Filipi 2:9 - Chipangano Chabwangu

⁹ Echo Lesa alimusumbwile ukwinekantu, nokumupela ishina ilyachila amashina onse.

Filipi 2:9 ပူးပေါင်းရင်းမြစ်များ

Mateyo 11:27

“Bata balimpela nebo ifintu fyonse. Takupo nangu umo uwayishiba Umwana, kano Bata benka. Nakambi takupo uwayishiba Bata, kano Umwana enka nabo Umwana asala ukubafisulwilako.

Mateyo 28:18

Elo Yesu ayishile kuli bo nokusosa ati, “Ifiso fyonse fyapelwa kuli ne kumulu napanonshi.

Luka 10:22

“Bata balimpela nebo ifintu fyonse. Takupo nangu umo uwayishiba Umwana sembi Bata benka, nakambi takupo uwayishiba Bata, sembi Umwana enka nambalya Umwana asala ukubafisulwilako.”

Yohane 13:3

Yesu alishibile ati Bawishi balimupele ifiso pafintu fyonse. Alishibile ukuti Ye afumine kuli Lesa nakambi akubwelela kuli Ye.

Yohane 17:11

Nomba nkoyisa kuli mwebo. Tanshilipo wamuno chalo iyowo, kuntu mba bamuno chalo. Bata mwe Babuta, mwishina lyenu basungeni abo mwampele ukuti bakabe umo ukubati nimfilya twaba umo.

Yohane 17:12

Ulo nali nabo nalibasungile mwishina lyenu ndilya mwampele. Elo nalikubalama, tapapo nangu umo uwaku bo uwaonayikile, kuntu ngulya uwali nokonayika ukuti Amalembo afikilishiwe.

Yohane 17:5

Nomba Bata namwe nchinshikeni nebo, nga mfilya nachinshikilwe ulo twali bonse, ichalo chitalatatikwa.

Imilimo ya batumwa 5:31

Nomba Lesa alimuchinshika nokumubika kukuboko kwakwe ukwamulyo. Amuchitile ukuba Intungulushi no Mupulushi ukuti abena Isilaeli balapile nokunakililwa kumabifyo abo.

Efeso 1:10

Icho Lesa afwayile ukuchita panshita ilingile kuleta pamo ifyakumulu nefyapanonshi, na Klistu nga umutwi.

Kolose 1:18

Emutwi wamubili wakwe, emukuti ichilonganino. Ewakwamba ukubuka kubafwa ukuti muli fyonse abe uwapamulu.

2 Tesalonika 1:12

Muli nji nshila, Bashikulu Yesu bakuchinshikwa muli mwebo, elo namwe mwakuchinshikwa pakuti muli babo. Fyonse mfi fyakuchitika pamulandu wabwanshi bwaku Lesa na Bashikulu Yesu Klistu.

Hebele 1:4

Umwana waku Lesa alichilapo pabangelo, kubati ifyo ishina ndyo Lesa amupele lyalichilapo pamashina yabangelo.

Hebele 1:9

Mwalitemwa ifilungeme, nokupata ifitalungeme. Echo Lesa, Lesa wenu, amuchinshika nokumusuba amafuta, ayakulanga insansa ukuchila abanenu bonse.”

Hebele 12:2

Amenso yesu abwenekeshe pali Yesu uyo uwatatikile ichichetekelo chesu, nakambi euchisunga. Pamulandu wakusekelela ukwali kumulindila, ngu aliipele ukusamikwa pamutashi. Takwetepo nensoni pamfwa yamfi. Nomba akoyikala kukuboko ukwamulyo ukwamupando wabufumu bwaku Lesa.

Hebele 2:9

Nomba uyo tukobona bwaka ni Yesu, Ye pakashita kanini bamuchefyeshe ukuchila abangelo, alipokelele ingala yamuchinshi pamulandu wamfwa iyo achulile. Chali mfi pakuti mubwanshi bwaku Lesa afwayile ukuti Yesu afwile abantu bonse.

1 Petulo 3:22

Yesu aliile mumulu. Ali kukuboko ukwamulyo ukwaku Lesa. Kwenka nkulya, abangelo, babuntungulushi nabafiso bakomunakila.

2 Petulo 1:17

Pakuba alipokelele umuchinshi nobuleme ukufuma kuli Lesa Bata ulo ishiwi lyafumine kuli Lesa uwabuleme nokusosa ati, “Ngu Mwana wanji uwatemwekwa, muli Ye emo mbekelamo.”

3 Yohane 1:7

Pantu ulo bayimine mubulwendo lwabo lwakubombela Klistu, tabasuminishe ukuti bafwilishiwe nabakunse.

Ukufisulula 1:5

Yesu Klistu naye amushukishe nokumupela umutende. Ye ekamboni uwakuchetekela uyo uwatatikilepo ukubuka kubafwa. Entungulushi yashamfumu shonse ishapanonshi. Yesu alitutemwa nakambi alitukakula kumabifyo yesu ayalikutukaka.

Ukufisulula 11:15

Panuma yaku mfi, umungelo walenga basano na babili alilishishe indibu yakwe. Elo kwalyumfwikile ichongo chamashiwi kumulu ati, “Nomba ubuleme ubwakutungulula bwaba ubwaku Bashikulu wesu no Wasubwa wakwe. Elo akutungulula umuyayaya!”

Ukufisulula 19:16

Pamwinjila wakwe napachibelo chakwe palilembelwepo ishiwi ilikoti, “Imfumu iyashamfumu, Bashikulu wabashikulu bonse.”

Ukufisulula 3:21

Onse uwakuchimfya nakumusuminisha ukwikala nandibo pamupando wanji uwabufumu, kubati nimfilya nachimfishe nokwikala na Bata pamupando wabufumu.

Ukufisulula 5:12

nalibomfwile bakoyimba nokubilikisha amashiwi ati, “Umwana wambelele uyo bayipeye, ewulingile ukupokelela ifiso, ububoni, umulangwe, amaka umuchinshi, ubuleme nokutondayisha.”