo yashilile.) Nku ekubuka kwakwamba.